ဂံၪ့ဒီၪ့ဖၧၩ့ကဲၪထၪ့ၥံၪ အဂဲးအဘၭ

ဂံၪ့ဒီၪ့ကဖျိၪ့ဖၧၩ့ ထၧၫ့မၫဝၩနံၩဂၩအီၪဝ့ၫတၭ လဂၩအၥၭဆၫအီၪ လဂၩနီၪအ့ၪမွဲမၩဝ့ၫစွါဘဲၫ ကထုးဆၧၫ့လိၬၥၭဘဲၫၥံၪလဲၪႉ ကဲၪယၥၭနီၪဘိၭ ဆၧကကဲၪထၪ့ကမံၩ့မံၩ့နီၪလီၫႉ အဝ့ၫၥံၪနီၪ ကလီၩနၪၥ့ၪလိၬၥၭဘဲၫၥံၪလဲၪႉ အ့ၪမွဲအဝ့ၫၥံၪၥုၪ့ထၪ့ထၬအဂံၪ့ဒီၪ့ လမိလၩ့ဖၭဘၪစွါဘဲၫ လဂၩနီၪ ကဘၪအၪ့ကံၩ့အၪ့ယၫထဲၩ့ လဂၩနီၪလီၫႉ ကဘၪအၪ့လဲၩထၪ့အၥၭနီၪလီၫႉ ဘဲၫပစံၭဆၧအၥိၭ ဝၩလဂၩနီၪ အမၪအၥၭဆၫအီၪအ့ၪမၩဝ့ၫစွါဘဲၫ အဝ့ၫအမၪနီၪကထုးဆၧၫ့ထဲၩ့အဝ့ၫဘဲၪၥံၪလဲၪႉ အမၪနီၪအၥၭကထၪ့အဝၩအၪမၬနီၪလီၫႉ လါနၫ့ဂ့ၩ အမၪနီၪ တီၩလီၩ့ဂၩ အဆၧမၪအီၪဂၪ အဝၩအဂးဖ့ၪလၫ့ဝ့ၫအခံၪ့ဂၪ ပကဘၪအၪ့ဎၬနီၪလီၫႉ အ့ၪမွဲအဝ့ၫတီၩလီၩ့စွါဘဲၪ ကချဲၩ့လိၬၥၭ ချံၪ့ချံၪ့ဂီၩ့ ကလီၩနၪၥ့ၪလိၬၥၭဂံၩ့ဂံၩ့ဘၪဘၪကန့ဝ့ၫနီၪလီၫႉ ဂံၪ့ဒီၪ့ကဖျိၪ့ဖၧၩ့နီၪ ထၧၫ့မၫဝၩနံၩဂၩယီၩ့ ကဘၪအီၪ လဂၩဎးလီၫႉ လဂၩမၩဘၪဆၧမၪစွါဘဲၫ လဂၩကဘၪနၪၥ့ၪအဝ့ၫနီၪလီၫႉ ကဖ့ၪလၫ့လိၬၥၭဆၧအဲၪဆၧကွံၩ လဂၩဒဲလဂၩနီၪ ကဘၪနဲၩလိၬၥၭနီၪလီၫႉ အကၧၩ့ဒိၪထုၬနီၪ မွဲဆၧၥ့ၪယၪနၪၥ့ၪလီၩႉ