News

Tuesday, March 19, 2024

အီၪလၧခး အီဂျစ် ကော့ပ်တစ်ပ်ဩသိုဒေါစ့် အဲၩ့ၥဲၭ၃ဂၩနီၪ ဘၪထိးမၩၥံၫအၥၭနီၪလီၫႉ အဝ့ၫၥံၪယီၩ ဘၪထိးမၩၥံၫအၥၭလၧအဝ့ၫၥံၪအီၪအလး လးဝၩ့ဖၧၩ့နီၪလီၫႉ အဝ့ၫၥံၪအအဲၩ့ၥဲၭကၠီး အမံၩ့နီၪ မွဲဝ့ၫဒၪလၧစိန့်မာ့ခ်နှင့်စိန့်ဆာမူအဲလ်ဂီၩ့ အဝ့ၫၥံၪယီၩအီၪအလးနီၪမွဲဝ့ၫဒၪလၧ အၫဖရံ ကၭလံၩထံၭကကဲၩ့ခီၫနီၪလီၫႉ

အၫဖရံကၭ ဒူၩယၫ့ခိၪကဂၩနီၪဘိၭ စံၭဝ့ၫဒၪ အဝ့ၫၥံၪလီၩ့မၩခွါယိဆၧမၩၥံၫမၩဆၫဆၧ အဂဲးယီၩယူၭနီၪလီၫႉ အဲၩ့ၥဲၭလဖၪယီၩ ဘၪထိးဆ့ၭၥံၫထၬၥၭအဂဲးႇ အဲၩ့ၥဲၭကဂၩနီၪဘိၭ ဘၪထိးဒိၪ ထးအၥၭမိၥံၫဘၪယူၭအဂဲးႇ အဝ့ၫယီၩစဲၪ့ဖျ့ၭထၪ့အၥၭလူၬဂဲးလူၬဘၭအကၠီၩ့ ဆၧလီၩ့မၩၥံၫအဝ့ၫ လချုၭဘၪအဂဲး ဒူၩယၫ့ခိၪနီၪ ဆုးထဲၩ့စံၭဘၪဝ့ၫဘဲၫနီၪလီၫႉ

Thursday, March 14, 2024

၂၀၂၄နံၪ့ လၩမၫၡၭ၈ၥၫ့ဒၪအိၩ ၥၫ့ဎွၩဖရၫ့စံလ့ၩဝ့ၫဒၪလၧ ဝံးရိမၫ လယဲၩ့နၭဘၪလၧဘၫတံၫကၫ့ ဆၧအီၪကီၪ့ဖိၪကဒီၪ့ဖၧၩ့နီၪဂီၩ့ လ့ၩဒီၪနါအ့ၪ ဆၧလီၩလၩ့ဆၧအုၩ့လၩ့လဖၪနီၪလီၫႉ

ဆၧထံၪလၩ့ဒီၪလၩ့ယီၩနီၪ ဖ့ၪလၫ့ထၬအ့ၪဝ့ၫအမံၩ့လၧ ကဆါအဂး၂၄နၩရံၫနီၪလီၫႉ ဆၧမၩအယီၩ နီၪ အီၪလၧခးၥဲၫဖၧၩ့ ကၭၥလံၬဆၧအီၪကီၪ့ဖိၪလဖၪ ကမၩလၩမၩဖၩ့ ဘိၪ့လ့ၩဖၭအဆၧၫ့အထီအဂး အီၪတဲၩ ဝဲၩ့အၥၭနီၪလီၫႉ အဆၧၫ့အထီယီၩနီၪ ပကဘၪဘၩဆိၪဖၪဆၧႇ ပကဘၪဘိၪ့ထၪ့ဘၩထၪ့ယွၩႇ ပကဘၪ အၪ့န့ထဲၩ့ဆၧနီၫ့ယါလၧပဆၧမၪလဖၪအဂးအခံၫ့နီၪလီၫႉ

Friday, March 01, 2024

ဘၫတံၫကၫ့ဆၧပရၧၫ့ရိၩ့နီၪ လၧအဖီၩ့ခွံၬ အတုၬမုနံၩအိၩ ဘိၭဘၪၥ့ၪယၫထၪ့ဝ့ၫ ၥၫ့ဎွၩအီၪလမုၬနၭဘၪ အကၠီၩ့တၭ ကဒၪလၩ့ဎိၭလိၬၥၭလၧ ၦၡၩအဆၧဎိၭထံၪဎိၭဒီၪလဖၪနီၪ ဘၪၥုၭထဲၩ့ဝ့ၫအဂဲးႇ လါနၫ့ၥၫ့ဎွၩနီၪ ဆၧအခိ လအီၪဘၪအဂဲး ဘိၭဘၪၥ့ၪယၫထၪ့ဝ့ၫဒၪနီၪလီၫႉ

အၥၭအီၪဝ့ၫဒၪ၈၇နံၪ့ၥၫ့ဎွၩယီၩ လၧအဖီၩ့ခွံၬအတုၬမုနံၩဒၪအိၩ လၧလၩအ့ၫဖြ့ၫကိ ၦကဒိၭန့ဘၪၥၫ့ခၫအ ဆၧကဲၪလဖၪကၠၧၫ့ကၠၧၫ့ အဝ့ၫယီၩ ကဘၪဒၪလၩ့ဎိၭလိၬၥၭ ဆၧဎိၭထံၪဎိၭဒီၪအီၪဝ့ၫဒၪနီၪလီၫႉ လါနၫ့ၥၫ့ဎွၩယီၩအီၪ လမုၬဘၪအကၠီၩ့ ဘၪၥုၭထဲၩ့ဆၧဒၪလၩ့ဎိၭနီၪလီၫႉ

Thursday, February 01, 2024

နံၪ့၂၀၂၄နံၪ့ လၩဖ့ၫဘြူအ့ၫရံၫ(၁)ၥၫ့ လဂီၩ၆နၩရံၫအခံၫ့နီၪ SFX Sisterလဖၪဒိၭန့ ဆၧအုၩ့လၩ့ အဆိၪထုၬ ဒဲ ဆၧအုၩ့လၩ့လဆိၩယၫ ဆၧထံၪလၩ့ဒီၪလၩ့အီၪဝ့ၫဒၪလၧ ဒိၩ့ပၥံၫ့ St.Peter ၥရိၬဖၧၩ့နီၪလီၫႉ

ၦလၧအလ့ၩခိၪလ့ၩနါ မံဆၩဆၧလုထၪ့နီၪ မွဲဝ့ၫဒၪလၧ ဒိၩ့ပၥံၫ့ဆၧအီၪကီၪ့ၥၫ့ခိၪဒိၪ Bp.Henry Mahn Eikhlein ဒဲ ၦလၧအလီၩလၩ့လါလၩ့ဆၧၥၭထိၬပရၧၫ့နီၪ မွဲလၧ မော်လမြိုင် ဆၧအီၪကီၪ့ ၥၫ့ခိၪဒိၪ မောရစ်ညွန့်ဝေနီၪလီၫႉ ၦလၧအဒိၭန့ဘၪ ဆၧအုၩ့လၩ့အဆိၪထုၬလဖၪနီၪ  မွဲဝ့ၫဒၪ

Monday, January 08, 2024

လၧအဖီၩ့ခွံၬ ၂၀၂၃နံၪ့ လၩဒံၫဇဲၩ့ဘၧၫ၁၈ၥၫ့အထီနီၪ ဖူၫၥံၩ့ဝ့ၫယီၩၥံၪဖီၩ့ခွံၬဒၪပၧၩလၧ ၉၆မံၩ့ဆၧဆၫလီၫႉ လၧအဂုအိၩ ၦဖျိၩ့အဆၧဆၧးဎံၪဆၧးလၩ ၦကွ့ၩၡါအခရၧၫ့ ပကိၭဝ့ၫလၧပယၩ့ခီၫ (ကရင်ယဉ်ကျေးမှုအနုသုခုမှ ဇာတ်သဘင်)ဖၧၩ့နီၪ အဝ့ၫယီၩ ဂဲၫထဲၩ့ခိးဂဲးခိးဘၭထၬဝ့ၫဒၪအၪမၬနီၪလီၫႉ ဂဲၫထဲၩ့ကွ့ၭထၬ ၡါအဂးဆၧၥၭအွံၪလဖၪႇ ၡါလဖၪႇၦဖျိၩ့ဆၨၩအဆၧၥၭအွံၪလဖၪဂီၩ့ အၪ့န့ထၬမူၩဒၩလၧ ၦကွ့ၭၡါဒဲဒါရိုက်တာ မူၩဒၩလဖၪ ယံၭလ့ၬနီၪလီၫႉ

Thursday, December 21, 2023

၂၀၂၃ နံၪ့ လၩဒံၫဇဲၩ့ဘၧၫ၁၈ၥၫ့အထီအိၩ ဝံးမၫ့တၨၭဖၧၩ့ ဆၧဘိၪ့ဆၧဘၩအဖၨၪၥံၪလဖၪ စူၭကီၪ့အၪ့ကံၩ့ဘၩဆိၪဖၪလၩ့ဎိၭ ဘဲၫၥိၭဆၧဎူၫဆၧဎၩ့ကအီၪထၪ့အဂးဒဲ မၩလၩမၩဖၩ့ဎြံၬအီၪဖျဲၪ အဘိၪ့မုနံၩ လၧဝံးမၫ့တၨၭကၭၥလံၬဆၧအီၪကီၪ့ ကဒံၫဒရဲၫၥရိၬဖၧၩ့နီၪလီၫႉ

Friday, December 15, 2023

လၧလယံၬလမီးဒံၭဘၪအိၩ ၥၫ့ဎွၩဖရၫ့စ့ ဒၪဎိၭလၩ့လိၬၥၭလၧ မက္ကစီကန်ဆၧပရၧၫ့လးဖၧၩ့ ၦလီၩ့အၪ့ထုၪ့ ဆၧပရၧၫ့လဂၩဂီၩ့ အမံၩ့အီၪဝ့ၫဒၪလၧ Salus Populi Romani မိမၫရံၫအရိးကၠဲၬနီၪ ၥၫ့ဎွၩယီၩ အဲၪဒိၭဝ့ၫဒၪအကၠီၩ့ အဝ့ၫအၥံၫအဖၧၩ့နီၪ အီၪက့ၪထၬဝ့ၫဒၪလၧ စိန့်မေရီမေဂျာဘာစီလီကာၥရိၬလးဝၩ့ဖၧၩ့အဂဲးၦအဂဲၫအၪ့ထုၪ့ ဆၧပရၧၫ့ နီၪ ကွ့ၭထံၭလၫ့ထၬဝ့ၫလၧ ဆိၫၡဲၫမံၫဒံၫယၫအဖၫ့ခိၪလီၫႉ

Friday, December 01, 2023

ၥၫ့ဎွၩဖရၫ့စံၭနီၪ အ့ၪမွဲအီၪလၧဘၫတံၫကၫ့အဖၧၩ့စွါဘဲၫ မုကိနွ့ၫဒ့ၭ လၧအတုၬမုနံၩ မုမ့ၬ ထုၪ့အခံၫ့ လီၩလၩ့လါလၩ့အ့ၪၦအဂဲၫစူၭကီၪ့အၥၭလၧ ဘၫတံၫကၫ့လးဒၩအဖၧၩ့လဖၪ ဘၪထွ့ၫလၧ လံၬဆံၫ့ဎံၪအဂဲးႇ ဆၧထုၪ့ၥုၪ့ထုၪ့ၥၭအဂဲးလဖၪနီၪလီၫႉ

Thursday, November 30, 2023

ၦလၧအဂဲၫထဲၩ့ပဒၩ့ ဆၧမၩလၩ့ဎွံၪဖိၪၥၪႇ ကၭၥလံၬဆၧဘိၪ့ဆၧဘၩဖိၪလဂၩမွဲဝ့ၫ Chris Slattery နီၪ အၥၭထၪ့ဘၭ၆၈နံၪ့အထီ ဘၪၥံၫဝ့ၫဒၪလၧ ဆၧဆၫဝံဆဲၩ့နီၪလီၫႉ

ဆၧလယိလါဘၪအဖၧၩ့ ဒၧၩ့ထၪ့ၦမုၪလဖၪႇ ကအၪ့လုအဖိၪအဂး ဆၧလၧၫ့ဆၧဎွ့ၩလအီၪ ဘၪၦမုၪလဖၪႇ လမိမၩဘၪအဖိၪအကၠီၩ့ ကမိမၩလၩ့ဎွံၪခွံၬအဖိၪၦမုၪလဖၪနီၪ ထၧၩ့လမၩလၩ့ဎွံၪဘၪ အဖိၪအဂး ဆၧချဲၩ့လၩ့ဎိၭဖ့ၪကိၪ့ဖ့ၪတဲၩ့ဒဲဆၧမၩဆၧၩ့ဝ့ၫဒၪ ဆၧမၩလးEMCနီၪ လၧအဖီၩ့ခွံၬ အနံၪ့ ၄၀အိၩ Chris Slatteryယီၩ ဂဲၫထဲၩ့ၥုၪ့လၩ့ထၬဝ့ၫဒၪလၧ နယူးယောခ့်ပြည်နယ်၊ Bronxဝံးနီၪ လီၫႉ

Monday, November 27, 2023

မွဲလၧဆၧအီၪတဲၩ့ဝဲၩဆိၫ၂၀၂၅နံၪ့အဂး ၥၫ့ဎွၩဖရၫ့စံ ကအီၪက့ၪထၬ ၂၀၂၄နံၪ့ယီၩ ဆၧအၪ့ကံၩ့ဘၩဆိၪဖၪဆၧ အနံၪ့  နီၪလီၫႉ           

၂၀၂၅နံၪ့ကိ ၦၡၩကမၩလၩမၩဖၩ့ ရိမၫမိကၭၥလံၬဆၧအီၪကီၪ့ယူၩဘလံၫဖၭဒိၪနီၪလီၫႉ ရိမၫမိကၭၥလံၬဆၧအီၪ ကီၪ့ယီၩနီၪ ကၭၥလံၬဆၧအီၪကီၪ့အအီၪလၧ ဂၪ့ခိၪထၧၫ့ဘံၪ့ယၫဖၧၩ့လဖၪအမိ မိဆၧအီၪကီၪ့ဒဲ အလးမိထုၪ့နီၪလီၫႉ လၧဆၧဘၩဆိၪဖၪနံၪ့ယီၩအဖၧၩ့ ၥၫ့ဎွၩမုလါဝ့ၫ ဆၧအီၪကီၪ့ဖိၪၥံၪထီးလူၬ ဘဲၫကဆါယ့ၫၡုၬဎြံၬအၥုၪ့အၥၭၥိၭ အီၪက့ၪ ကၠၭအၥၭ တီၩတီၩလီၩ့လီၩ့ကန့အဂး ကဘၪအၪ့ကံၩ့ဘၩဆိၪဖၪကၠၭဝ့ၫလီၫႉ