ကဆါယွၩအဆၧမၪလူၬ

ထၧၫ့မၫဝၩလဖၪနီၪ ကဘၪစၧၩ့ထၬလိၬၥၭလၧ ၥီၪကၠဲၪနီၪလီၫႉ ဂီၩ့ကဘၪၥုၪ့ထၪ့ဂံၪ့ဒီၪ့လၧ ဆၧအဲၪဆၧကွံၩအတီၩအလီၩ့နီၪလီၫႉ ဆၧနီၪအကၠီၩ့ ထၧၫ့မၫဝၩနံၫဂၩနီၪ ကဘၪဒၪလိၬၥၭလၧ ဆၧအဂ့ၩ ကကဲၩ့ခီၫဒဲကဆါယွၩအဆၧတဲၩလၩ့နီၪ ကဘၪထဲၩဖီၪဂုးထၬဝ့ၫလီၫႉ လကၭဒံၭဘၪ မိဖါၥံၪယီၩ ကဘၪမၩထၪ့ထီၫအ့ၪဖိၪဒံၪလဖၪ အဆၧဆူၩနဲၩ အဆၧကိၪ့ဘၪကိၪ့ၥ့ၪဒဲ အဆၧအၪ့ဆၧအီၩနီၪလီၫႉ ဆၧလဖၪယီၩနီၪ ၦထၧၫ့မၫထၧၫ့ဝၩလဖၪ ကဘၪၥ့ၪယၫထၬဝ့ၫလီၫႉ

ဘဲၫယီၩပဒၪဘၪအၪဒၪဆၧ ၦထၧၫ့မၫဝၩလဖၪနီၪမွဲလဖီၪ့ဂုးထၬလၧၩ့ဘၪကဆါယွၩအဆၧတဲၩ့လၩ့ဒဲ ပဒၩ့ထၬဘဲၫဖိၪဒံၪလအီၪထၪ့ဘၪအဂးနီၪလီၫႉ ဆၧဒဲၩဘၭအယီၩ မွဲဝ့ၫလၧ အီၪပဲၩထၬ ကဆါယွၩအဆၧမၪလူၬနီၪလီၫႉ ဆၧနီၪအကၠီၩ့ အ့ၪပကပဒၩ့ဖိၪၥၪစွါဘဲၫအီၪနၪ့ထၪ့ထဲၩ့ ကဆါယွၩအဆၧမၪလူၪနီၪဆံၭႉ