ထိးစၪခွံၬ ဆၧၥၭမၧၫ့နီၪလဂ့ၩ

ထၧၫ့ဖုဝဲၥံၪဧ့ ပမိကဲၪနီၪကဲၪထၪ့အ့ၬ ပလမိကဲၪဘၪလဖၪနီၪ ကဲၪထၪ့ဒၪလူၬ ထီးၥုၪ့ၥၭလၩ့ဆါဘၪလဂ့ၩႉ အ့ၪပအီၪၥ့ၪနီၪ လၩ့မံၪ့ၥုၪ့မံၪ့ၥၭလီၫႉ ပကဲၪၡၩအဆၧၥၭမၧၫ့ယီၩ ပဘၪဂၪ့ခီၫ ပဘၪနံခီၫလါနၫ့ အီၪမၧၫ့နၥၭလၧ ဆၧမုၬလၩၥၭဎွံၪအဖၧၩ့နီၪဆံၭႉ

ယဆၧၥၭမၧၫ့ယီၩ ဘၪအၧၩ့ၥၫ့ထဲနီၪ ဂၪ့အံၪဂၪ့အူၭဘဲၫယီၩအၥိၭလဂ့ၩႉ ဂၪ့ခိၪချိၫ့အလး လခဲၫ့ကကဲၩ့ဖၧၩ့ ၦၡၩအဆၧၥၭမၧၫ့ အၧၩ့ၥၫ့နၬန့ပၧၩအီၪဝ့ၫဒၪအၪမၬအဂဲး အီၪနၪ့ထၪ့လါဆံၭႉ ပဘၪအီၪလၩ့စဲၪပၧၩလဂၩဎးလီၫအကၠီၩ့ ထီးၥုၪ့ဆံၭၥၭဆံၭဘၪလဂ့ၩႉ လၧပနဲၩ့ထံၭ အ့ၪၦၡၩလအီၪဘၪနးဂၩဆ့ ပကဘၪမၩပထံၩပၥိၭလၧ ဆၧအဲၪဆၧကွံၩဂီၩ့ ပကဘၪအီၪမၧၫ့ပၥၭနီၪလီၫႉ

ပဆၧၥၭမၧၫ့ဖၧၩ့ ဆၧကိၭမံၩ့နီၪလအီၪဘၪဘၪလါနၪ့ မံၫဆိၭမံၫခံၫ့ဘၪလဂ့ၩႉ ဆၧၥၭမၧၫ့ကမံၩ့နီၪ ဘဲၫပမိကဲၪ အၥိၭ ပကဲၪထၪ့မွဲန့အ့ၬနီၪႉ ဆၧနီၪအကၠီၩ့ ထိးစၪခွံၬပဆၧၥၭမၧၫ့နီၪ နးဆိၬလဂ့ၩႉ ဆၧၥၭမၧၫ့ကမံၩ့နီၪ မွဲပကဘၪ ထိးစၪခွံၬအဂးအ့ၬဘီၪႉ