ၦနၭဇရ့ၭဖိၪလထိးဆၧၫ့နဲၩထဲၩ့ဘၪယ့ၫၡုၬ.

တၭအဝ့ၫဒၪစဲၪ့ထၪ့ခွံၬထီးနီၪႇ လ့ၩဝ့ၫထီၩ့လၧ အခးဒၪဝ့ၫတၭႇ အထံၩအဖျဲၥံၪဖိၬအခဲၫ့လီၫ.- ထီးဘၪမး ၥံၫအနံၩနီၪ အဝ့ၫဒၪၥီၪ့ထဲၩ့ၥၫ့ထဲၩ့ဆိၫဆၧ လၧၥရိၬဖၧၩ့လီၫ.

ၦနါဂၧၫ့ဆၧအၪဂၩႇ ထီၫမံၫထီၫမၪတၭႇ စံၭဝ့ၫဒၪႇ အဝ့ၫလဂၩယီၩႇ မွဲအန့ဘၪဆၧလဖၪယီၩ ခီၫခီၫလဲၪ. ဆၧကိၪ့ၥ့ၪကိၪ့ဘၪ လၧဆၧဖ့ၪလၫ့ဝ့ၫနီၪႇ မွဲဆၧနီၪလဲၪ. ဆၧလၩ့လၭလၧအမၩအၥၭ လၧအစူၪဖၧၩ့ယီၩ မွဲအဆံၭဒိၪလဲၪ.- ၦယီၩမွဲၦလဲၬၥမါႇ နးမၫ ရံၫအဖိၪခွၫမွဲအ့ၬဧၪ. အထၧၫ့ဖုဝဲခွၫ မွဲစယ့မံၭႇ ဒဲစယိစ့ၭႇ ဒဲစယုဒၭႇ ဒဲစစဲမၧၫ့ မွဲအ့ၬဧၪ. အထၧၫ့ဖုဝဲမုၪလဖၪ အီၪလၧပၥိၭထီးယီၩမွဲအ့ၬဧၪ. တၭအဝ့ၫၥံၪ အၥၭဂၭဂီၩ့လၧအကၠီၩ့လီၫ.-

ယ့ၫၡုၬစံၭၦလဖၪနီၪႇ မီၪနီၪႇ အ့ၪလမွဲဘၪလၧအထံၫအခးဒၪဝ့ၫႇ ဒဲလၧအဘူၭအထံးအကျၩႇ ဒဲလၧအဂံၪ့ဖၧၩ့ဒၪဝ့ၫနီၪႇ အလၩအဖၩ့အီၪဝ့ၫလီၫ.- အ့ၪလမွဲဘၪလၧအအီၪက့ၪလၩ့အစူၪ လၧၦဘၪဆၧစူၭဆၧဆၫ ၡၩခိၬဂၩအလီၩ့တၭႇ မၩဘျၪထဲၩ့ဝ့ၫနီၪႇ အဝ့ၫဒၪမၩလၩ့လၭဆၧထီးနီၪၥ့ၪနးမံၩ့အ့ၬ.- အဝ့ၫဒၪထီၫမံၫထီၫမၪဝ့ၫ လၧၦလနဲၩဘၪအကၠီၩ့လီၫ. တၭမွဲအစဲၪ့ဝံၩ့ဝၩ့ ၥီၪ့ထဲၩ့ၥၫ့ထဲၩ့ဆၧ လၧတဝၫ့လဖၪအဖၧၩ့လီၫ.