ဆၧလၧဆၧဘၩဆိၪဖၪနီၪ ပဆၧဆူနဲၩ ကမၧၫ့ထၪ့အဂး မွဲဝ့ၫ ဆၧပၧၩ့ထၬဆၧအဂဲး

အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪ မွဲဝ့ၫဒၪ ဆၧလၧဆၧဘၩဆိၪဖၪနီၪ ပဆၧဆူနဲၩ ကမၧၫ့ထၪ့အဂး မွဲဝ့ၫ ဆၧပၧၩ့ထၬဆၧ အဂဲးအကၠီၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ဆၧလၧဆၧဘၩဆိၪဖၪနီၪ ပဆၧဆူနဲၩ ကမၧၫ့ထၪ့အဂး မွဲဝ့ၫဆၧမၩဆၧၩ့ဆၧႇ ဆၧပၧၩ့ထၬဆၧနီၪလီၫႉ ဆၧလၧဆၧဆူနဲၩ အမ့ၪၥိၪနီၪ ဘဲၫပၧၩ့ထၬ ဆၧဘၩဆိၪဖၪၥိၭ ပဆၧဆီၫ့မီၪ့ဆီၫ့မၬဆ့မွဲဂ့ၩ မွဲကဘၪအီၪထဲၩ့လၧ ကဆါဎြံၬအီၪအဂး ခ့ၬအ့ၪဝ့ၫ ခိၭမၬခိၭမၬဒ့ၭနီၪလီၫႉ လၧထုၪ့စူၪယၫလီၩ့ ကဆါဎြံၬနီၪ ပယိထၪ့ဂီၩ့ အ့ၪပအၪ့က့ၩဘၩဆိၪဖၪဆၧစွါဘဲၫ ဖ့ၪဂဲးဖ့ၪဘၭပၧၩ အၪအၪလ့ၬနီၪလီၫႉ ဘဲၫၥိၭဆၧဘၩဆိၪဖၪဆၧနီၪ မွဲဝ့ၫဆၧဘၩဆိၪဖၪဆၧ အဂ့ၩၡါမၬအကၠီၩ့ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့ အီၪဝ့ၫဒၪ ဘဲၫယီၩၥိၭနီၪလီၫႉ

အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ လၧပဆၧၥၭမၧၫ့ မုကိၭနံၩဒ့ၭဖၧၩ့ ပအၪ့က့ၩဘၩဆိၪဖၪဆၧ ကိၭကၠၪဒ့ၭဂီၩ့ ပကဘၪကျ့ၭစၨၭ မၩမၧၫ့ထၪ့လၫ့ ပဆၧဆူနဲၩ ကိၭကၠၪဒ့ၭနီၪလီၫႉ အ့ၪမွဲပအၪ့က့ၩဘၩဆိၪဖၪဆၧအ့ၬ ပအီၪၥၭမၧၫ့စွါဘဲၫ ပဆၧဆူနဲၩနးဆ့ ကဂဲၫလၩ့ယံၭလၩ့ဘဲၩဝ့ၫဒၪနီၪလီၫႉ မွဲဆၧနီၪ ဘဲၫၥၫ့ဎွၩဖရၫ့စ့ၭ ၥီၪ့ၥၫ့ထၬၥိၭ လၧထုၪ့စူၪယၫလီၩ အီၪဝ့ၫဒၪ ကဆါဎြံၬနီၪ ပယိထၪ့ ဘၩဆိၪဆၧအဖၧၩ့ မွဲပကန့ထၪ့ဘၪ နးၥၭဂဲးဘၭအကၠီၩ့ ယရၩလၩ့န့အ့ၪဘၪနၥံၪထၨၪယီၩနီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬ မွဲနၥံၪလၧၫ့ဎွ့ၩဝ့ၫဒၪလၧ ကဆါယွၩအဆၧအဲၪဆၧကွံၩလါဆံၭႉ