ဆၧအီၪမၧၫ့ၥၭအဂဲး

အီၪဒၪလၧဆၧမုၬလၩၥၭဎွံၪလဖၪအဖၧၩ့လါဆံၭႉ ထီးလၩ့ယွၩဘၪလၧ ဆၧၥုၪ့ၡၪ့ၥၭၡၪ့ အဖၧၩ့နီၪလဂ့ၩႉ ဆၧၥၭမၧၫ့နီၪကဆိကလးလီၫတၭ အီၪမၧၫ့နၥၭဂ့ၩဂ့ၩဘွၩဘွၩလါဆံၭႉ  

နန့ဘၪဆၧမၩနၧၩ့ခၫ့ဖျီၪ့အကၠီၩ့ နၥၭထၪ့ထီၫလဂ့ၩႉ နဘၪဒၪဆၧအစၪအခံၫ့နးဆ့ နၥၭ ဆံၭဘၪလဂ့ၩႉ ဆၧၥၭမၧၫ့နီၪကဆိဖိၪလီၫႉ ထီၩ့ဒူၪထၬဆၧမ့ၬလဲၩ့လဖၪလဂ့ၩႉ ပၧၩ့န့ထၬဆၧအဲၪ ဆၧကွံၩလဖၪအၪမၬလဂ့ၩႉ ကျ့ၭစၨၭမၩလဲထၪ့ဒၪ ဆၧအဲၪဆၧကွံၩလးဝၩ့လဲလဲလါဆံၭႉ ၦၡၩအၪ့ အူၭနၧၩအကၠီၩ့ ဆၧမုၬနၥၭအၪအၪလဂ့ၩႉ ၦၡၩအၪ့ကီၪနၧၩအကၠီၩ့ဆ့ ၥၭအုၭနၬနၬလဂ့ၩႉ ဆၧအ ယီၩနီၪ မွဲဒၪလၧဆၧကဲၪထၪ့ယံၩယါနီၪလီၫႉ ဆၧၥၭခ့ၬလအီၪဘၪဂီၩ့ အ့ၪမွဲပလဖ့ၪလၫ့အ့ၪဘၪ ၦၡၩဆၧအခိစွါဘဲၫနီၪ ပဆၧၥၭမၧၫ့ယီၩ ဎံၪလၩဝ့ၫဒၪအၪမၬယူၭလီၫႉ

မွဲလၧပၧၩအကၠီၩ့ အ့ၪမွဲၦၡၩအၥၭလဘၪမုၪဘၪၡူၪဘၪလါလါ မွဲလၧပၧၩအကၠီၩ့ အ့ၪမွဲ ၦၡၩလဘၪဒၪဆၧၫ့ယၫဘၪလၧ ဆၧကၪဆၧဂဲၩစွါဘဲၫ အယီၩဆ့ မွဲလၧဆၧအီၪမၧၫ့ၥၭ အဆၧ ကိၪၥ့ၪကမံၩ့ဆ့မွဲအ့ၬဧၪ? ဆၧနီၪအကၠီၩ့ မွဲလၧပၧၩအကၠီၩ့ ထၧၩ့ၦၡၩလဘၪဒၪဆၧၫ့ယၫဘၪ ဆၧ ကၪအဂဲၩအဂး ပကဘၪကျ့ၭစၨၭအီၪမၧၫ့ပၥၭနီၪလီၫႉ