ဆၧအဘၪထုၬနီၪ မွဲအလၩ့ဆၫ့ထုၬလီၫ

ပကဒၪယံၩယါ ၦၡၩအၪဒၪဆၧနီၪ ယိထၪ့ၦၡၩအခၫ ယိထၪ့ဝ့ၫလၧ ၥိၭထၬထီၫ့ၥံၪစ့ၩၥံၪဧၪ ၥိၭထၬကီၩ့ထၬ ဆၧကီၩ့ဆၧၥိၭအဂ့ၩထုၬလဖၪဧၪဂီၩ့  အ့ၪမွဲၥိၭကီၩ့ထၬ ဆၧလဖၪနီၪမၬ စီၪဝ့ၫလၧၦၡၩနီၪလီၫႉ ပကဲၪၦၡၩကမံၩ့နီၪ ပကဲၪဒိၪကဲၪမုဒၪလူၬ ပဆၧၥၭမၧၫ့ယီၩ မွဲမုၬလၩတၡါဧၪႉ ကနၩ့နၩ့နီၪဘိၭ ကဲၪဒိၪကိၪမုဂီၩ့ ဆၧမုၬဆၧၡူၪအီၪဆ့ လါနၫ့ၦဘဲၫနီၪၥိၭနီၪ အီၪကဆံၭဖိၪလီၫႉ

အၪဒၪဆၧနီၪ ကဲၪဒိၪကဲၪမုလါနၫ့ အဝ့ၫၥံၪအဆၧၥၭမၧၫ့နီၪ မွဲဆၧမုၬဆၧလၩလအီၪဘၪလီၫႉ ပကဲၪထၪ့ၦၡၩ ကဂၩ ပကဲၪဒိၪကဲၪမုဂီၩ့ ပၥုၪ့ၥၭဘၪၡၪ့မၬနီၪ ကဂ့ၩဆၧနးမံၩ့လၧၩ့ဧၪႉ ဆၧနီၪအကၠီၩ့ ဆၧမုၬဆၧလၩတၡါနီၪ လမွဲဘၪ ကျိၪၥံၪစ့ၩၥံၪအဂဲး ပကဘၪနၪၥ့ၪထၬလီၫႉ

ၦၡၩကနၩ့နၩ့ယိထၪ့ၦၡၩအခၫ လယိထၪ့ဘၪ ထီၫ့ၥံၪစ့ၩၥံၪဒဲ ယိထၪ့ဝ့ၫဒၪလၧ ၦၡၩအနီၪ အဆၧၥၭမၧၫ့ဖၧၩ့ ဆၧမုၬလၩၥၭဎွံၪ အီၪဎွ့ၩၥ့ၪလဲၪအဂဲးနီၪလီၫႉ ၦၡၩကနၩ့နၩ့နီၪ ကဲၪဒိၪကဲၪမုအ့ၬ လါနၫ့ အဝ့ၫၥံၪအဆၧၥၭမၧၫ့နီၪ ဎွ့ၩလၩ့ဝ့ၫဒၪလၧ ဆၧမုၬလၩၥၭဎွံၪအၪမၬနီၪလီၫႉ

ဆၧအဘၪထုၬနီၪ မွဲအလၩ့ဆၫ့ထုၬလီၫႉ မွဲဆၧဘဲၫနီၪ ပဆၧၥၭမၧၫ့ယီၩ အ့ၪမိဎွ့ၩလၩ့ဝ့ၫဒၪလၧဆၧမုၬလၩ ၥၭဎွံၪနီၪ အီၪတီၩတီၩလီၩ့လီၩ့ဒဲ ဆၧကိၭမံၩ့နီၪမၩထၪ့လၧ ဆၧကျ့ၭစၨၭအဖၧၩ့လါဆံၭႉ ဂီၩ့ ယိထၪ့ၦဂူၫဂၩအဆၧ ထုၬဖျီၪ့ထၪ့ထၬ လၧခီၫ့လဖၪနီၪလဂ့ၩဂီၩ့ ယိထၪ့ဒၪ ၦဂူၫဂၫအၥၭလၬဖၧၩ့ ဆၧၥုၪ့ဂ့ၩၥၭဘွၩနီၪလါဆံၭႉ

နးအဲၪဖီၫဘွၩ