Daily Reflection

Friday, February 05, 2021

စဎွၩဟ့ရၧၭနါဂၧၫ့ဆၧႇ အဂဲးဘဲၫယီၩ အမံၩ့ဂၧၫ့ထၪ့ၥၩလၩ့ဝ့ၫတၭႇ စံၭဝ့ၫလၧၦဘၭတံၫဇၫ့ဆၧစယီဟၫ့ ဂဲထုၪ့ထဲၩ့လၧဆၧၥံၫအဖၧၩ့လီၫ. မၩအၥၭဘဲၫနီၪတၭႇ ဆၧလၩ့လၭမၩအၥၭလၧအဖၧၩ့လီၫ.

ယ့ၫၡုၬဖျါလၩ့အထံၩအဖျဲလဆံၫနံၫဂၩ.

Thursday, February 04, 2021

အဝ့ၫဒၪကိၭန့ၦလဆံၫနံၫဂၩတၭႇ အၪ့မၧၫ့အလ့ၩဆၧနံၫဂၩလစီၪ့ႇ နံၫဂၩလစီၪ့လီၫ. ဖ့ၪလၫ့ဝ့ၫလၧဆၧအစီၩ့အမၩ့ လၧဆၧနၪအဖၫ့ခိၪလီၫ.

ၦနၭဇရ့ၭဖိၪလထိးဆၧၫ့နဲၩထဲၩ့ဘၪယ့ၫၡုၬ.

Wednesday, February 03, 2021

တၭအဝ့ၫဒၪစဲၪ့ထၪ့ခွံၬထီးနီၪႇ လ့ၩဝ့ၫထီၩ့လၧ အခးဒၪဝ့ၫတၭႇ အထံၩအဖျဲၥံၪဖိၬအခဲၫ့လီၫ.- ထီးဘၪမး ၥံၫအနံၩနီၪ အဝ့ၫဒၪၥီၪ့ထဲၩ့ၥၫ့ထဲၩ့ဆိၫဆၧ လၧၥရိၬဖၧၩ့လီၫ.

ဆၧလ့ၩၥိၫ့ယ့ၫရှူ ၬလၧဆၧလုဂံၪ့ဖၧၩ့.

Tuesday, February 02, 2021

ထီးအဝ့ၫၥံၪၥူၫဝၭဆံၫ့ဆၧအမုနံၩလဖၪ လၧၫ့ထၪ့ဎွ့ၩထၪ့ဝ့ၫႇ ဘဲၫစမိစ့ၭအဆၧမၪလူၬအၥိၭနီၪႇ အဝ့ၫၥံၪလ့ၩဆိၬဝ့ၫ လၧယရုစလံၫ့ ဘဲၫၥိၭအမိအီၪက့ၪဝ့ၫ လၧကဆါအမ့ၬယၫလီၫႉ

ယ့ၫၡုၬမၩဘျၪထဲၩ့ၦလဂၩလၧဆၧနၪလဖၪအီၪ.

Monday, February 01, 2021

အဝ့ၫၥံၪလ့ၩထီၩ့ဝ့ၫလၧကွံၩဝါလခီၫ လၧၦဂၧဂစံၫ့ဖိၪအခးလီၫ.- ထီးအစဲၪ့ထၪ့ခွံၬဝ့ၫလၧချံၫဖၧၩ့တၭႇ ၦလၧဆၧနၪအီၪ လၧအလီၩ့လဂၩ ဂဲၫထၪ့ချဲၫ့မၬလၧလီၫ့ဖၧၩ့ အၪ့ဂၬအဝ့ၫဒၪလီၫ.

ၦလဂၩလၧဆၧနၪအီၪလၧအလီၩ့.

Sunday, January 31, 2021

ၦနၭဇရ့ၭဖိၪယ့ၫၡုၬဧ့ႇ ဆၧဘၪဆဲၫ့လၧပၧၩ ဒဲနၧၩမွဲဆၧနီၪလဲၪ. မွဲနဂဲၫမၩဂၭဂီၩ့ပၧၩဆ့ဧၪ. နဝ့ၫဒၪယီၩ နမွဲပလၫလဂၩလဲၪနီၪ ယၥ့ၪယၫယဝ့ၫလီၫ. နမွဲယွၩအဆၧဆံၫ့ဎံၪလဂၩနီၪလီၫ.-

ယ့ၫၡုၬဒုၭအီၪဂုးဖုးလဖုၬ.

Saturday, January 30, 2021

အဝ့ၫၥံၪၥၭမဲၪၥၭဖျဲၩ့ဆၧဖၭဒိၪတၭႇ စံၭလိၬအၥံၪအၥၭႇ အဝ့ၫယီၩမွဲၦလဂၩလဲၪႉ လံၩဒဲကွံၩဒၪလ့ၬခိၭနၪ မၬအလူကၨ.

ဆၧချဲၩ့ဒီၩ့လၩ့ဘၪဆဲၫ့ဆၧချံၫမဲၪထၪ့ဒဲဒိၪထၪ့.

Friday, January 29, 2021

ယွၩအဘၩ့အမုးယီၩႇ မၩအၥၭဘဲၫၦၡၩဎွံၪလၩ့ ဆၧချံၫလၧဂၪ့ခိၪတၭႇ မံၫဝ့ၫတၭဂဲထုၪ့ဝ့ၫလၧမုနၩ ဒဲလၧမုဆၫနီၪႇ ဆၧချံၫမဲၪထၪ့ထီၫထၪ့ဝ့ၫ ဘဲၫၥ့ၪလဲၪဘဲၫၥ့ၪလဲၪနီၪႇ မွဲအဝ့ၫလၥ့ၪယၫဘၪလီၫ.