ပကဲၪၥၭဘၪ့ဖိၪၥံၪနီၪ ပကဘၪဖီလံၬအၪအၪနီၪလီၫႉ

ပၥၭဘၪ့ဖိၪၥံၪအၪဒၪဆၧနီၪ ပကဘၪဖီလံၬအဂး ပကၠုၪ့ပဘျီၩ့ကၠၭနီၪလီၫႉ ၥၭဘၪ့ဖိၪလၧ အအဲၪဒိၭဖီလံၬဘနီၪမွဲအီၪဆ့ႉ လါနၫ့အီၪၡၩခိၭဖိၪလီၫႉ ပဖီလံၬနီၪမီၪ့ဎီၩ့ပမၩလိၪထဲၩ့ဖးဖီၩ့အဂဲး လဖၪနီၪလီၫႉ ဒံၩ့ပဖီလံၬအၪအၪ ဒံၩ့ပကၥ့ၪယၫထၪ့ဆၧအၪအၪ ပဆၧကိၪ့ၥ့ၪကိၪ့ဘၪ ကအၪ ထၪ့အၪအၪဂီၩ့ ပကၥ့ၪထၪ့အၪန့ၦၡၩ ပမၩထၪ့ဆၧကၥ့ၪ အၪန့ၦၡၩနီၪလီၫႉ လကၭဘၪ ပအၪ့နၩ့ဘဲၩ့ဖၭ ဆၧဘၪမၪဒဲဆၧအတီၩလဖၪကန့ဂီၩ့ ပဆၧဒၪၥံၪကလဲထၪ့နီၪလီၫႉ ပဖီလံၬ အၪ အၪအကၠီၩ့ ပစီၪဒီၩ့ဘၪဎီၩ့ၦၡၩလၧပၥၭကၥ့ၪထၪ့ဒဲ ဆၧကမံၩ့ဘၪကမံၩ့နီၪ မွဲပထိးယိလၧပၥၭ ကၥ့ၪထၪ့နီၪလီၫႉ

ၥၭဘၪ့လၧအဖၧၩ့ၥၭလၩ့မါလဖၪ မၩယိဆၧယီၩနးထံၪနီၪဘိၭ ယမိလီၩဘၪလီၫႉ လၧပဖီ လံၬအဖၧၩ့ လၧပလီၩ့ဎွါယိဆၧလဖၪအဖၧၩ့ ပဒၪထၪ့ပဆၧမံၫမးလဖၪ ပဆၧထိစိၩလဖၪၥ့ၪဝ့ၫ ဒၪအကၠီၩ့နီၪလီၫႉ ဆၧနီၪအကၠီၩ့ ၥၭဘၪ့ဖိၪကိၭဂၩဒ့ၭ အ့ၪမွဲပဖီလံၬနၧၩ့နီၪ လၧပဂးကကဲၪထၪ့ ဆၧအဂ့ၩထုၬလဖၪလီၫအကၠီၩ့တၭ ပကဘၪကျ့ၭစၨၭဖီကၠၭလံၬကလိၪဝ့ၫဒၪအဂဲး မုကနံၩယီၩ ယအဲၪဒိၭရၩလၩ့စိၩအ့ၪဘၪနၥံၪ လၧဆၧအဂဲးဖိၪယီၩနီၪလီၫႉ