ဆၧလၧပကဲၪၥၭဘၪ့နီၪ

ပကဲၪၥၭဘၪ့အထီနီၪ ပဆၧထိၪတွၭအၪ့ဎၬလဖၪမွဲကၥၫ့ဝ့ၫဒၪ ပနးခီၫ့မိၡါဆ့ မွဲလၧၫ့ဎွ့ၩ လၧ ဆၧဆီၪ့ဆၧချဲၫ့လဖၪအကၠီၩ့ အ့ၪမွဲပၥၭလုအီၪလၧ ပကမိလ့ၩထၪ့လ့ၩထီၫစွါဘဲၫ ပကဲၪၥၭ ဘၪ့လဖၪယီၩ ပကလၩ့ဂၬဒၪ ဖီၫအထိ လၧပထိပၠၪထၪ့လဖၪနီၪလီၫႉ

အခံၫ့အနီၪ အ့ၪမွဲပလ့ၩဖၧၩ့ၥၭဘၪမၪႇ ဆၧကဒုၩကမံၩ့အဖၫ့ခိၪ ပကျ့ၭစၨၭထၪ့ထၧၩ့ အဖျီၫ့အ့ၬႉ ပကဘၪ မၩပၥ့ၪလဲၪ ပၥ့ၪယၫအ့ၬႉ ပဆၧမံၫမးနီၪမန့လဲၪပၥ့ၪယၫအ့ၬႉ ပဘၪလီၩ့ ဒိၭနဲၩ့ပၥၭလၧ ၦဂူၫဂၩအအီၪဂီၩ့ ပဆၧၥၭမၧၫ့ယီၩ ပကဘၪဆုးထဲၩ့မၩပၥ့ၪလဲၪပၥ့ၪယၫအ့ၬ ဘဲၫ ယီၩၥိၭနီၪ ကြၨၭလကဲၪထၪ့ဘၪလီၫႉ

ပကဲၪၥၭဘၪ့အထီယီၩ အ့ၪမွဲပၥိၩ့ပၥၭဘၪ့အခံၫ့လဖၪယီၩ လၧအခိးအတၩအီၪအီၪအ ဖၧၩ့ၥ့ၪမၬ ပကဲၪထၪ့ထဲၩ့၁ၭၡါအထီ ပဆၧၥ့ၪယၫနၪၥ့ၪကအီၪဝ့ၫဒၪအၪအၪဂီၩ့ ပမၩဆၧၩ့ၦၡၩ ကန့ဝ့ၫဒၪအၪအၪနီၪလီၫႉ

ဆၧနီၪအကၠီၩ့ ပကဲၪၥၭဘၪ့အထီ ပကဘၪလီၩ့အၪ့ဎူၫအၪ့ဎၬဆၧ ပကဘၪမၩယိဆၧမၩ လဖၪကိၭမံၩ့နီၪလီၫႉ ပကဘၪမၩပၥ့ၪလဲၪပၥ့ၪယၫဒံၭအ့ၬ ပဆၧထိစိၩနီၪမန့လဲၪအဂဲး ပလၥ့ၪ ယၫဒံၭဘၪနီၪ မွဲဒၪလၧပလီၩ့မၩလိၪဆၧ ပလီၩ့အၪ့ဎူၫအၪ့ဎၬဆၧအဂဲးဆါဒံၭအကၠီၩ့နီၪလီၫႉ  

လးလၩအနီၪ ဘၪအၪ့န့မူၩဒၩမန့လဲၪႉ အကၧၩ့ဒိၪထုၬ ဘၪမၩဆၧမၩမန့လဲၪႉ အ့ၪမွဲယၧၩ စွါဘဲၫ လးလၩအယီၩဒဲမူၩဒၩလဖၪယီၩ မယၥၭဆုးလီၩ့ဧၪႉ အ့ၪလမွဲဘၪ ယၧၩယီၩ ပမိမၩ လးလၩပၥ့ၪလဲၪ ယၧၩယီၩ မကကြၨၭလၧ ဆၧမၩပၧၩလဲၪႉ ဆၧအဂဲးလဖၪယီၩ ဘဲၫၥိၭပကၥ့ၪ ယၫလၩ့ပၥၭအဂးနီၪ ပကဘၪလီၩ့အၪ့ဎူၫအၪ့ဎၬထၪ့လၧ ပနဲၩ့ပဎီၩ့ လဖၪအအီၪႇ ပကဘၪ လီၩ့မၩလိၪထၪ့လၧ ၦၡၩအမၩဆၧဖံၭဆၧမၩလဖၪအအီၪနီၪလီၫႉ လကၭဘၪ တခၩကမွဲဆၧမၩ နးမံၩ့ ကြၨၭပနုၬလၩ့မၩယိနီၪလီၫႉ ပကဘၪလီၩ့မၩလိၪပၥၭလၧ၁ဖၠးလဖၪနီၪလီၫႉ

ပလီၩ့မၩယိခွါဆၧဘဲၫနီၪအ့ၪနၧၩ့မၬ ကကြၨၭလၧပၧၩနီၪ ဆၧမၩမန့လဲၪ ကကြၨၭလၧပ ဆၧမံၫမးနီၪ ဆၧမၩမန့လဲၪအဂဲး  ပကၥ့ၪယၫဂီၩ့ ပၥၭဆုးလီၩ့ဝ့ၫဒၪဆၧမၩယီၩ မွဲလၧပလီၩ့ဎွါ အၪ့ပဆၧၥၭမၧၫ့ထၧၩ့ဖျီၩ့ယၫ န့ဝ့ၫဒၪဆၧမၩဧၪႉ ဘဲၫၥိၭပလီၩ့ဎွါအၪ့လၧဆၧမၩအယီၩ ကန့ဆၧၥၭ မၧၫ့ထၧၩ့ဖျီၩ့ယၫအဂး ပကဘၪမၩဝ့ၫဒၪပၥ့ၪလဲၪ ဆၧအၪ့ဎၬ လဖၪကဂဲၫအီၪဖျီၪထၪ့နီၪလီၫႉ ဆၧနီၪအကၠီၩ့ ပနၫ့ဆါဒၪပၧၩ မွဲပကဘၪလီၩ့အၪ့ဎူၫအၪ့ဎၬဒၪပၧၩ ပကဘၪလီၩ့မၩ လိၪထၪ့ဒၪပၧၩ ကလိၫဝ့ၫဒၪတၡါနီၪလီၫႉ