ယွၩအဲၪၦဂၪ့ခိၪဖိၪ ထီးအဖ့ၪလၫ့ခွံၬအဖိၪခွၫလဂၩဎး

 ဘဲၫစမိစ့ၭဘီၩ့ထၪ့ဂူ လၧၡါမုနၧၫ့ဖၫအၥိၭနီၪႇ ၦၡၩအဖိၪခွၫယီၩႇ မိဘၪဘီၩ့ထၪ့အၥၭ ဘဲၫနီၪအၥိၭႇ- ဘဲၫၥိၭကယဲၦလၧ အနဲၩထဲၩ့ဝ့ၫလဂၩလါလါနီၪႇ မိန့ဘၪဆၧမၧၫ့လၩ့ဆိၩလၩ့ကၠၪလီၫ.- အဂဲးဘဲၫယီၩ ယွၩအဲၪၦဂၪ့ခိၪဖိၪ ထီးအဖ့ၪလၫ့ခွံၬအဖိၪခွၫအီၪဝ့ၫလဂၩဎး ဘဲၫၥိၭကယဲၦလၧအနဲၩထဲၩ့ဝ့ၫ လဂၩဂၩနီၪႇ မိဘၪဆၧဂၭဂီၩ့အ့ၬ. အ့ၪမွဲမိန့ဘၪဆၧမၧၫ့လၩ့ဆိၩလၩ့ကၠၪလီၫ.
 အဂဲးဘဲၫယီၩ ယွၩအၪ့မၧၫ့လၩ့အဖိၪခွၫ လၧဂၪ့ခိၪချိၫ့ယီၩႇ ဘဲၫၥိၭအမိစ့ၩရၫ့ၦဂၪ့ခိၪဖိၪမွဲအ့ၬႇ  မွဲဘဲၫၥိၭ ၦဂၪ့ခိၪဖိၪၥံၪမိထီၩ့ဝ့ၫ လၧဆၧထိးထဲၩ့တၩ့ထဲၩ့ လၧအဝ့ၫနီၪအကၠီၩ့လီၫ.- ၦလၧအနဲၩထဲၩ့အဝ့ၫနီၪႇ ဘၪထိးဆၧစ့ၩရၫ့စၪအ့ၬ. အ့ၪမွဲၦလၧအလနဲၩဘၪအဝ့ၫနီၪႇ ဘၪယူၭဆၧစ့ၩရၫ့စၪယူၭ ဘိၩ့နဲၪ့ယီၩလီၫ. 
အဂဲးဘဲၫယီၩ ယွၩအဖိၪခွၫလဂၩဎးနီၪ မွဲအနဲၩထဲၩ့ဝ့ၫအမံၩ့အ့ၬ.- တၭဆၧစ့ၩရၫ့စၪနီၪ မွဲဆၧယီၩႇ ဆၧဖၩ့ဂဲၫလၩ့လၧဂၪ့ခိၪချိၫ့ယီၩတၭႇ ဘၪၦၡၩအၥၭလၧဆၧခံၭအၪနဲၪ့ဆၧဖၩ့နီၪဒံၭႇ မွဲလၧအဆၧမၩအၧၩ့ဝ့ၫအဂဲးလီၫ.- 
အဂဲးဘဲၫယီၩ ကယဲၦလၧ အမၩဆၧအၧၩ့လဂၩဂၩနီၪႇ မ့ၬလဲၩဆၧဖၩ့တၭႇ ဘဲၫၥိၭအဆၧမၩထီး ဘၪဆၧအၪ့ၥီၪ့လဂ့ၩနီၪႇ ဂဲၫဝ့ၫလၧဆၧဖၩ့အအီၪအ့ၬ.- အ့ၪမွဲၦမၩဆၧအတီၩအလီၩ့နီၪႇ ဘဲၫၥိၭအဆၧမၩမိအီၪဖျီၪထၪ့ လၧအမၩဝ့ၫ လၧယွၩအဖၧၩ့တၭႇ ဂဲၫဝ့ၫလၧဆၧဖၩ့အအီၪနီၪလီၫ.