ဂံၪ့နီၪမန့လဲၪ

ကနံၩနီၪတၭ ဖါဖါလဂၩ အၪ့စၪ့အဖိၪခွၫ ဖိၪခွၫ ဂံၪ့နီၪမန့လဲၪ ဖိၪခွၫလဂၩ စံၭဆၧၫ့ထဲၩ့ဝ့ၫ ဂံၪ့နီၪမွဲဒၪလၧ ၦၡၩအီၪအလး အၪ့အလး ၦၡၩမံၫအလး ဆၧၥုၪ့ဆၧဒီၩ့ ကမံၩ့ဘိၩဖါဖါမွဲအ့ၬဧၪႉ

မွဲယူၭဖိၪခွၫ ထီးန့ထၬႉ ဂၪ့ခိၪချိၫ့ယီၩ့ ၦၡၩလဖၪနီၪ ဘဲၫဆၧၥ့ၪဆၧဘၪအီၪအၥိၭ ၥုၪ့ထၪ့ဂံၪ့အမံၩ့မံၩ့ဂီၩ့ အီၪကၠၭဝ့ၫနီၪလီၫႉ ဂၪ့ခိၪချိၫ့ယီၩ့ ပကလီၩ့ယိထံးထံးဆ့ၭဆ့ၭ စွါဘဲၧဆၧမုၬဆၧလၩ လအီၪဘၪဂံၪ့လဖၪ ပကဒၪဘၪအၪမၬလီၫႉ လနၧၩ့နၧၩ့ဂံၪ့နီၪ ဖါဒဲဖိၪခွၫနီၪ ဒၪလိၬၥၭန့အ့ၬႉ လနၧၩ့နၧၩ့ဂံၪ့နီၪ ထၧၫ့ဖုဝဲၥံၪ ဒၪလိၬၥၭအိၭအ့ၬႉ လနၧၩ့နၧၩ့ဂံၪ့နီၪစွါဘဲၫခ့ၫနဲၩမုၪဒဲ အဖိၪမုၪ မံၩ့ၡါခွၫဒဲအမၬ အဝ့ၫၥံၪဒၪလိၬၥၭလန့ဘၪအီၪဝ့ၫနီၪလီၫႉ ဘၪနီၪလဲၪဂံၪ့ဒီၪ့ဖၧၩ့ ကဲၪဘဲၪယီၩ့နီၪႉ မွဲဒၪလၧဂံၪ့ဒီၪ့ဖၧၩ့ဆၧအဲၪဆၧကွံၩလအီၪဘၪအကၠီၩ့နီၪလီၫႉ ဆၧအနီၪအကၠီၩ့ ဆၧမုၬဆၧလၩဒဲဆၧအဲၪဆၧကွံၩအီၪ ဂံၪ့ဒီၪ့ကဖျိၪ့ ကကဲၪထၪ့အဂး ဘၪမၩဆၧမၩအၪအၪဂီၩ့ ပကဘၪအီၪက့ၪပၥၭ ဆၧချဲၩ့ၡၩၡၩနီၪလီၫႉ လကၭဒံၭဘၪပဂံၪ့ဒီၪ့ဖၧၩ့ လဂၩအဖၫ့ခိၪလဂၩနီၪပကဘၪအီၪက့ၪထၬ ဆၧအဲၪဆၧကွံၩဒဲ ဆၧၥၭအီၪနီၪလီၫႉ

Add new comment

6 + 1 =