Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ကဆါြဎံၬအီၪချဲၩ့ဒုၪ့ ၦၡၩၥံၪလၧကိၪဘိၪ့ဆံၫ့ဎံၪဖၧၩ့အဂဲး
ကဆါြဎံၬအီၪချဲၩ့ဒုၪ့ ၦၡၩၥံၪလၧ ကိၪဘိၪ့ဆံၫ့ဎံၪဖၧၩ့အဂဲး အကၠီၩ့နီၪလီၫႉ အဲၪကွံၩဘၪ ထၧၫ့ဖုဝဲထံၩၥိၭၥံၪဧ့, ဘဲၫပၥၭအဆၧဘၪၥၭအီၪၥိၭ ပကမၩကဲၪထၪ့အဂး ပဖိၬကဆါြဎံၬအခဲၫ့မွဲအ့ၬႉ ပဆၧၥၭမၧၫ့နီၪ ပဖ့ၪလၫ့အ့ၪ ဆၧအဲၪအဖ့ၪလၫ့လၧ ကဆါြဎံၬဒဲ ၦဂူၪဂၩၥံၪအဂး ကဘၪမွဲဝ့ၫဒၪအကၠီၩ့ ၥၫ့ဎွၩဖရၫ့စ့ၭ အဆၧလီၩဖျီၪထၪ့ မွဲဝ့ၫဒၪဘဲၫယီၩၥိၭနီၪလီၫႉ
အဲၪကွံၩဘၪ ထၧၫ့ဖုဝဲထံၩၥိၭၥံၪဧ့, ၦကၭၥလ့ၭဎြံၬဖိၪၥံၪယီၩ ပဆၧဆူနဲၩအီၪဝ့ၫဒၪ ကဆါဎြံၬနီၪ အီၪၥၭမၧၫ့လၧ ကိၪဘိၪ့ဆံၫ့ဎံၪဖၧၩ့အဂဲးဂီၩ လၧမံဆၩဆၧလုထၪ့ဖၧၩ့ ပထိးဆၧၫ့ဒိၭန့အၪ့ ကဆါဎြံၬအၥွံၪအယၫလၧ ကိၪဘိၪ့ဆံၫ့ဎံၪဖၧၩ့နီၪလီၫႉ ပထိးဆၧၫ့ဒိၭန့အၪ့ ကိၪဘိၪ့ဆံၫ့ဎံၪဘဲၫယီၩၥိၭအကၠီၩ့ ကဆါယ့ၫၡုၬဎြံၬနီၪ နူၬလၩ့အီၪလၧ ပဆၧၥၭမၧၫ့ဖၧၩ့တၭ ပဆၧၥၭမၧၫ့ အဆၧဆံၫ့ဎံၪဘဲၫအၪထၪ့ဝ့ၫဒၪလီၫႉ မွဲဆၧနီ ပမၩဆၧဂ့ၩဆၧဘွၩၥံၪ န့အၪထၪ့, ပဒုၭဆၧၫ့ ဆၧပလၧၫ့အဂး နးၥၭအဂဲးဘၭ ဂဲၫလၧၫ့ဎွ့ၩထၪ့ဝ့ၫဒၪနီၪလီၫႉ လကၭဒံၭဘၪ ဆၧၥၭမၧၫ့ဘဲၫယီၩၥိၭနီၪ ၦဝ့ၫလဂၩဎးအဂးနီၪမွဲအ့ၬႉ ၦဂူၪဂၩၥံၪဆၧအဂ့ၩ ကအၪထၪ့အဂး ဆၧဆူနဲၩ, ဆၧယိလါဒဲ ဆၧအဲၪဆၧကွံၩၥံၪ ဂဲၫအၪထၪ့ဝ့ၫဒၪနီၪလီၫႉ
ထၧၫ့ဖုဝဲထံၩၥိၭၥံၪဧ့,….
-ပကနါဂၧၫ့ ကဆါဎြံၬအဆၧချဲၫ့အဂး မုကိနံၩဒ့ၭ ပအီၪကယူကစုၩဂီၩ ပအၪ့န့ထၪ့ နးၥၭအဂဲးအဘၭလၧ ဆၧအၪ့က့ၩဘၪဆိၪဖၪဖၧၩ့ဧၪ?
-ပကဒိၭန့အၪ့ ကိၪဘိၪ့ဆံၫ့ဎံၪကဆါဎြံၬယီၩအဂး ပကကျ့ၭစၨၭလၧ ဆၧထုၪ့ၥုၪ့ထုၪ့ၥၭ ဆၧၥ့ၪယၫနၪၥ့ၪဖၧၩ့ဧၪ?
-ပဆၧၥၭမၧၫ့ မုကိနံၩဒံၭဖၧၩ့ ပဂးမွဲဂ့ၩ ၦဂူၪဂၩၥံၪအဂးမွဲဂ့ၩ ဆၧဖံၭဆၧမၩအဂ့ၩ ပကမၩဘဲၫၥ့ၪလဲၫႉ?
ပအၪ့စၪ့ပၥၭ ကိၭဒံၩကိၭဂၩဒ့ၭဂီၩ ဘဲၫၥၫ့ဎွၩဖရၫ့စ့ၭ အဆၧၥီၫ့ဆၧၥၪ့အီၪၥိၭ ပကကျ့ၭစၨၭ အီၪၥၭမၧၫ့ကိၭဒံၩကိၭဂၩလါဆံၭနဲၪႉ
အဲၪကွံၩဘၪ ထၧၫ့ဖုဝဲထံၩၥိၭထီးအလူၬ မွဲနၥံၪလၧၫ့ဎွ့ၩဝ့ၫဒၪလၧ ကဆါဎြံၬအဆၧဆိၪဂ့ၩဆိၪဘွၩလါဆံၭႉ
Add new comment