ထီၩ့ခွံၬၡိၭထၬဘၪပမိပဖါနီၪ လဂ့ၩ

အ့ၪပအီၪယဲၩ့လၧမိဖါအခံၫ့ ပနၪ့ထၪ့ဘၪမိဖါၥံၪအခၪ ပမိပဖါမွဲအီၪဆီၪ့အီၪချဲၪဧၪအဂဲး ပနၪ့ထၪ့ကိၭစိၩအဝ့ၫၥံၪ phone ဧၪႉ ကနံၩကဘျၩ့ ပကိၭလချူၭဘၪလါနၫ့့ မုကနွံၫနီၪ ကၥၫ့နၪ့ထၪ့ကိၭထဲၩ့ဘၪမိဖါၥံၪနီၪလီၫႉ မိဖါၥံၪနီၪ ဖိၪမုၪဖိၪခွၪ မၩဘိၪ့မၩဆၧၩ့မၬမွဲအ့ၬ အ့ၪနါဂၧၫ့ဘၪဖိၪဒံၪအလူ ဖိၪဒံၪလဖၪလခွံၬၡိၭထၬဘၪအဝ့ၫၥံၪစွါဘဲၫအၥၭဎွံၫဝ့ၫအၪမၬလီၫႉ အ့ၪပလ့ၩစဲၪထၪ့လၧခီၫ့ဂီၩ့ ပဂဲၪထဲၩ့ထီၩ့လၧဂံၪ့အခၫ ပဂဲၪထဲၩ့အၪ့ဎွ့ၩန့အ့ၪအဝ့ၫၥံၪအဂးဆၧကမံၩ့မံၩ့စွါဘဲၫအၥၭဎွံၪဝ့ၫအၪမၬလီၫႉ လၧအနဲၩ့ထံၭဖိၪဒံၪအီၪဒၪလါနၫ့ ခိၭယိလါဒၪဖိၪအအီၪလၧအယဲၩ့လဖၪနီၪလီၫႉ အ့ၪလချဲၩ့ဘၪဘၪလၧဖိၪအအီၪလၧအယဲၩ့လဖၪစွါဘဲၫဖိၪဒံၪလဖၪကအီၪမုၬဆီၪ့ချဲၫ့အဂးအၪ့ကံၩ့ဘၪဆိၪဖၪအ့ၪဝ့ၫကိၭနံၩလီၫႉ ပမၩဘိၫ့မၩဆၧၩ့မိဖါလန့ဘၪလါနၫ့ခွံၬၡိၬထၬဘၪမိဖါလဂ့ၩ ထဲၩ့အီၪကွ့ၩမိဖါၥံၪ ခိၭမၬခိၭမၬဆံၭႉ ဘၪနီၪလဲၪစွါဘဲၫမိဖါလဖၪနီၪအ့ၪမွဲအဝ့ၫၥံၪအၥၭဂဲၪဎိၩထၪ့အကၠၪကမိအီၪလၧဖိၪဒံၪၥံၪအၪနဲၪ့ အဂုအိၩဒံၭလီၫႉ အၥၭဆီၪ့ဘဲၫလိး ဖါနီၪအ့ၪဖိၪလဖၪထဲၩ့ဆိၬန့အ့ၪအဝ့ၫ ကိၪစွါဘဲၫအူၭလၩ့ၥၭဂီၩ့ ဆၧမုၬအၥၭအၪမၬလီၫႉ ပအဲၪကၠၬပမိပဖါ မွဲအ့ၬဧၪႉ အ့ၪပအဲၪမိဖါစွါဘဲၫခွံၬၡိၬထၬဘၪမိဖါၥံၪလဂ့ၩ ဖ့ၪလၫ့မိဖါအခံၫ့ဒဲ ချဲၩ့ဒုၪ့ကၠၭမိဖါဂီၩ့ အ့ၪပအီၪယဲၩ့လၧမိဖါစွါဘဲၫထဲၩ့အီၪကွ့ၩစိၩဘၪမိဖါၥံၪခိၬမၬခိၬမၬလါဆံၭႉ

Add new comment

7 + 7 =