ယ့ၫၡုၬအမ့ၬထံၫလၩ့ လၧယရုစလံၫ့အဂး

အဝ့ၫဒၪလ့ၩထီၩ့ဘူၭဝ့ၫတၭ, ယိဒိၩ့နီၪအမ့ၬထံၫလၩ့လၧအဂးတၭ,- စံၭဝ့ၫ, နအ့ၪၥ့ၪယၫနဝ့ၫ ဆၧလၧအဘၪဆဲၫ့ လၧနဆၧဘၪလိၬအိၭလိၬ လၧနနံၩနၥၫ့ယီၩအဖၧၩ့တၭ,ဂ့ၩလၧနဂးလီၫ. အ့ၪမွဲဘိၩ့နဲၪ့ယီၩ, အီၪကဒုၩလၧနမ့ၬလီၫ.- အဂဲးဘဲၫယီၩ မုနံၩမုနၩလဖၪမိဘၪလၧ နဒုၪနဒၩမိမၩထိၬဝၬဖီၩ့နၧၩတၭ, မိလ့ၩဎဲၪ့နၧၩဝၬဝၬ ဒဲပဒၩ့နၧၩကိၭခီၫဒ့ၭတၭ,- နၧၩ ဒဲနဖိၪၥံၪအီၪလၧနဖၧၩ့နီၪ မိမၩလၩ့ဒၩဝ့ၫလၧဂၪ့ခိၪအလီၩ့တၭ, လိးလၧအဒၩ့ဒိၭလိၬအၥၭလဖျိၪ့လဖျိၪ့နီၪ, မိအီၪလၩ့ထးနးဖျိၪ့အ့ၬ. အဂဲးဘဲၫယီၩ ဆၧဂဲၫယိထဲၩ့ခွါထဲၩ့နၧၩအမုအလၩနီၪ,နၥ့ၪယၫအ့ၬ.