ဆၧရွံထၪ့ထဲၩ့ ခးအ့ၩၡၩၥၫ့ခိၪဒိၪလဖၪအဆၧဆုးကျိၭလးမိထုၪ့ FABC OSC ရိၩ့ခိၪနါအၥၫ့အဂဲး

ဘဲၫယီၩ ခးအ့ၩၡၩထၧၫ့ဘံၪ့ယၫ ၥၫ့ခိၪဒိၪလဖၪ အဆၧဆုးကျိၭလးမိထုၪ့ FABC OSC ရိၩ့ခိၪနါအၥၫ့အဂး ၦလၧဘၪထိးရွံထၪ့အၥၭ နီၪ မွဲဝ့ၫဒၪ အီၪလၧခးမလေးရှား/ ပီနန် ၥၫ့ခိၪဒိၪ Bp. Sebastian Francis နီၪလီၫႉ

မူၩဒၩအယီၩနီၪ ကယံၭဝ့ၫဒၪ ၃နံၪ့နီၪလီၫႉ ဘဲၫယီၩ ၦလၧအဘၪကဲၪထၬ FABC OSC ခိၪနါ ကၫဒံၫနဲၫ ခၠၩစဘိၫနီၪ စံၭဝ့ၫဒၪ “ ၦၡၩရွံ ထၪ့ထဲၩ့ခိၪနါအၥၫ့န့ဝ့ၫဒၪနီၪ အၥၭဎွံၪဝ့ၫဒၪအဂဲး ႇ ၡၩအဆၧဆုးကျိၭလိၬၥၭယီၩ ခးအ့ၩၡၩ၁ၫ့ခိၪဒိၪအဆၧလီၩ့စိၩလၬစိၩလဖၪအဂး ဘဲၫကမွဲ ထၪ့ ဖၧၩ့ၥၭကၠီၪ့ဖျီၩ့ အဂ့ၩထုၬကမံၩ့အဂး ႇ ဆၧရွံထၪ့ဘဲၫယီၩနီၪ မွဲလၧခးအ့ၩၡၩၥၫ့ခိၪဒိၪလဖၪ ဖ့ၪလၫ့အ့ၪ ၥၫ့ခိၪဒိၪယီၩ အကၧၩ့ဒိၪထုၬမူၩဒၩက မံၩ့အဂဲးႇ ကဘၪယိထွ့ၪဒံၭ Radio Veritas Asia (RVA) လိၪဝ့ၫဒံၭအဂဲး” လၧအဖီၩ့ခွံၬ၂၀၂၃နံၪ့ လၩဇၫ့နွ့ၪရံၫ ၁ၥၫ့အဖၧၩ့ ဆၧရွံထၪ့ထဲၩ့ခိၪ နါအၥၫ့ လံၬပရၧၫ့အဖၧၩ့ ကွ့ၭလၩ့ထၬဝ့ၫဒၪနီၪလီၫႉ

ၥၫ့ခိၪဒိၪ Bp.Francisယီၩ လၧ၁၉၇၇နံၪ့ လၩယူၫလဲၫ့၂၈ၥၫ့ဒၪအိၩ Malacca –Johor ဆၧအီၪကီၪ့အဖၧၩ့ ဒိၭန့ထၪ့ ဘိၪ့ခိၪၥၫ့ခၫ အ ဆၧကဲၪနီၪလီၫႉ ၁၉၈၁-၈၃နံၪ့အထီနီၪ န့ဘၪဆၧနဲၪ့လၩဖၩ့ စိန့်သောမတ်အကွီးနက်စ်ဘျၪ့ကိၪ့ဒိၪနီၪလီၫႉ ၁၉၉၁နံၪ့အထီနီၪ န့ဘၪဆၧ နဲၪ့လၩဖၩ့လၧ ခးအမ့ၫရံကၭႇ နယူးယော့ခ် ဒဲ မေရီနောလ် ဆၧမၩလိၪလးဖၧၩ့ ဘၪထွ့ၪလၧ ဆၧဎူၫဆၧဎၩ့ဒဲ ဆၧဘၪလိၬဎွ့ၪဎီၩ့နီၪလီၫႉ

၂၀၀၃နံၪ့နီၪ ဘဲၫ Malacca –Johor ဆၧအီၪကီၪ့မွန်ဆီညော်အၥိၭမွဲဂ့ၩ ႇ ၂၀၁၂နံၪ့ လၩယူၫလဲၫ ၇ၥၫ့နီၪ မွဲလၧၥၫ့ဎွၩ ဘက်နဒစ် ၁၆ဂၩလဂၩ အဆၧရွံထၪ့အဖၧၩ့ ဘၪထိးရွံထၪ့ထဲၩ့အၥၭ ဘဲၫပင်နန် ဆၧအီၪကီၪ့ ၥၫ့ခိၪဒိၪကဂၩအၥိၭနီၪလီၫႉ

ကွ့ၭထၪ့ခီၫထဲၩ့ - နးအဲၪဖီၫဘွၩ