ဂံၪ့ဒီၪ့ဖၧၩ့ကဲၪထၪ့ၥ့ၪအဂဲး

ဂံၪ့ဒီၪ့ကဖျိၪ့ဖၧၩ့ ထၧၫ့မၫဝၩနံၩဂၩအီၪဝ့ၫတၭ လဂၩဒဲလဂၩအ့ၪကမၩဆၪလိၬၥၭစွါဘဲၫကထိးဆၧၫ့လိၬၥၭဘဲၫၥ့ၪလဲၪႉ ကဲၪယၥၭနီၪဘိၭ ဆၧကကဲၪထၪ့ကမံၩ့မံၩ့နီၪလီၫႉ အဝ့ၫၥံၪနီၪ ကလီၩနၪၥ့ၪလိၬၥၭဘဲၫၥ့ၪလဲၪႉ အ့ၪမွဲအဝ့ၫၥံၪၥုၪ့ထၪ့ထၬအဂံၪ့ဒီၪ့ယီၩ လမိလၩ့ဖၭဘၪစွါဘဲၫ လဂၩဒဲလဂၩကဘၪအၪ့ကံၩ့အၪ့ယၫထဲၩ့ လိၬၥၭနီၪလီၫႉ ကဘၪအၪ့လဲၩထၪ့အၥၭနီၪလီၫႉ ဘဲၫပစံၭဆၧအၥိၭ ဝၩလဂၩနီၪ အ့ၪမၩဆၫအမၫအၥၭစွါဘဲၫ အဝ့ၫအမၪနီၪကထိးဆၧၫ့ထဲၩ့အဝ့ၫဘဲၪၥ့ၪလဲၪႉ အမၪနီၪအၥၭကထၪ့အဝၩအၪမၬနီၪလီၫႉ လါနၫ့ဂ့ၩ အမၪနီၪ အီၪတီၩလီၩ့ဧၪ အဆၧမၪအီၪဧၪ အဝၩအဂးဖ့ၪလၫ့ဝ့ၫအခံၫ့ဧၪ ပကဘၪအၪ့ဎၬနီၪလီၫႉ အ့ၪမွဲအဝ့ၫတီၩလီၩ့စွါဘဲၪ ကချဲၩ့လၩ့ဎိၭလိၬၥၭ ချံၫ့ချံၫ့ဂီၩ့ ကလီၩနၪၥ့ၪလိၬၥၭဂ့ၩဂ့ၪဘၪဘၪကန့ဝ့ၫနီၪလီၫႉ ဂံၪ့ဒီၪ့ကဖျိၪ့ဖၧၩ့နီၪ ထၧၫ့မၫဝၩနံၩဂၩယီၩ ကဘၪကဲၪလၥွံၪဎးလယၪဎး နီၪလီၫႉ လဂၩမၩဘၪဆၧမၪစွါဘဲၫ လဂၩကဘၪနၪၥ့ၪအဝ့ၫနီၪလီၫႉ လဂၩဒဲလဂၩကဘၪဖ့ၪလၫ့လိၬၥၭဆၧအဲၪဆၧကွံၩ ဒဲကဘၪနဲၩလိၬၥၭနီၪလီၫႉ အကၧၩ့ဒိၪထုၬနီၪ မွဲဆၧၥ့ၪယၪနၪၥ့ၪလီၫႉ