ၦဖၫရစံၫဒဲစဟ့ရၧၭအမံၪ.

အထံၩအဖျဲလဖၪနီၪ ၥၭနၪ့လ့ၩဆိၬကိၪတၭႇ  အကိၪအီၪလၧချံၫဖၧၩ့န့ၫလလီၪ့လီၫ.- အဝ့ၫဒၪမၪလူၬဆၧနီၪႇ စံၭဝ့ၫႇ ထီးလၩ့နၥံၪအၥၭ လၧၦဖၫရစံၫအမံၪႇ ဒဲစဟ့ရၧၭအမံၪတၭႇ ထီးလၩ့နၥံၪအၥၭဆံၭ.-

အဝ့ၫၥံၪကၩ့ကၩလိၬအၥၭတၭႇ စံၭဝ့ၫႇ ဆၧယီၩမွဲပကိၪလအီၪဘၪအဂဲးလီၫ.- ထီးယ့ၫၡုၬၥ့ၪယၫတၭႇ စံၭအဝ့ၫၥံၪႇ မွဲဘၪနီၫလၧနၥံၪကၩ့ကၩလိၬနၥံၪအၥၭ လၧကိၪ လအီၪဘၪအဂဲးလဲၪ. မွဲနၥံၪလၥ့ၪယၫဘၪဧၪႇ မွဲနၥံၪနၪလၥ့ၪဒံၭဘၪဧၪ. မွဲနၥံၪအၥၭနီၩ့ဒံၭဧၪ.- နၥံၪအမ့ၬၥၪအီၪတၭႇ မွဲနၥံၪလဒၪဘၪဧၪ. နၥံၪအနါအီၪတၭႇ မွဲနၥံၪလနါဂၧၫ့ဘၪဧၪ.- နၥံၪနၪ့ထၪ့ထဲၩ့အ့ၬဧၪ. လၧယကံၪ့ဘျ့ၭကိၪယဲလီၪ့ လၧၦယဲထီၫ့အဂးနီၪႇ မွဲနၥံၪအၪ့ထုၫ့ကီၪ့ထဲၩ့ အဘျဲၪအဆဲ ဎွ့ၩဒၩ့ဎွ့ဖျိၪ့လဲၪ. အဝ့ၫၥံၪစံၭဆၧၫ့ဝ့ၫႇ လဆံၫနံၫဖျိၪ့လီၫ. လၧယကံၪ့ဘျ့ၭနွ့ၫလီၪ့ လၧၦလံထီၫ့အဂးနီၪႇ မွဲနၥံၪအၪ့ထုၫ့ကီၪ့ထဲၩ့ အဘျဲၪအဆဲ ဎွ့ၩဒၩ့ဎွ့ဖျိၪ့လဲၪ.

 အဝ့ၫၥံၪစံၭဝ့ၫႇ နွ့ၫဖျိၪ့လီၫ.- အဝ့ၫဒၪစံၭၦလဖၪနီၪႇ နၥံၪနၪလၥ့ၪဘၪနီၪ မွဲဘဲၫၥ့ၪလဲၪ.

 

Add new comment

6 + 0 =