ၦလၧအဂဲၫလၩ့ဝ့ၫလၧမူၭခိၪထၭ.

ၦဂဲၫလၩ့ဝ့ၫလၧထၭလဂၩနီၪ, အီၪလၧဆၧထီးအလူၬအဖၫ့ခိၪလီၫ. ၦအီၪဝ့ၫလၧဂၪ့ခိၪယီၩ, ဘၪဆဲၫ့လၧဂၪ့ခိၪတၭ, ချဲၩ့ဆၧလၧအဘၪဆဲၫ့လၧဂၪ့ခိၪလီၫ. ၦဂဲၫလၩ့ဝ့ၫလၧမူၭခိၪ, မွဲအအီၪဝ့ၫလၧဆၧထီးအလူၬအဖၫ့ခိၪလီၫ.- ထီးဒၪဆၧလၧအဒၪဘၪဝ့ၫ ဒဲအနါဂၧၫ့ဘၪဝ့ၫနီၪ, ထိးအၥၭလၧအဂဲးတၭ, အဆၧထိးအၥၭနီၪ ၦထိးဆၧၫ့ဝ့ၫနးဂၩအ့ၬ.- အဆၧထိးအၥၭနီၪ, ၦလၧအထိးဆၧၫ့ဝ့ၫတၭ, စဲၩနဲၪ့ထၬဝ့ၫလၧယွၩ မွဲဆၧမွဲဆၧတီၩလီၫ.- 
အဂဲးဘဲၫယီၩ ၦလၧယွၩအၪ့မၧၫ့ လၩ့ဝ့ၫလဂၩနီၪ လီၩလၩ့လၬလၩ့ယွၩအလူအထၫလီၫ. အဂဲးဘဲၫယီၩ ယွၩလတိၪ့ဘၪဝ့ၫတၭ, ဖ့ၪလၫ့အဝ့ၫလၧၥၭမုနီၪလီၫ.- ဖါအဲၪအဖိၪခွၫတၭ, ဖ့ၪလၫ့ယူၭဆၧထီးအလူၬ လၧအစူၪဖၧၩ့ယူၭ.
ၦလၧအနဲၩထဲၩ့အဖိၪခွၫနီၪ, အီၪဝ့ၫလၧဆၧမၧၫ့လၩ့ဆိၩလၩ့ကၠၪလီၫ. တၭၦလၧအလနဲၩဘၪ ဖိၪခွၫနီၪ, လဒၪန့ဘၪဆၧမၧၫ့နီၪလကၭလၧၩ့, ယွၩအဆၧၥၭထၪ့အီၪဂုးခၧၫ့ဝ့ၫလၧအလီၩ့လီၫ