ၦဆၧအၪ့မၧၫ့ဖိၪလဆံၫနံၫဂၩ.

အဝ့ၫဒၪကိၭန့အထံၩအဖျဲလဆံၫနံၫဂၩနီၪ လၧအအီၪတၭ, ဖ့ၪလၫ့ဝ့ၫဆၧစီၩ့ဆၧမၩ့ လၧဆၧနၪအ ဖၫ့ခိၪ, ဘဲၫၥိၭအမိနၫ့ထၪ့ခွံၬဝ့ၫ, ဒဲမၩဘျၪထဲၩ့ကယဲဆၧဆၫ ဒဲကယဲဆၧဆီၫ့ကိၭဆီၫ့ကဲၩ့ ထီးအလူၬအၥိၭ နီၪလီၫ.
ၦဆၧအၪ့မၧၫ့ဖိၪလဆံၫနံၫဂၩနီၪ အမံၩ့ မွဲဘဲၫယီၩ, အခၪ့ထံၭမွဲစစဲမၧၫ့ကိၭဝ့ၫလၧစပံတၧၫ, ဒဲအထၧၫ့ဖုဝဲ စအၫ့ဒြူၫ, စဇ့ၭဘဒံၫအဖိၪခွၫစယ့မံၭ, ဒဲအထၧၫ့ဖုဝဲ စယီဟၫ့း- စဖံလံၭဒဲစဘၫၥီလမုၫ, စထီမၭ, ဒဲၦအၪ့ကံၩ့အခီၫ့စမၭၥုၫး စအၫလဖံအၧၭအဖိၪခွၫစယ့မံၭ, ဒဲစလ့ၭဘအၧၭကိၭဝ့ၫအမံၩ့အၥၫ့စၥၫဒံအၧၭ,- ၦကၫနအၫ့ဖိၪစစဲမၧၫ့, ဒဲစယုဒၭအံၭစကၫရအၧၭ လၧအဖ့ၪလၫ့ခွံၬယ့ၫရှူၬလီၫ.
ၦလဆံၫနံၫဂၩနီၪ ယ့ၫရှူၬအၪ့မၧၫ့ အလ့ၩဆၧတၭ, မၪလူၬဝ့ၫစံၭဝ့ၫဒၪ, လ့ၩဖိၬဖၧၩ့ၥၭလၧ ၦဆၨၩလဖၪ အအီၪလဂ့ၩ, လ့ၩနုၬလၧၦစမ့ရအၫဖိၪ အဒိၩ့ၥံၪနးစီၪ့လဂ့ၩတၭး- အ့ၪမွဲ, လ့ၩဆိၫဒၪခလူၬ လၧၥိၪလၧ အလၩ့မါ, ၦအံၫစရ့လၭအဂံၪ့ဖိၪ အအီၪနီၪဆံၭ. လ့ၩလီၩလၩ့လၬလၩ့ဆၧတၭ, စံၭနၥံၪဝ့ၫ, မူၭခိၪအဘၩ့အမုးနီၪဘူၭထၪ့ယူၭ.- မၩဘျၪထဲၩ့ၦဆၫၥံၪ, ဒုၭဂဲထုၪ့ထဲၩ့ ၦၥံၫလဖၪနီၪ, မၩဆံၫ့ထၪ့ထဲၩ့ၦလၧအခံၫထူၬဆၫအၧၩ့လဖၪနီၪ, နၫ့ထၪ့ခွံၬဆၧနၪလဖၪဆံၭ. နၥံၪဒိၭန့ဆၧပျီၩပျီၩတၭ, ဖ့ၪလၫ့ဆၧပျီၩပျီၩဆံၭ.