ပကဘၪကျ့ၭစၨၭထၪ့ ထၧၩ့ပဒိၭနဲၩ့လၩ့ပၥၭန့နီၪလီၫႉ

ဘဲၫၥၭဘၪ့ကဂၩအၥိၭ ပခိးဂဲးခိးဘၭန့ထၪ့ဝ့ၫဒၪအခံၫ့ ပဒိၭနဲၩ့လၩ့ဒၪပၥၭနီၪ မွဲအဂ့ၩ ထုၬနီၪလီၫႉ ပမိဖါဘူၭထံးၥံၪနီၪ မၩဆၧၩ့ပၧၩန့ဝ့ၫဒၪ ဒၪလူၬ အ့ၪမွဲပနၫ့ဆါဒၪပၧၩ ပလအိၭထိၭ ဘၪဆၧနးမံၩ့နီၪ မွဲပကလ့ၩထၪ့လ့ၩထီၫန့အ့ၬႉ မွဲဂုးခၧၫ့ကန့အ့ၬႉ  ဆၧနီၪအကၠီၩ့ ပကျ့ၭစၨၭဒိၭ နဲၩ့လၩ့ဒၪပၥၭနီၪ ပဆၧၥ့ၪဆၧဘၪလဖၪ မွဲကလ့ၩထၪ့လ့ၩထီၫဂီၩ့ ပအီၪဒုၩပၥၭလၧ ပလၬဒုၩဖၫ့ လၬန့အခၫ မွဲပကၥ့ၪယၫၥိၩ့ကျိၪစ့ၩ ၥ့ၪၥ့ၪဘၪဘၪအဖၧၩ့တၭ ပကနၪၥ့ၪထၪ့ထဲၩ့ ပၥိၩ့ဆၧဒဲ ပၥိၩ့ဆိၫ့ကၩဆၧအဂဲး ဂ့ၩဂ့ၩဘၪဘၪနီၪလီၫႉ

ပအီၪဒုၩပၥၭလၧ ပလၬဒုၩဖၫ့လၬန့ဝ့ၫအခၫ ပမၩဆၧၩ့ထၪ့ၦဂူၫဂၩမွဲကန့နီၪလီၫႉ ဆၧနီၪ အကၠီၩ့ ပကဲၪၥၭဘၪ့ဖိၪလဖၪယီၩ ဘဲၫၥိၭပအီၪဒုၩပၥၭ လၧပလၬဒုၩဒၪပၧၩ အဖၫ့လၬကန့အဂး နီၪ မွဲပကဘၪကျ့ၭစၨၭမၩဎွ့ၩထၪ့ ပဆၧကိၪ့ၥ့ၪကိၪ့ဘၪလဖၪနီၪလီၫႉ ဘဲၫပဆၧၫ့ထုၪ့ဒၪ လၧပခၪ့ဖၫ့ခိၪ ကန့အဂး မွဲပကဘၪကျ့ၭစၨၭထၪ့ကၠၭဝ့ၫဒၪ ကိၭဂၩဒ့ၭနီၪလီၫႉ