ဆၧလၧဂၪ့ခိၪ ဆၧထူၭဆၧလၧၫ့နီၪ ကဘၪမွဲဝ့ၫ ဆၧအဲၪဆၧကွံၩအဂးအဂဲး

အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့နီၪ မွဲဝ့ၫဒၪ ဆၧလၧဂၪ့ခိၪ ဆၧထူၭဆၧလၧၫ့နီၪ ကဘၪမွဲဝ့ၫ ဆၧအဲၪဆၧကွံၩအဂးအဂဲးအကၠီၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ မွဲပကဒိၭန့ ဆၧၥၭမၧၫ့ဆိၩကၠၪ ဆၧန့ၥၫအဂး ပကစူၭကီၪ့ဒၪန့ၫ ဂၪ့ခိၪဆၧထူၭဆၧလၧၫ့အဂးနီၪ လလိၪဘၪနီၪလီၫႉ အရ့ၩဒိၪထုၬနီၪ ပကဘၪအီၪက့ၪထၬ ပၥုၪ့ပၥၭဘဲၫ ထၧၫ့ဖုထၧၫ့ဝဲၥိၭႇ လဂၩဒဲလဂၩ ဆၧအဲၪဆၧကွံၩ ကဘၪအီၪအဂးလီၫ လိၪဝ့ၫဒၪနီၪလီၫႉ ဆၧလၧဂၪ့ခိၪ ဆၧထူၭဆၧလၧၫ့လဖၪနီၪ ပအဲၪလၩ့ဒၪန့ၫပၧၩ အဆၧမၩဒဲ ပၧၩလဂၩဎးလီၫအဂး ပလၥိၩ့ဘၪအဂး ကဆါဎြံၬ ကိၭဖံၭၥိၭထၬ ပဝ့ၫၥံၪနီၪလီၫႉ ဆၧလဖၪၥံၪနီၪ ပကဘၪ ယၫ့ၥၭမၩဆၧၩ့ ၦအၡၪ့အယၬထုၬဖိၪၥံၪအဂးမွဲဂ့ၩႇ ဆၧဖံၭထံၩဖံၭၥိၭ ဂ့ၩဂ့ၩဘၪဘၪ ကန့အဂးမွဲဂ့ၩႇ ပအီၪက့ၪထၬ ဆၧယၫ့ၥုၪ့ယၫ့ၥၭဒဲ ဆၧယၫ့ၥၭ အဆၧမၩၥံၪအဂး ပကဘၪၥိၩ့ဝ့ၫဒၪနီၪလီၫႉ

အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ လၧဂၪ့ခိၪချိၫ့ဖၧၩ့ယီၩ အီၪဝ့ၫဒၪ ဆၧထူၭဆၧလၧၫ့လဖၪၥံၪနီၪ ပမၩန့ႇ ပၥိၩ့ခွံၬဂီၩ့ လၧဆၧထုၪ့ၥုၪ့ထုၪ့ၥၭဎိၩဒိၪဖၧၩ့ ပကဘၪအီၪက့ၪထၬကမံၩ့နီၪ မွဲဝ့ၫဒၪ လၧပၥိၩ့ခွံၬဝ့ၫဒၪ ဆၧလဖၪၥံၪနီၪ ကဘၪမွဲဝ့ၫလၧ ကဆါဎြံၬအဆၧၥၭထိၬအပရၧၫ့ ကဂုထၪ့အၪထၪ့အဂးနီၪလီၫႉ ဂၫ့ခိၪဆၧထူၭဆၧလၧၫ့ၥံၪ လကၭဒံၭဘၪ ကဆါကၠဲၬ ဖ့ၪထၬအ့ၪပၧၩ ပန့ထၬဘၪ လၬဆီၪ့ဆၧအခိးအတၩ ထီးအလူၬနီၪ မွဲဝ့ၫပၧၩလဂၩဎးလီၫ ဘီၪထၪ့ယီၫထၪ့အဂး လမွဲဘၪတၭ ကဘၪမွဲဝ့ၫလၧ ထၧၫ့ဖုဝဲမုၪခွၫ အဆၧအဲၪဆၧကွံၩအီၪအဂးဒဲ ဆၧဖံၭထံၩဖံၭၥိၭ အဆၧမၩ ကဂုထၪ့အၪထၪ့အဂး ကဆါဎြံၬ ကိၭဖံၭၥိၭထၬ ပဝ့ၫၥံၪနီၪလီၫႉ လၧပဆၧလူပဆၧချဲၩ့ႇ ပဆၧအီၪဆၧအၪ့ ဆၧမၩဒဲ ဆၧဖံၭထံၩဖံၭၥိၭ အဆၧမၩ ပကဘၪမၩ ဂ့ၩဂ့ၩဘၪဘၪနီၪ မွဲဝ့ၫဒၪ အရ့ၩဒိၪထုၬအကၠီၩ့ ၥၫ့ဎွၩဖရၫ့စ့ၭ အဆၧၥီၪ့ဆၧၥၫ့ အီၪဝ့ၫဒၪ ဘဲၫယီၩၥိၭအဂဲး ယရၩလၩ့န့အ့ၪဘၪနၥံၪလၧ ဆၧအဲၪဆၧကွံၩဎိၩဒိၪဖၧၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬ ၥုၪ့ထၪ့ဆၧအဲၪဆၧကွံၩလါဆံၭႉ