ဆရၫအီၫ့ၥ့ၩ စံၭဝ့ၫဒၪ ဆၧလူဒိၪဎွ့ၩဒိၪ အဂဲး

ဆရၫယီၩစံၭဝ့ၫဒၪ ၥၭဘၪ့အၪဒၪဆၧနီၪ အ့ၪပစံၭအဝ့ၫၥံၪ နၧၩယီၩနလူနဎွ့ၩအီၪနးမံၩ့အ့ၬ ဘဲၫနီၪအခၫ အဝ့ၫၥံၪ ယီၩ အၥၭထၪ့ဒိၪဒိၪလ့ၬႉ အနီၪဘိၭဆၧလၧဆၧလူဒိၪဎွ့ၩဒိၪနီၪ မန့လဲၪ ပအၪ့စၪ့အဝ့ၫၥံၪ ဘဲၫနီၪအခၫ အဝ့ၫၥံၪယီၩ မၩဝံၩ့ မၩဝၩ့အၥၭဂီၩ့ ကိၪ့စံၭဆၧၫ့ထဲၩ့ပၧၩ လၥ့ၪဘၪနးမံၩ့နီၪလီၫႉ ဆၧအလူဒိၪဎွ့ၩဒိၪကမံၩ့နီၪ မွဲလၧလုၫလါဒဲဆၧမၩလဲၩဎုၬထၬ အၥၭနီၪလီၫႉ

စံၭမၬချၭ လၧဆၧဆၧၩ့ခၫအထီ ပဒၪဘၪလၭတၩလဖၪမွဲအ့ၬဧၪ လၭတၩလဖၪနီၪ နလ့ၩအၪ့န့မွဲန့ ယလ့ၩအၪ့န့မွဲန့ နလ့ၩအၪ့န့မွဲန့ႉ လၭတၩနီၪနလ့ၩအၪ့န့အ့ၬ ယၧၩဝ့ၫယလ့ၩအၪ့န့ဂီၩ့ ယကကၧၩ့ထၪ့ကိၪ့ၥၪ ယထံၭလၩ့စိၩယဆၧမၩလ ၥၨၩႉ ကိၪ့ၥၪနီၪယလီၩ့အၪ့ဆၫထဲၩ့န့ ဂၪ့ခိၪလုၫလါနီၪ ယထံၭလၩ့စိၩထဲၩ့ယဆၧမၩဘိၭ အလူအဎွ့ၩဂဲၫ အီၪထၪ့ယူၭမွဲအ့ၬ ဧၪႉ ၦၡၩလခဲၫ့ကဂၩနီၪ အခိၪနူၬဂ့ၩန့ယၧၩအကၠီၩ့ အၪ့န့ထၪ့လၭတၩဖံၭလဖၪနီၪဂီၩ့ ဖိၭလိၬထၪ့ထံၩဘိၭထံၩယီၩ အလူဒိၪ ဎွ့ၩဒိၪအီၪအၪထၪ့ထဲၩ့ဒီၭမွဲအ့ၬဧၪႉ ဆၧနီၪအကၠီၩ့ ပဝ့ၫၥံၪယီၩ ပဂဲၫကဲၪထၪ့ၦၡၩမီၪ့ဎီၩ့လီၫႉ ဘဲၫပထံၭလၩ့ပဆၧမၩအၥိၭနီၪ ပလူပဎွ့ၩကဂဲၫဒိၪထၪ့အဂဲး ယမိလီၩဘၪနီၪလီၫႉ ဆရၫအီၫ့ၥ့ၩ