ဂံၪ့ဒီၪ့ကဖျီၪ့ဖၧၩ့ပထၧၫ့မၫဝၩၥံၪနီၪကဘၪဖ့ၪဂဲးဖ့ၪဘၭလိၭၥၭလီၫ

ဂံၪ့ဒီၪ့ကဖျီၪ့ဖၧၩ့ ပထၧၫ့မၫဝၩၥံၪလဖၪယီၩ့ လဂၩဒဲလဂၩ ဆၧဖ့ၪဂဲးဖ့ၪဘၭနီၪ လိၪဝ့ၫနီၪလီၫႉပထၧၫ့ၡါဂီၩ့စွါဘဲၫ ဆၧကဲၪဆၧဂဲၩမွဲဂ့ၩ ဆၧၡၪ့ဆၧနါမွဲဂ့ၩ ပကဘၪဒၪခီၩ့နီၪလီၫႉ ထီအခံၪ့နီၪကကၠၪ ပထၧၫ့မၫဝၩနံၩဂၩယီၩ့ ပကဘၪဖီၪ့ဂုးခၧၫ့ထၬ ပဆၧအဲၪဆၧကွံၩဂီၩ့ ပကဘၪဖ့ၪဂဲးဖ့ၪဘၭလိၬၥၭလီၫႉ အနီၪစွါဘဲၫ ဆၧကၪဆၧဂဲၩ ဆၧၡၪ့ဆၧနါ လဖၪနီၪ ပခၪ့ဖျီၫ့ကန့နီၪလီၫႉဆၧဖ့ၪဂဲးဖ့ၪဘၭလိၭၥၭလၧအီၪဘၪနီၪ ဂဲၪ့ဒီၪ့ဆါ ထၧၫ့မၫဝၩနံၩဂၩယီၩ့ အဂံၪ့ဒီၪ့ဖၧၩ့နီၪ ဆၧကဲၪဆၧဂဲၩ ဆၧၡၪ့ဆၧနါ ကအီၪ့အၪထၪ့အၪမၬနီၪလီၫႉ ကနၧၩ့နၧၩ့ ဂံၪ့ဒီၪ့ဖၧၩ့ ဝၩလဂၩနီၪ အီၩ့ၥံၭအီၩ့ဂၬ မၩနၧၩ့မၩစၪ အမၪလီၫႉ အနီၪကကၠၪ အမၪလဂၩ ဂံၪ့နီၪဆၧၡၪ့ဆၧနါ ဘၪထုးဆၧၫ့ဝ့ၫနီၪ ကမံၩ့ အဝၩမၩနၧၩ့မၪစၪနီၪ ဘၪထုးဆၧၫ့ဝ့ၫကမံၩ့ ကဒၪဘၪဆၧကဲၪဆၧဂဲၩအၪမၬနီၪလီၫႉ အ့ၪမွဲကဲၪဘဲၫနီၪစွါဘဲၫ ဂံၪ့ဒီၪ့ဖၧၩ့ဆၧမုၬဆၧလၩ လၩ့မါဂီၩ့ ဂံၪ့ဒီၪ့လၩ့ဖၭ ၥံၪဝ့ၫနီၪလီၫႉ ဆၧနီၪအကၠီၩ့ ဂံၪ့ဒီၪ့ကဖျိၪ့ဖၧၩ့ အကၧၩ့ဒိၪထုၬလိၪဝ့ၫနီၪ မွဲဒၪလၧ ဆၧၥ့ၪယၫနၪၥ့ၪဒဲ လဂၩဘၪလဂၩဆၧဖ့ၪဂဲးဖ့ၪဘၭလိၬၥၭနီၪလီၫႉ