နဆၧၥၭမၧၫ့ဖၧၩ့ အ့ၪမွဲ နမိလ့ၩထၪ့လ့ၩထီၫနီၪ နယၫ့ၥၭလၩ့နၥၭ လန့ဘၪလီၫႉ

ၦလၧကမိလ့ၩထၪ့လ့ၩထီၫကဂၩနီၪ ကဘၪကျ့ၭစၨၭဝ့ၫဒၪအၪနဲၪ့ၦဂူၫဂၩႇ အၥၭဒဲမိၡါနံၫမံၩ့လူၬနီၪ ကဘၪၡၪ့ယၬ ဝ့ၫဒၪအၪနဲၪ့ၦဂူၫဂၩလီၫႉ ပမိလ့ၩထၪ့လ့ၩထီၫအၪနဲၪ့ၦၡၩဂီၩ့ ပကအီၪဘျိၪအီၪဘျၩနီၪ မွဲကန့အ့ၬႉ ပလ့ၩလၧ ဆၧအနၧၩ့အီၪဝ့ၫ ဒၪဖၧၩ့ၥၭအခၫ ၦၡၩအၪဒၪဆၧနီၪ မွဲဘၪဒၪဆၧၫ့ယၫလၧ ဆၧကၪဆၧဂဲၩလဖၪဂီၩ့တၭ ထိးစၪခွံၬအၥၭၥ့ၪနီၪလီၫႉ အ့ၪမွဲ ပကမိန့ ဘၪဆၧအနၧၩ့နီၪ ပကဘၪဒၪဆၧၫ့ယၫလၧ ဆၧကၪဆၧဂဲၩလဖၪအဂး မွဲပၥၭမဲၪလန့ဘၪလီၫႉ

         ကျ့ၭစၨၭခၫ့ဂၬခွံၬ ဆၧကၪဆၧဂဲၩလဖၪနီၪထၧၫ့အန့လါဆံၭႉ ပဘၪဒၪဆၧၫ့ယၫလၧ ဆၧကၪဆၧဂဲၩအၪအၪမၬ မွဲပကန့ ထၪ့ဘၪဆၧမၩလိၪအၪအၪႇ မွဲပကဒိၪထုၬကုၬဎွ့ၩထၪ့အၪအၪႇ ဂီၩ့ ပဘၪမၩပျၩ့ခွံၬ ဆၧကၪဆၧဂဲၩအီၪထၪ့ ကမံၩ့မံၩ့ယူၭအခၫ လၧ အလးခဲၫ့နီၪ မွဲဆၧအခွးအယၬဂဲၫပၫထဲးဎုၬ ကမံၩ့မံၩ့နီၪလီၫႉ  ဆၧနီၪအကၠီၩ့ အ့ၪမွဲနကမိမၩန့ ဆၧအခွးအယၬနီၪစွါဘဲၫ နကဘၪမၩပျၩ့ခွံၬ ဆၧကၪဆၧဂဲၩနီၪထၧၫ့အန့လီၫႉ နဒၪယိလၧ ဆၧကၪဆၧဂဲၩလဖၪအခၫမၬ ဆၧကိၭမံၩ့ဒ့ၭနီၪ ဘဲၫနစီၪထၬ အၥိၭ မွဲလကၪဂဲၩဘၪနီၪ နကၥ့ၪယၫထၪ့လီၫႉ ဆၧနီၪအကၠီၩ့ အ့ၪမွဲ နကမိလ့ၩထၪ့လ့ၩထီၫႇ အ့ၪမွဲနကမိန့ဘၪဆၧအနၧၩ့နီၪ ယၫ့ၥၭလၩ့နၥၭနးဆံၭလဂ့ၩႉ လၧနၥၭဆံၭဒံၭအခၫအ့ၪမွဲ နလအၪ့မၧၫ့လၩ့ဘၪနၥၭနီၪ အ့ၪနၥၭဂဲၫၡါထၪ့ကကၠၪ မွဲၦၡၩက အၪ့မၧၫ့အၪ့နၧၩနီၪလီၫႉ