ထၪ့ၡါကၠၭဘၪဂီၩဂီၩလဂ့ၩ

ၦၡၩထၪ့ၡါနီၪ မွဲဖိၪၥၭအဆၧကွ့ၩမွဲ့အ့ၬ အကၧၩ့ဒိၪထုၬမွဲဝ့ၫဒၪလၧ ပၡၩနံၩဂၩအီၪဎုၬကၠၬလိၭၥၭနီၪလီၫႉ အ့ၪမွဲပၥံၪယၪ ဆၧအဲၪကမံၩ့လီၫစွါဘဲၪ ထၪ့ၡါကၠၬဘၪလဂ့ၩႉ အ့ၪမွဲဆၧကိၪဘၪကိၪၥံၪ လၫဎွ့ၩမၬထၪ့ၡါလီၫႉ ဘဲၫယီၩ့ပဒၪဘၪ  အၥၭအီၪ ၁၆ ၁၇ ဖိၪၥၪလဖၪနီၪ ထၪ့ၡါလၩ့ဖၭဂီၩ့ အီၪဎုၬကၠၭအၪမၬနီၪလီၫႉ လဂၩဒဲလဂၩၥ့ၪယၪလိၬၥၭအဂဲးအဘၭအ့ၬ မၩန့လိၬၥၭႉ အ့ၪမွဲပကထၪ့ၡါစွါဘဲၫ ပကဘၪအၪ့ဎၬလၧၩ့ထဲၩ့ပၥၭနီၪလီၫႉ ၦၡၩအခွၫနီၪကဘၪအၪ့ဎၬလၩ့အၥၭ ဂံၪဒီၪ့အခိးအနါကဂၩအမူၩဒၪနီၪ ယမၩန့ယူၭဂၩ ပဂံၪ့ဒီၪ့ဖိၪထိးအလူၬအဂး ယလီၩ့ဎွါ ဒုၭအၪ့ဒုၭအီၩန့ယူၭဂၩ ပမၩအဂးဆၧထိးအလူၬ ပမၩအ့ၪန့ယူၭဂၩ ပကဘၪအၪ့ဎၬနီၪလီၫႉ   ၦၡၩအမူၪနီၪ ကဘၪအၪ့ဎၬဝ့ၫ အ့ၪထၪ့ၡါဂီၩ့ကကၠၪ အီၪဘဲၫၥိၭ အမူၪနၩ့အခံၪ့ဒၪအိၩ အီၪဘျိၪအီၪဘျၪ လန့လၩ့ဘၪနီၪကဘၪၥံၪယၪလၩ့အၥၭနီၪလီၫႉ   အဝၩလီၩ့ဎွါန့ထီးနီၪ ကၥိၩ့ဝ့ၫဘဲၫၥံၪလဲၪနီၪ အၪ့ဎၬဆၧဘၪယူၬဂၪႉ ဂံၪ့ဒီၪ့ကဖျိၪ့ပကၥုၪ့ထၪ့အဂး ဂံၪ့ဒီၪ့ကဖျိၪ့ဖၧၩ့ ဆၧမုၬဆၧလၩကအီၪအဂး ပကဒၪဘၪဆၧကၪဆၫဂဲၩအၪမၬနီၪလီၫႉဆၧနီၪအကၠီၩ့ၥုၪ့ထၪ့ကၠၬဂံၪ့ဒီၪ့လၧၥၭဆိၪမၩဖၧၩ့ ယီၫယီၫလဂၩ့ႉ အခံၪ့ယံၬလၧကကၠၪ ဆၧၥံၪယၪနၪၥံၪ လအီၪလၧၩ့ဘၪစွါဘဲၪ ဂံၪ့ဒီၪ့လၩ့ဖၭၥ့ၪဝ့ၫနီၪလီၫႉ