ဂံၪ့ဒီၪ့ကဖျိၪ့ကဂုးခၧၫ့အဂး

ပကဲၪဝ့ၫဒၪၥၭဘၪ့လဖၪယီၩနီၪ ကနံၭကိ မွဲပကဒၩ့ဂံၪ့ဒၩ့ဎၪ့နီၪလီၫႉ အ့ၪမွဲပဒၩ့ဂံၪ့ဒၩ့ဎၪ့အခၫ ဘဲၫၥိၭပဂံၪ့ဒီၪ့ ကထဲၩ့ဂုးခၧၫ့လဆိၩယၪအဂးနီၪ မွဲပကဘၪကျ့ၭစၨၭဝ့ၫဒၪနီၪလီၫႉ ဆၧနီၪအကၠီၩ့မုကနံၩယီၩ ယအဲၪဒိၭရၩလၩ့စိၩ အ့ၪဘၪနၥံၪ ဂၪ့ဒီၪ့ကဖျိၪ့ကဂုးခၧၫ့အဂး လိၪဝ့ၫဒၪဆၧအဂဲးလဖၪနီၪလီၫႉ

အဆိၪထုၬနီၪ ၦလၧကကဲၪထၪ့ဝၩလဖၪအအီၪ လိၪဝ့ၫဒၪအၪနဲၪ့ၦမုၪၥံၪ အီၪဝ့ၫ၃မံၩ့နီၪလီၫႉ

၁ႉ အၥၭႇ ၂ႉ ဆၧကိၪ့ဘၪကိၪ့ၥ့ၪ ဒဲ ၃ႉ ကျိၪစ့ၩ ဆၧလဖၪယီၩနီၪလီၫႉ

ၦလၧကကဲၪထၪ့မၪလဖၪအဂး လိၪဝ့ၫဒၪအၪနဲၪ့ၦခွၫအီၪဝ့ၫဒၪ၅မံၩ့နီၪလီၫႉ ၁ႉ ဆၧအွံၪၥၭဆၧၩ့ဆၧႇ ၂ႉဆၧ အဲၪဆၧကွံၩႇ ၃ႉဆၧထိၪတွၭအၪ့ဎၬဆၧယိၭယိၭႇ ၄ႉဆၧအီၪအၪ့ဆံၫ့ဆံၫ့ဖျ့ၪဖျ့ၪ ဒဲ ၅ႉမၩဂံၪ့ဖၧၩ့ဎၪ့ဖၧၩ့ဆၧဖံၭဆၧမၩၥ့ၪ ဂ့ၩဂ့ၩဘၪဘၪ ဆၧလဖၪယီၩကဘၪအီၪဝ့ၫဒၪလီၫႉ

ဘဲၫယီၩယမိဆုးထဲၩ့လီၩၥ့ၪယၫအ့ၪဘၪနၥံၪထၧၫ့မၪဝၩလဖၪအဂးလိၪဝ့ၫဒၪတၡါၡါဆၧအဂဲးလဖၪနီၪလီၫႉ ၁ႉထၧၫ့မၪဝၩနံၫဂၩယီၩ ကဂၩဘၪကဂၩ ကဘၪနၪၥ့ၪလိၬၥၭဂ့ၩဘၪစဲၪ

၂ႉ ကဂၩဘၪကဂၩ ကဘၪယူၭယၪ့လိၭၥၭ ဒဲ

၃ႉ ကဘၪနဲၩလိၬၥၭနီၪလီၫႉ

ဆၧအဂဲးလဖၪယီၩ ဘဲၫဂံၪ့ဒီၪ့ကဂုးခၧၫ့အၥိၭ အရ့ၩဒိၪဝ့ၫဒၪအၪမၬနီၪလီၫႉ ဆၧလၧဂံၪ့ဒီၪ့နီၪ မီၪ့ဎီၩ့ဒၪထိၪနံၫဘံၪ့ယူၩ ဝံၩ့ဝၩ့နီၪလီၫႉ ထိၪနံၫဘံၪ့ယီၩ မွဲပၧၩလဲၪဎိၩ မွဲပၧၩလဲၪဆံၭ လအီၪဘၪနီၪလီၫႉ ကဘံၪ့နီၪအ့ၪမွဲယူၩဖျဲၪစွါဘဲၫ ကဘၪခိၭ ထဲၩ့အၥိၭလၧအယူၩၡီးကဘံၪ့ယီၩနီၪလီၫႉ ကဂၩဘၪကဂၩ အၪ့နၩ့ယိၬ ဂံၪ့ဒီၪ့မူၩဒၩလဖၪကၠၧၫ့ကၠၧၫ့မၬ ဂံၪ့ဒီၪ့အယီၩ ကဆုးထဲၩ့ဂုးခၧၫ့လဆိၩၡၩနီၪလီၫႉ နၧၩယီၩအ့ၪမွဲနအၪ့န့မူၩဒၩကၠၧၫ့ကၠၧၫ့လၧ ၦၡၩလနၧၩ့ဘၪစွါဘဲၫထၪ့ၡါလဂ့ၩႉ အီၪ ဒၪမၬနၧၩကဂၩဎးလီၫႉ ပထၪ့ၡါလၩ့ဖၩနီၪယီၫဝ့ၫဒၪလါနၫ့ ပကဘၪထဲၩ့ပၧၩ့ထၬ ပဂံၪ့ဒီၪ့ယီၩဘဲၫကဂုးခၧၫ့လဆိၩယၫ အဂးနီၪ ကၪဝ့ၫဒၪအၪမၬနီၪလီၫႉ