ခွဲၩကဘၩ့ခိၪလီၩ့ဒဲ ၦဖျိၩ့ထၧၫ့ဖုဝဲဖိၪနံၫဂၩ (၁)

ထၧၫ့ဖုဝဲထံၩၥိၭဖျိၩ့ဖိၪၥံၪဧ့ႇ မုကနွံၫယီၩ ၦဖျိၩ့ၡါဖိၪအနိၫ့ ယမိအဲၪဒိၭလီၩဖ့ၪနဲၪဘၪနၥံၪ ပကဲၪထၧၫ့ဖုဝဲ ဖျိၩ့ဖိၪၥံၪလဖၪ ပၥ့ၪယၫကိၭဂၩ အီၪလၧဖျိၩ့ဆၨၩခးဒီၪ့ ဝံးဖၫအၫ့ ခွဲၩကဘၩ့ခိၪလီၩ့ ပကိၭဝ့ၫလၧပယၩ့ခီၫ(ဇွဲကပင်) နီၪ မွဲလၩ့ဆၫ့လၩ့မဲၩ့ဝ့ၫဒၪ ၡါဖိၪအီၪဝ့ၫကယွ့နီၪလီၫႉ  ၡါဖိၪယီၩနီၪမွဲ ၦဖျိၩ့ထၧၫ့ဖုဝဲနံၫဂၩ ဆိၪလၩ့ၥၭလၧ ခွဲၩကဘၩ့ခိၪလီၩ့ နဲၪဖျီၪ့ထၪ့ၥၭ အၪ့ကံၩ့ဘၩဆိၪဖၪဝ့ၫဒၪ လၧခဲၫ့အဆိၩဆိၩမွဲဖီၩ့ဖျ့ၭဝ့ၫဒၪလၧ ၦဖိၪဎွ့ၪအဆၧၥၭမၧၫ့ အဖါယါအဆၧမၩနၧၩ့မၩစၪဒဲ မွဲန့ဘၪဂံၪ့ဒီၪ့အဆၧမုၬဆၧၡူၪအလၧၫ့အဎွ့ၩအကၠီၩ့ လၩ့ယၫ့ၥၭဝ့ၫဒၪ ၦဖျိၩ့ထၧၫ့ဖုဝဲမုၪခွၫနံၫဂၩနီၪလီၫႉ 

            လၧဖျိၩ့ဖျိၩ့အိၩ ၦဖျိၩ့ခွၫအမံၩ့မွဲဝ့ၫ စီၩဖါၥး ဒဲ အမၫၥၭဘီၩ့မွဲဝ့ၫ နီၫဖီယါ နီၪ အဖိၪအီၪဝ့ၫ နံၫဂၩမွဲဝ့ၫ စၫ့စ့ၭဖိၩဒဲ နီၫမူၩဖၫ့နီၪလီၫႉ အနံၪ့နံၪ့အလၩလၩ ဂဲၫထဲၩ့ကျ့ၭစၨၭစူၭကီၪ့ထၬဆၧလဖၪ ကနံၩ ကဒုၭကဲၪအဖိၪၥၫ့ခၫ (ရှင်သာမဏေလောင်း) ကမၩဘိၪ့မၩထးဆၧအဂး ကျ့ၭစၨၭမၩဆၧဖံၭဆၧမၩလၧ ဆံၬဖၧၩ့အထီ အဆၧဘိၪ့ၡၩဝ့ၫဒၪ အကၠီၩ့ အဖါဖါၥၭဘီၩ့ ဘီၪအဲၪ့ၥံၫ အၥၭဘၪၥံၫခွံၬထးလၧ ဆံၭဖၧၩ့နီၪလီၫႉ

            အဝၩၥၭဘီၩ့ၥံၫဒၪဂီၩ့ အလးခဲၫ့ ဘၪအီၪထးလၧအဖိၪနံၫဂၩ ၦမုၪမဲၪနီၫဖီယါနီၪ လၧဆၧၡၪ့ဆၧနၭအကျၩ တဝၫ့ဖိၪၥံၪလဖၪ ယၫ့ၥၭအဝ့ၫၥံၪအကၠီၩ့တၭ အၪ့မၧၫ့ဝ့ၫထၪ့ၡါထဲၩ့လၧ နီၫဖီယါအဖိၪနံၫဂၩနီၪ အဲၪဝ့ၫဘဲၫၥိၭ အဖိၪလီၩဝ့ၫ ၦခွၫမဲၪမွဲစီၩဖါပၠုနီၪတၭ နီၫဖီယါနးဆ့ ဘဲၫၦၡၩၥံၪလီၩအၥိၭ အီၪဎုၬထၪ့လၧ ၦခွၫမဲၪယီၩနီၪလီၫႉ

ထၧၫ့ဖုဝဲထံၩၥိၭဖျိၩ့ဖိၪၥံၪဧ့ႇ မုကနွံၫယီၩ ၦဖျိၩ့ၡါဖိၪအနိၫ့ ယမိအဲၪဒိၭလီၩဖ့ၪနဲၪဘၪနၥံၪ ပကဲၪထၧၫ့ဖုဝဲ ဖျိၩ့ဖိၪၥံၪလဖၪ ပၥ့ၪယၫကိၭဂၩ အီၪလၧဖျိၩ့ဆၨၩခးဒီၪ့ ဝံးဖၫအၫ့ ခွဲၩကဘၩ့ခိၪလီၩ့ ပကိၭဝ့ၫလၧပယၩ့ခီၫ(ဇွဲကပင်) နီၪ မွဲလၩ့ဆၫ့လၩ့မဲၩ့ဝ့ၫဒၪ ၡါဖိၪအီၪဝ့ၫကယွ့နီၪလီၫႉ  ၡါဖိၪယီၩနီၪမွဲ ၦဖျိၩ့ထၧၫ့ဖုဝဲနံၫဂၩ ဆိၪလၩ့ၥၭလၧ ခွဲၩကဘၩ့ခိၪလီၩ့ နဲၪဖျီၪ့ထၪ့ၥၭ အၪ့ကံၩ့ဘၩဆိၪဖၪဝ့ၫဒၪ လၧခဲၫ့အဆိၩဆိၩမွဲဖီၩ့ဖျ့ၭဝ့ၫဒၪလၧ ၦဖိၪဎွ့ၪအဆၧၥၭမၧၫ့ အဖါယါအဆၧမၩနၧၩ့မၩစၪဒဲ မွဲန့ဘၪဂံၪ့ဒီၪ့အဆၧမုၬဆၧၡူၪအလၧၫ့အဎွ့ၩအကၠီၩ့ လၩ့ယၫ့ၥၭဝ့ၫဒၪ ၦဖျိၩ့ထၧၫ့ဖုဝဲမုၪခွၫနံၫဂၩနီၪလီၫႉ 

            လၧဖျိၩ့ဖျိၩ့အိၩ ၦဖျိၩ့ခွၫအမံၩ့မွဲဝ့ၫ စီၩဖါၥး ဒဲ အမၫၥၭဘီၩ့မွဲဝ့ၫ နီၫဖီယါ နီၪ အဖိၪအီၪဝ့ၫ နံၫဂၩမွဲဝ့ၫ စၫ့စ့ၭဖိၩဒဲ နီၫမူၩဖၫ့နီၪလီၫႉ အနံၪ့နံၪ့အလၩလၩ ဂဲၫထဲၩ့ကျ့ၭစၨၭစူၭကီၪ့ထၬဆၧလဖၪ ကနံၩ ကဒုၭကဲၪအဖိၪၥၫ့ခၫ (ရှင်သာမဏေလောင်း) ကမၩဘိၪ့မၩထးဆၧအဂး ကျ့ၭစၨၭမၩဆၧဖံၭဆၧမၩလၧ ဆံၬဖၧၩ့အထီ အဆၧဘိၪ့ၡၩဝ့ၫဒၪ အကၠီၩ့ အဖါဖါၥၭဘီၩ့ ဘီၪအဲၪ့ၥံၫ အၥၭဘၪၥံၫခွံၬထးလၧ ဆံၭဖၧၩ့နီၪလီၫႉ

            အဝၩၥၭဘီၩ့ၥံၫဒၪဂီၩ့ အလးခဲၫ့ ဘၪအီၪထးလၧအဖိၪနံၫဂၩ ၦမုၪမဲၪနီၫဖီယါနီၪ လၧဆၧၡၪ့ဆၧနၭအကျၩ တဝၫ့ဖိၪၥံၪလဖၪ ယၫ့ၥၭအဝ့ၫၥံၪအကၠီၩ့တၭ အၪ့မၧၫ့ဝ့ၫထၪ့ၡါထဲၩ့လၧ နီၫဖီယါအဖိၪနံၫဂၩနီၪ အဲၪဝ့ၫဘဲၫၥိၭ အဖိၪလီၩဝ့ၫ ၦခွၫမဲၪမွဲစီၩဖါပၠုနီၪတၭ နီၫဖီယါနးဆ့ ဘဲၫၦၡၩၥံၪလီၩအၥိၭ အီၪဎုၬထၪ့လၧ ၦခွၫမဲၪယီၩနီၪလီၫႉ