နေ့စဉ်ဧဝံဂေလိတရားဒေသနာတော်

ချစ်လှစွာသော ညီအစ်ကို မောင်နှမအပေါင်းတို့...

သခင်ယေဇူးရဲ့ နောက်ဆုံးပြောတဲ့ စကား သင်ကိုယ်တိုင်သွား၍ထို့နည်းတူပြုလော့ဆိုတဲ့ နောက်ဆုံးစကားဟာဖြင့်ရင် ကျွန်တော်တို့ ကက်သလစ်အသင်းတော်အနေနဲ့ ဘုရားပေးတဲ့ တာဝန်တစ်ခုဖြစ်တယ်ဆိုတာကို ကျွန်တော်တို့အားလုံး သိရှိခံယူကြဖို့အတွက် ဖြစ်ပါတယ်။ ကောင်းသော ဆာမာရီတန်ပုံဥပမာဟာဖြင့်ရင် သခင်ယေဇူးပြောတဲ့ ဥပမာတွေ များစွာထဲမှာ လူတွေ တော်တော်များများနဲ့ ရင်းနှီးတဲ့ ဥပမာတစ်ခု ဖြစ်ပါတယ်။ လူတွေမကြာခဏကြားနေရတဲ့ ပုံဥပမာဖြစ်ပါတယ်။ ဒါပေမဲ့လို့ နားနဲ့ပဲ ကြားပြီးတဲ့နောက် အဲဒီမှာပဲ အဆုံးသတ်သွားတဲ့ သဘောမျိုးရှိတာများပါတယ်။ သခင်ယေဇူးရဲ့ ရည်ရွယ်ချက်ကတော့ နားနဲ့ ကြားစေလိုတာမကသေးပဲနဲ့ ကြားသောသူများသည်လည်းပဲ မိမိတို့ကိုယ်တိုင်အဲဒီအတိုင်း ကောင်းသောဆာမာရီတန်စိတ် ထားပြီးတဲ့နောက်  ကျင့်ကြစေဖို့အတွက် သူဖြစ်စေချင်တာဖြစ်ပါတယ်။ ဒါ့ကြောင့် ကောင်းတဲ့ ဆာမာရီတန်ပုံပြင် ဖြစ်စဉ်ကို ခဏလေးစဉ်းစားပြီးတဲ့နောက် ကျင့်ကြံကြဖို့အတွက်လည်းပဲ အနူးအညွှန့်ပြောလိုပါတယ်လို့။ ကောင်းတဲ့ ဆာမာရီတန်ဆိုတာ ဘယ်လိုလဲ။ ဘယ်လိုစိတ်ထား ထားပြီးတဲ့နောက် ဘယ်လိုကျင့်ကြံနေထိုင်မှ ကောင်းတဲ့ ဆာမာရီတန်လို့ ကျွန်တော်တို့ခေါ်လို့ရပါသလဲ။ ကောင်းတဲ့ ဆာမာရီတန်ဆိုတာကတော့ ၁ လူတွေကို ကောင်းကျိုးပြုတဲ့သူဖြစ်ရမယ်။ နံပါတ် ၂ ကောင်းတဲ့ ဆာမာရီတန်ဆိုတာကတော့ အကူအညီလိုတဲ့ သူတွေကို ကူညီတဲ့သူတစ်ယောက်ဖြစ်ရမယ်။ နံပါတ် ၃ ကောင်းတဲ့ ဆာမာရီတန်ဆိုတာ ကိုယ်မသိတဲ့ သူပဲ ဖြစ်စေ သူစိမ်းပဲ ဖြစ်စေ ကိုယ့်ရဲ့ အကူအညီလိုအပ်လို့ရှိရင် ကိုယ်က ပေးတဲ့ သူတစ်ယောက်ဖြစ်ရမယ်။ နံပါတ် ၄ အချက်အနေနဲ့ ကိုယ်မသိတဲ့ လူပဲဖြစ်စေ၊ သူစိမ်းပဲ ဖြစ်စေသာမက သေးပဲနဲ့ ကိုယ့်ရဲ့ ရန်သူပင်ဖြစ်ပါလေ့စေ အကူအညီလိုရင် ပေးတဲ့ သူဟာ ကောင်းတဲ့ဆာမာရီတန်ဖြစ်ပါတယ်။ ဒါကြောင့်မို့လို့ ဘယ်လောက်ပဲ စွန့်စားကူညီရပါစေ စွန့်စားကူညီပေးတဲ့သူဟာ ကောင်းတဲ့ ဆာမာရီတန်ဖြစ်ပါတယ်။ ဒါမှ ကောင်းတဲ့ ဆာမာရီတန် စံနှုန်းနဲ့ ကိုက်ညီမှာ ဖြစ်ပါတယ်။

နောက်ဒုတိယတစ်ချက်အနေနဲ့ ကျွန်တော်တို့ ဆက်ပြီးတဲ့နောက် ထောက်ရှုဖို့က သနားခြင်း ဂျူ ဘီလီနှစ်တုန်းက Year of Mercy ပေါ့လေ အဲဒီတုန်းက ရဟန်းမင်းကြီး ဖရန်စစ်ပြောတဲ့ စကားကို ပြန်ပြီးတဲ့နောက် ကြားယောင်ကြပါစို့။ ဘာပြောခဲ့သလဲ ဆိုတော့ ကောင်းတဲ့ ဆာမာရီတန်အသက်တာကို တိုးပြီးတဲ့နောက် ဘ၀ကို ရှင်သန်ကြပါလို့ ဘာသာတူအားလုံးကို မိန့်မှာခဲ့ပါတယ်။ ဒါဟာ အသင်းတော်ရဲ့ တာဝန်တစ်ခုဖြစ်ပါတယ်။ ဆက်လက်ပြီးတဲ့နောက် အသင်းတော်ရဲ့ အလုပ်တာဝန်ဟာ ဘာလဲလို့ ကျွန်တော်တို့ ဂဃနဏလေး ပြန်ပြီးစဉ်းစား သုံးသပ်တဲ့ အခါကျလို့ရှိရင် နံပါတ် ၁ အချက်အနေနဲ့ အသင်းတော်ရဲ့ လုပ်ငန်းတာဝန်ဟာ ဒဏ်ရာရနေတဲ့ သူတွေကို ကုသဖို့ဖြစ်တယ်။ Heal the wounds ပေါ့လေ။ အဲဒီမှာ ရုပ်ပိုင်းဆိုင်ရာ ဒဏ်ရာပဲ ဖြစ်စေ စိတ်ပိုင်းဆိုင်ရာ ဒဏ်ရာပဲ ဖြစ်စေ ၀ိညာဉ်ရေးနဲ့ ပတ်သက်တဲ့ ဒဏ်ရာဒဏ်ချက်တွေပဲ ဖြစ်စေ ဘယ်လိုဒဏ်ရာ ဒဏ်ချက်မျိုးကို မဆို ဒဏ်ရာရတဲ့ သူတွေကို ကုသပေးဖို့ ပျောက်ကင်းအောင်လုပ်ပေးဖို့ ဆိုတာဟာ အသင်းတော်ရဲ့ အလုပ်တစ်ခုဖြစ်တယ်။ ဒီနေရာမှာ ကြုံတုန်းပြောရမှာက အသင်းတော်က ဘယ်သူလဲလို့ လူတစ်ချို့ကမေးတယ်။ အသင်းတော်ဟာ ဆရာတော်အဖွဲ့ကိုပြောတာလား အသင်းတော်ဟာ ဒီဘုန်းကြီးအဖွဲ့ကို ပြောတာလား အသင်းတော်ဟာ ရဟန်းမင်းကြီးကို ပြောတာလား အဲသည်လိုစဉ်းစားတတ်ကြတယ် တစ်ချို့က။ ငါနဲ့ မဆိုင်ပါဘူး ထင်ကောင်းထင်မယ်။ အသင်းတော်ဆိုတာ ဆေးကြောခြင်းမင်္ဂလာကို ခံယူပြီးတဲ့ သူတိုင်းသည် အသင်းတော်ဖြစ်တယ်။ ဒါ့ကြောင့် ဆိုလိုတာကတော့ ကျွန်တော်တို့ တစ်ယောက်စီရဲ့တာဝန်နဲ့ ကျွန်တော်တို့ တစ်ယောက်စီဟာ အသင်းတော်ဖြစ်တယ် ဆိုတာ ဒါ့ကြောင့် အသင်းတော်ရဲ့တာဝန်သည် ကျွန်တော်တို့ တစ်ယောက်စီရဲ့ တာဝန်ဖြစ်တယ်။ ဘာတာဝန်လဲ လူများတွေရဲ့ ဒဏ်ရာဒဏ်ချက်တွေကို ကုသပျောက်ကင်းအောင်လုပ်ပေးဖို့ တာဝန်ဖြစ်တယ်။ ရုပ်ပိုင်း စိတ်ပိုင်း ၀ိညာဉ်ပိုင်းဖြစ်တယ်။

ဒုတိယတစ်ချက်အနေနဲ့ကတော့ ဒုက္ခဒဏ်ရာပြင်းထန်စွာ ခံစားနေရပေမဲ့လို့ လုံးဝမိမိတို့အသံမထွက်နိုင်တဲ့ သူများတွေကို ကိုယ်စားပြုပြီးတဲ့နောက် အသံထွက်ပေးရမဲ့တာဝန်ဟာလည်းပဲ အသင်းတော်ရဲ့တာဝန်တစ်ခုပဲ ဖြစ်တယ်။ ဒုက္ခမျိုးစုံ ဒဏ်ရာမျိုးစုံ ရင်စီးပြီးခံနေရပြီးတဲ့နောက် အံကြိတ်ပြီးခံနေရပြီးတဲ့နောက် လုံးဝလူတွေ မမြင်နိုင်မကြားနိုင် မမြင်ရမကြားရတဲ့ ဘ၀နဲ့ ရှိနေကြရတဲ့ အငယ်ဆုံးသောကျွန်တော်တို့ ညီအစ်ကိုတွေ အများကြီးရှိနေကြရပါတယ်။ ဒီလူတွေကို သူတို့ရဲ့ ကိုယ်စားအသံထွက်ပေးဖို့ ဒါဟာ အသင်းတော်ရဲ့ တာဝန်တစ်ခုလည်းဖြစ်ပါတယ်။ ဥပမာအားဖြင့်ပြောရမယ် ဆိုလို့ရှိရင် ရနေ့စားစရာမရှိလို့  ဆန်ပြုတ်စားနေရတဲ့ သူတွေ အသံမထွက်ပါဘူး။ သူများသိမှာစိုးလို့ ရှက်ထာလည်းဖြစ်မှာပေါ့။ အချို မုန့်နဲ့ ဆားနဲ့ သံပုရာသီးနဲ့ ရောပြီးတဲ့နောက် ထမင်းလေးကို ၀င်အောင်စားနေရတဲ့ သူတွေလည်းရှိတယ်။ ရေနံဆီ တစ်ဆယ်ကျပ်ဖိုးနဲ့ ခဏတာလေး အမှောင်ထုကို ဖြတ်သန်းနေရတဲ့ သူတွေလည်းရှိတယ်။ လဖက်ခြောက်ဖိုး ၅၀ ကျပ်ဖိုးနဲ့ ရေနွေးကြမ်း တစ်နေ့တစ်ခါတောင် မသောက်ဖြစ်တဲ့ သူတွေလည်းအများကြီးရှိတယ်။ သရက်သီးတစ်လုံးကို မိသားစုထမင်းဝိုင်းမှာ တစ်ယောက်တစ်လှည့် ၀ိုင်းစုပ်ပြီးတော့ ထမင်းဝင်အောင် စားနေရတဲ့ သူတွေလည်းရှိတယ်။ နေစရာမရှိလို့ စက္ကူ ပုံးကြီးကြီးထဲမှာ အိမ်သဖွယ်လုပ်ပြီးနေရတဲ့ သူတွေလည်းပဲ ရှိတယ်။ မရှိခိုနိုး မလှဆိုးမျိုးဆိုတဲ့ ဗမာစကားအတိုင်းပဲ ဆင်းရဲ နွမ်းပါးတဲ့ ပုဂ္ဂိုလ်တွေကို သခိုးသ၀က်လို့လည်း အလွဲအမှားအထင်ခံရတယ်။ အဲဒါမျိုးလေးတွေ အသံမထွက်နိုင်တဲ့ သူတွေအများကြီးရှိပါတယ်။ လမ်းဘေးမှာစား၊ လမ်းဘေးမှာနေ၊ လမ်းဘေးမှာ အိပ်ပြီးတဲ့နောက် လမ်းဘေးမှာပဲ ဆုံးသွားကြရတဲ့ သူတွေလည်းအများကြီးရှိတယ်။ ဒါဟာ ကျွန်ုပ်တို့ မြင်အောင်ကြည့်ရမယ်။ ကက်သလစ်ဘာသာဝင်တိုင်း ဒီတာဝန်ကို ဆောင်ရွက်ကြဖို့ လိုတယ်။ ကိုယ်ကိုယ်တိုင်လည်းပဲ ကူညီနိုင်သလောက် ကူညီကြရမယ်။ မကူညီနိုင်ရင်တောင်မှ ကူညီနိုင်မယ်ထင်တဲ့ သူတွေကို အသိပေးချဉ်းကပ်ကြရမှာ ဖြစ်ပါတယ်။ လူတွေကို နှစ်သိမ့်မှုပေးရမယ်။ လူတွေကို ဖြေသိမ့်ပေးရမယ်။ ကိုယ့်ကြောင့်လူတွေ စိတ်မဆင်းရဲမိအောင်လည်း သတိထားရမယ်။  ရဟန်းမင်းကြီးဘာဆက်ပြောသလဲဆိုတော့က မျက်စိကို ကျယ်ကျယ်ဖွင့်ပြီးတဲ့နောက် လိုက်ပြီးကြည့်ပါ။ ကမ္ဘာကြီးရဲ့ ရင်နှစ်ဖွယ်ရာတွေကို မြင်အောင်ကြည့်ကြပါ။ ကျွန်တော်တို့ ညီအစ်ကို မောင်နှမတွေရဲ့ ဒဏ်ရာဒဏ်ချက်တွေကို မြင်အောင်ကြည့်ကြပါ။ သူတို့ရဲ့ ငိုကြွေးသံကို ကြားအောင် နားစွင့်ကြပါလို့ ရဟန်းမင်းကြီး နှိုးဆော်ပြောပြလျက်ရှိပါတယ်။ ဒါ့ကြောင့် ဘုရားသခင်က ကျွန်ုပ်တို့ရဲ့ အသိ ကျွန်ုပ်တို့ရဲ့ အမြင်အာရုံကို အကြားအာရုံကို အထောက်အကူပေးဖို့အတွက် နောက်ဆုံးပေါ် ရုပ်သံတွေကို ကြားနိုင်မြင်နိုင် ဖို့လွယ်တဲ့ ကိရိယာတွေတပ်ထားပေး တာရှိတယ်။ ဒါတွေကို အဲဒီအတွက် အသုံးပြု ဖို့ တခြားအလွဲအမှားမသုံးမိဖို့လည်း သတိထားရမယ်။ ရှင်းရှင်းလေးပြောရမယ်ဆိုလို့ရှိရင် မိုဘိုင်းဖုန်းတို့ အင်တာနက်တို့ ယူကျွတ် တို့ ဗိုင်ဘာတို့ မက်ဆင်ဂျာတို့ လိုင်းတို့ စသည်ဖြင့် ဒါတွေ အားလုံးဟာ ဘုရားသခင်ခွင့်ပြုထားခြင်းရဲ့ ရည်ရွယ်ချက်ဟာ ကျွန်တော်တို့ မျက်စိကြည့်တဲ့နေရာမှာ ပိုမြင်အောင် အထောက်အကူပေးဖို့ နားစွင့်တဲ့နေရာမှာ ပိုကြားအောင် အထောက်အကူပေးဖို့ အဲလို မြင်ကြားပြီးတဲ့ အခါကျလို့ရှိရင် ကူညီဖို့ ဒါတွေဟာ ကျွန်ုပ်တို့အတွက် ဘုရားပေးထားတဲ့ ထက်မြက်တဲ့ ကိရိယာတွေ ဖြစ်တယ်။ လွှဲမှားစွာ အသုံးပြု သွားမယ်ဆိုလို့ရှိရင် ကျွန်ုပ်တို့အတွင် အန္တရာယ်ရှိပါတယ်။ ဒါကြောင့် ကျွန်ုပ်တို့ အားလုံး သခင်ယေဇူးကဲ့သို့ ရောဂါဝေဒနာကို ပျောက်ကင်းစေတဲ့ သူများ သခင်ယေဇူးကဲ့သို့ အသိပေး သတိပေး ဟောပြောသွန်သင်တဲ့ သူများဖြစ်အောင် အမြဲ တမ်းအသက်တာကို ရှင်သန်ကြပါစို့လို့ အားလုံးကို တိုက်တွန်းရင်းနဲ့ ဘုရားသခင်သင်တို့ တစ်ဦးစီကို ကောင်းကြီးမင်္ဂလာပေးတော်မူပါစေ။

Add new comment

13 + 4 =

Please wait while the page is loading