ၦဖျိၩ့ဆၨၩဖိၪၥံၪ အအီၪလၧ ၥဲၫ့ထံၫခးလဖၪဒဲ ၦဖျိၩ့ဆၨၩအဂဲး (၁)

ၥဲၫ့ထံၫခးလံၩခံၫကကဲၩ့ခီၫ မုနုၬလံၩခံၫလးကျဲၩ့လဖၪနီၪ ဖျိၩ့ဘွၩဆၨၩၥံၪဒဲ ခၠ့ၩမဲၫ့အလးခဲၫ မဲ‌ေဟာင်ဆောင်၊ မွန်သုမ်နခုန်စ၀◌မ် ၥံၪနီၪ ကယၩဆၨၩဖိၪၥံၪအီၪနီၪလီၫႉ အဝ့ၫၥံၪ အတဝၫ့လဖၪနီၪ အီၪလၧ ခိၪလီၩ့ခိၪႇ ခိၪလီၩ့ဒၩ့ခိၪ ဒဲ ဖံၬဒၩလး လဖၪၥံၪနီၪလီၫႉ လၧၥဲၫ့ခးနီၪ ၦဖျိၩ့ဆၨၩအီၪအၪန့ဒံၭ ကယၩဆၨၩၥံၪဒံၭနီၪလီၫႉ ခီၫလၧ နံၫဆံၫယၩဒူၩ လထၪ့ဘၭဒံၭဘၪအထီ ထီးမုဆၫကနံၩယီၩ ၥဲၫ့ခး ခိၪလီၩ့ခိၪလးကျဲၩ့လဖၪနီၪ ဆၨၩဆၬၥံၪလဖၪအီၪဝ့ၫဒၪအၪမၬလီၫႉ မွဲဝ့ၫ ဖျိၩ့ၡၩ့ႇ ဖျိၩ့ၡိႇ မိၫ-ခမၫႇ အခၫ ႇ လၩဟူၫႇ လံၫဆူၩဒဲ ခမူၫဆၨၩၥံၪ လဖၪနီၪလီၫႉ

လၧၥဲၫ့ခးဖၧၩ့နီၪနးဆ့ ၦဖျိၩ့ဆၨၩဖိၪၥံၪလဖၪ ခိၪလီၩ့ခိၪဒဲ ဖံၬဒၩလး လးကျဲၩ့လဖၪနီၪ အီၪဝ့ၫအအၪထုၬလီၫႉ ၥဲၫ့ဆၨၩၥံၪနီၪနးဆ့ ၦဖျိၩ့ၥံၪနီၪ မီၪ့ဎီၩ့ဒၪလၧ ၦဖျိၩ့ၥံၪအီၪလၧခးပယၩ့ယီၩအၥိၭ ပကဒၪဘၪ ကိၭဝ့ၫအမံၩ့မံၩ့နီၪလီၫႉ အီၪလၧ ၥဲၫ့ခး ၦဖျိၩ့ဆၨၩၥံၪလဖၪနီၪ အၥနိၫဎိၩဒိၪနၭန့ ဆၨၩဂူၫဂၩနီၪလီၫႉ အဘူၭအထံၭ အီၪဎုၬဘၪအ့ၬႉ အၪ့န့ အမၫအဝၩ န့ကဂၩလီၫႉ လၧခးအ့ၩၡၩယီၩ ဖျိၩ့ဆၨၩအီၪလၧ ၥဲၫ့ခးလဖၪနီၪ ထၪ့အီၪဎုၬအဆွံထုၬ ဆၨၩကဆၨၩ အကၠီၩ့ ခိၪလၩဘွၩ ၥုၭခိၪဒိၪ ဂၠ့ၫ ပံၫအၪ့ဒၪဆၫ့ လီၩထၬဝ့ၫဒၪနီၪလီၫႉ ၦဖျိၩ့ဆၨၩၥံၪလဖၪနီၪ မၩအၪ့ဖံၭအၪ့ ခိၪလီၩအဆၧမၩ ကၩဒဲ ၦဖျိၩ့မုၪဒဲ ဖျိၩ့ခွၫအၪဒၪဆၧနီၪ အီၩ ၥံၫလၪဒဲ ၥံၫမိၬခီၫၥံၪနီၪလီၫႉ အဝ့ၫၥံၪနီၪ မွဲၦလၧအနဲၩ့ ကလိၬကလၬၥံၪနီၪလီၫႉ အ့ၪမွဲ အီၪလမုၬဆီၪ့လချဲၫ့ဘၪစွါဘဲၫ ဘိၪ့ထၪ့ဘၩထၪ့ ကလိၬနီၪလီၫႉ

ၦဖျိၩ့ခွၫၥံၪလဖၪနီၪ ကီၩ့ထၪ့ ၥဲၫ့ဖျၫ့ခဲၫ့ (ရှမ်းဘောင်းဘီ)ႇ ပလူၭအဖုၪ့ဒဲ ၦဖျိၩ့မုၪအမုၪနၩ့လဖၪနီၪ ၥိၭဆဲၫ့ဖၭထီၫ့နီၪလီၫႉ အမုၪၡါၥံၪလဖၪနီၪ ၥိၭ ၦလူၭဖျိၩ့အဖုၪ့နီၪလီၫႉ အ့ၪမွဲဆၧထၪ့အီၪဎုၬမုၬၥံၪအီၪအခၫနီၪ တလၭမုၬမုၪဒဲ တလၭမုၬခွၫၥံၪနီၪ ၥိၭကီၩ့ထၪ့ ၦဖျိၩ့ဆၨၩအဆၧကီၩ့ဆၧၥိၭ ဎံၫဎံၫလၩလၩနီၪလီၫႉ ဖျိၩ့ဆၨၩၥံၪ ဘၪအီၪလၧၥဲၫ့အခးလဖၪနီၪ ဘၪကဲၪ့ ၥဲၫ့အဎီးနီၪလီၫႉ အၡါမၫနီၪ လၧၦဎွၩအထီ ဘၪအီၪလၧၥဲၫ့ဒဲ ပယၩ့ထံၫခး ၡၪ့ယါဝ့ၫဒၪ ဖျိၩ့ဆၨၩၥံၪလဖၪ ဘၪကဲၪၦၡၩအဎီအကၠီၩ့ ၂၈၄၇နံၪ့ ၦလၧဖီၪ့ထၪ့ဖံၭထၪ့ န့ခၠ့ၩဆၧအီၪကီၪ့ ဖရၫ့စ့ၭမ့ၫဆၫ့ နဲၪဖျီၪ့ထးဝ့ၫဒၪလၧ အဝ့ၫအဆၧကွ့ၭနဲၪ့အဖၧၩ့နီၪလီၫႉ