မိဖါအခိးအတၩ

လၧဂၪ့ခိၫ့ချိၫ့ယီၩ့ ပၡၩ့အဲၪပၧၩ ဘဲၫမိမိနီၪလအီၪဘၪအၥိၭ  လၧပမံၬယၪ ဆုၪ့ထၪ့အီၪဂုးဂုးခၧၫ့ခၧၫ့ဘဲၫ ဖါဖါအၥိၭ ပၡၩအဂၩမုၪလအီၪဘၪနီၪလီၫႉ မိဖါနီၪ မီၪ့ဎီၩ့ဒၪ ပနဲၫ့နီၪလီၫႉ ဖိၪမုၪဖိၪခွၫ ဆၧဖၧၩ့ကန့အဂး ဘၪထိးဆၧၫ့ ဆၧၡၪ့ဆၧနါ လၧဆၧခိအဖၫ့လါ ဘၪမၩဆၧမၩနီၪ မွဲဒၪမိမိဖါဖါနီၪလီၫႉ လၧဂၪ့ခိၪယီၩ့ ဘျုၪလၫ့ပၧၩ့မံၩဂီၩ့ ဖ့ၪလၫ့ပၧၩဆၧဖၧၩ့နီၪ အီၪဒၪမိဖါနီၪလီၫႉ ဖါဖါနီၪလီၩ့အၪ့ဎၬ ထီးအအၪထုၬလန့ဘၪလါနၧၫ့ ဂံၪ့ဒီၪ့အဂး ဘၪခိးဂဲးခိးဘၭ မၩဆၧမၩအၪမၬနီၪလီၫႉ လၧဂၪ့ခိၫချိၫ့ယီၩ့ ပၡၩအဲၪပၧၩအီၪအၪဒၪလါနၧၫ့ ထုးဆၧၫ့ပဆၧမၪဂီၩ့ အဲၪပၧၩဖိၩဘိၭ မိမိနီၪလအီၪဘၪနီၪလီၫႉ ပဖ့ၪလၫ့ဆၧနၧၩ့မံၩ့အ့ၬဂီၩ့ ပန့ထဲၩ့ဘၪနီၪမွဲဒၪလၧ မိဖါအီၪနီၪလီၫႉ ပန့ဘၪယိၪယိၪနီၪ မွဲဒၪမိဖါအဆၧအဲၪဂီၩ့ ပဘၪဖ့ၪလၫ့ထဲၩ့ကဲၪနီၪ မွဲဒၪလၧ မိဖါအဆၧအဲၪနီၪလီၫႉ ဖိၪမုၪဖိၪခွၫၥံၪနီၪ အခံၪ့ဘၪ ထၪ့ၡါစွါဘဲၫ ခွံၬၡိၬထး မိဖါၥံၪနီၪလီၫႉလါနၧၫ့ဂံၩ မိဖါၥံၪနီၪ ထၧၩ့ ၥံၫအခံၪအထီး ခွံၬၡိၬထၧး ဖိၪဒ့ၪၥံၪ လန့ဘၪနီၪလီၫႉ