ဂံၪ့ဒီၪ့ကဖျိၪ့ကဂုးခၧၫ့အဂး

ပၥုၪ့ထၪ့ဂံၪ့ဒီၪ့ကဖျိၪ့ဂီၩ့ ထၧၫ့ကဂုးခၧၫ့လဆိၩယၫနီၪ မုဆၫကနံၩယီၩအဂး ကၪဂဲၩဝ့ၫဒၪအၪမၬနီၪလီၫႉ ဆၧအဲၪဘိၩ့ လိၬၥၭလဖၪနီၪ မုဆၫကနံၩယီၩ အီၪအၪထၪ့ဝ့ၫအၪမၬနီၪလီၫႉ ၥၭဘၪ့လၧကထၪ့ၡါလဖၪဆ့ အၪ့ဎၬထၬထံၫထံၫဆၭဆၭလါဆံၭႉ ပကအီၪဎုၬအဂးပရွံထၪ့ထၬၦၡၩယီၩ ပကထဲၩ့အီၪ မၧၫ့ဎုၬလဆိၩယၫကန့အဂး ကျ့ၭစၨၭလါဆံၭႉ ၦၡၩလၧပအီၪဎုၬထၬယီၩ အ့ၪလမွဲဘၪဆၧနးမံၩ့လါနၫ့ အဝ့ၫၥံၪအမိအဖါအဂး နီၪ အဝ့ၫၥံၪယီၩ မွဲၦလၧအလူဒိၪဎွ့ၩဒိၪအအီၪထုၬၦၡၩလဖၪအဂဲး အီၪနၪ့ထၪ့ဘၪလါဆံၭႉ ထီးမၩဘၪထံၭဘၪနဲၪ့ဘၪ ၦၡၩအဖိၪအဒံၪအၥုၪ့အၥၭဒဲ အနးခီၫ့မိၡါနီၪလဂ့ၩႉ

ၦလၧပအၪ့န့ထၬဝ့ၫဒၪလဂၩယီၩ မွဲပဘၪဂဲၫထဲၩ့အၪ့လူလၩ့ထၬလၧအဆံၭဆံၭအိၩမွဲအ့ၬႉ ထၧၫ့အဝ့ၫၥံၪယီၩ ကထီၩ့လၧပစူၪဖၧၩ့ မုကနံၩအထီ ၦလၧအဘၪဂဲၫထဲၩ့လုအၪ့လုအီၩအဝ့ၫၥံၪ ဘၪဂဲၫထဲၩ့ယိထဲၩ့ခွါထဲၩ့အဝ့ၫၥံၪနီၪ မွဲဒၪလၧအဝ့ၫအမိအဖါၥံၪတၭ မွဲပကဘၪဒၪထၪ့ အဝ့ၫၥံၪအခိးအတၩထၧၫ့အၥ့ၪနီၪလီၫႉ

ပထၧၫ့မၫထၧၫ့ဝၩလဖၪဆ့ ထီးနၧၩ့ဘၪစၪဘၪလိၭၥၭလဂ့ၩႉ ယၫ့ၥၭလိၬၥၭ နၪၥ့ၪလိၬၥၭဂီၩ့တၭ လၧဆၧစီၪဒီၩ့ဘၪဎီၩ့လိၬ ၥၭဖၧၩ့ ထဲၩ့အီၪမၧၫ့ဎုၬထၧၫ့ပၥံၫပၡါလါဆံၭႉ ပကဘၪပၧၩ့ဆုၬထၬပၥၭလုနီၪ လၧပလၩပဖၩ့ဆ့လိၪဝ့ၫဒၪအဂဲး မုကနံၩယီၩယရၩ လၩ့စိၩအ့ၪဘၪနၥံၪနီၪလီၫႉ