ယ့ၫၡုၬရွံန့အထံၩအဖျဲလဆံၫနံၫဂၩ.

ဆၧမၩအၥၭလၧမုနံၩလဖၪနီၪ, အဝ့ၫဒၪလ့ၩဘၩဆိၪဖၪဆၧ လၧခိၪလီၩ့လဖျိၪ့အလီၩ့တၭ, အီၪဝ့ၫ လၧအဘၩဆိၪဖၪယွၩၥၫ့နၩချီၩ့လီၫ.
ဆၧဖၩ့ထၪ့တၭ, အဝ့ၫဒၪကိၭန့အထံၩအဖျဲလဖၪနီၪ, ရွံန့ၦလဆံၫနံၫဂၩလၧအကျၩတၭ, ကိၭအမံၩ့ လၧၦဆၧအၪ့မၧၫ့ဖိၪလီၫ.
စစဲမၧၫ့ကိၭဝ့ၫအမံၩ့ လၧစပံတၧၫ, ဒဲအထၧၫ့ဖုဝဲစအၫ့ဒြူၫ, စယ့မံၭဒဲစယီဟၫ့, စဖံလံၭဒဲစဘၫၥီလမုၫ, စမၭၥုၫဒဲစထီမၭ, ဒဲစအၫလဖံအၧၭအဖိၪခွၫစယ့မံၭ, ဒဲစစဲမၧၫ့ကိၭထဲၩ့ဝ့ၫလၧစလိတံၭ,- စယ့မံၭအထၧၫ့ဖုဝဲစယုဒၭ, ဒဲၦလၧအကဲၪထၪ့ ၦဖ့ၪလၫ့ခွံၬဆၧ စယုဒၭအံၭစကၫရအၧၭလီၫ.
ဂဲၫထဲၩ့လၩ့ထဲၩ့လၧအဝ့ၫၥံၪအၥိၭ လၧခိၪလီၩ့တၭ, ဆၧၫ့ထုၪ့ဝ့ၫလၧဆၧဒၩဖၧၩ့ အီၪလၧအထံၩအဖျဲလ ဒီၪ့, ဒဲၦလၧခးယုဒၫထၧၫ့ခးယၫ,ဒဲလၧယရုစလံၫ့ဒဲလၧမၫဆမံၭနဲၩ့, ဘူၭလၧတဲအၫ ဒဲစဲဒၧၫ့ၥံၪ အၡၩခမျၧးဖၭဒိၪ လၧအဂဲၫဝ့ၫဘဲၫၥိၭအမိနါဂၧၫ့အလူ,ဒဲဘဲၫၥိၭအဆၧဆၫမိဘျၪထဲၩ့ဝ့ၫ,- ၦလၧအဘၪဆၧမၩထံၬထၬဝ့ၫ လၧဆၧနၪစံၪစၪလဖၪနီၪ, အဝ့ၫဒၪမၩဘျၪထဲၩ့အဝ့ၫၥံၪလီၫ.- ၦခမျၧးထီးအလူၬအၪ့ဂူၬထိၭဘၪ အဝ့ၫဒၪလီၫ. အဂဲးဘဲၫယီၩ အစီၩ့အမၩ့စဲၪ့ထၪ့ခွံၬ လၧအလီၩ့တၭ, မၩဘျၪထဲၩ့ဝ့ၫကိၭဂၩဒ့ၭလီၫ.