ၦဖျိၩ့ဆၨၩလဖၪ ဘၪထွ့ၫလၧ လုၫလါထူၫရူၫဆၧးဎံၫဆၧးလၩ လံၬဂဲးထု (၂)

ထၧၫ့ဖုဝဲထံၩၥိၭဖျိၩ့ဖိၪၥံၪဧ့ႇ လၧအဖီၩ့ခွံၬမုနွ့ၫဒံၭဒၪအိၩ ယအဲၪဒိၭလီၩဖ့ၪနဲၪဘၪ ထၧၫ့ဖုဝဲဖျိၩ့ဖိၪၥံၪ ၦဖျိၩ့ဆၨၩလဖၪ ဘၪထွ့ၫလၧ လုၫလါထူၫရူၫ ဆၧးဎံၫဆၧးလၩ လံၬဂဲးထုနီၪ ပလုၫလါထူၫရူၫ ဆၧးဎံၫဆၧးလၩ မအီၪဝ့ၫဎွ့မံၩ့လဲၪႇ ဂီၩ့နီၪ ပဆုးကြၨၭဖီၪ့ဂုးထၬ လုၫလါထူၫရူၫဆၧးဎံၫဆၧးလၩပၫလဲၪနီၪ ထၧၫ့ဖုဝဲဖျိၩ့ဖိၪၥံၪလဖၪ ၥ့ၪယၫယူၭဘိၭ ဘၪထွ့ၫလၧ ပကြၨၭဖီၪ့ဂုးထၬ ပလုၫလါထူၫရူၫလဖၪ အဆိၪထုၬကမံၩ့မွဲဝ့ၫ

(၁) ဘၩယံၩယါမိဖါ (မိဘကို ရှိခိုးလေ့ရှိခြင်း) လုၫလါထူၫရူၫယီၩ ၦဖျိၩ့ဆၨၩဖိၪၥံၪလဖၪ ခီၫလၧ လထိးဆၧၫ့ဒံၭဘၪ ဆၧဘိၪ့ဆၧဘၩ ဆၧၥီၪ့ဆၧၥၫ့ဒံၭဒၪအိၩ အီၪဒၪဝဲၩခီၫလၧ ဖျိၩ့ဖျိၩ့အိၩအကၠီၩ့ ပၥ့ၪယၫဘၪနီၪလီၫႉ လကၭဒံၭဘၪ အထီဘဲၫယီၩ ဆၧဘိၪ့ဆၧဘၩလဖၪ ဂဲၫဒိၪထၪ့ထီၪ့ထၪ့လါနၫ့ဂ့ၩ ၦလၧထိးဆၧၫ့ဆူၩနဲၩ့လန့ဒံၭ ဘၪလဖၪ လၧလုၫလါထူၫရူၫယီၩ အဖၧၩ့ ၥီၪ့ၥၫ့ထၬပၧၩ ပကဘၪယူၭယၪ့ပၭကၩ မိဖါဖံၫဖူၫၥၭၡါလဖၪၥနိၫ့ယီၩ ကြၨၭပဖီၪ့ဂုးထၬအကၠီၩ့ ၦလၧစူၭကီၪ့အီၪကီၪ့ကိၫ့စၩလဖၪ ၥၭဘၪလၩ့ဎိၭဝ့ၫဒၪ ထီးအလူၬနီၪလီၫႉ

          လၧခဲၫ့ ပကြၨၭဖီၪ့ဂုးထၪ့ထၬ နံၫမံၩ့ကမံၩ့မွဲဝ့ၫ ဘၪထွ့ၫလၧ ဆၧအၪ့ထုၪ့ဎွံၪလုၫလါထူၫရူၫနီၪ ၦဖျိၩ့ဆၨၩ လဖၪ အဆၧအၪ့ထုၪ့ဎွံၪနီၪ မွဲနဲၪဖျီၪ့ထၪ့ ဆၧယံၩဆၧၡီၩ့ႇ အဲၪဆၨၩအဲၪဆါၥၭဂဲၫဆီၪ့ထၪ့ဒဲ မွဲဘၪထဲးဘၪဎဲးၦဂူၫဂၩ အဆၨၩၥံၪနးဆံၭဧၪအ့ၬအကၠီၩ့ ကြၨၭပဆုးဖီၪ့ဂုးထၬနီၪလီၫႉ

 (လါနၫ့ လၧဆၧမၩလၩမၩဖၩ့ၡီၩ့ထၪ့ ဆၧအၪ့ထုၪ့ဎွံၪအဘိၪ့အခၫ အီၩ့ဂၬထံၫဂၬနီၫ့အၪလၨၪ မၧၩ့ပၠိၭနၭလၨၪ ဆၧလၧကဘၪထံၭဆၫ ပဆၨၩအဆၧလၩဆၧဖၩ့လဖၪနီၪ ပကဘၪဎဲၪ့ ပကဘၪထုၪ့ပၥၭနီၪလီၫႉ )