ယ့ၫၡုၬမွဲဖၧၩ့ၥၭလၧအၥိၫ့ပၧၩလၧဖါအီၪ.

နၥံၪဝ့ၫဒၪယီၩ ထီးၥုၪ့ခိၥၭဝီၩလဂ့ၩ, နဲၩထဲၩ့ယွၩတၭ, နဲၩထဲၩ့ယၧၩဆ့ဆံၭ.- လၧယဖါအီၪဝ့ၫအလးနီၪ, နီးလဖၪအီၪဝ့ၫအၪစီၪ့လီၫ. အ့ၪလမွဲဘၪဘဲၫနီၪ, ယလီၩဘၪယူၭနၥံၪယူၭတၭ, မွဲလၧယလ့ၩတဲၩ့ဝဲၩ နၥံၪအလးလစီၪ့အကၠီၩ့လီၫ.- ယအ့ၪလ့ၩတဲၩ့ဝဲၩ နၥံၪအလးလစီၪ့နီၪ, ဘဲၫၥိၭနၥံၪမိအီၪဘၪထီးယအီၪ အလးနီၪ ယမိဂဲၫထဲၩ့ဒီၭတၭ, မၩန့နၥံၪလၧယအီၪလီၫ.- ထီးဒၪယလ့ၩဆၧလစီၪ့နီၪ, မွဲနၥံၪၥ့ၪယၫဒဲဖၧၩ့ၥၭနီၪနၥံၪၥ့ၪယၫဆ့လီၫ.

စထီမၭစံၭဝ့ၫ, ကဆါဧ့, မွဲနလ့ၩခီၫခီၫလဲၪနီၪ ပလၥ့ၪယၫဘၪတၭ, မွဲပၥ့ၪယၫဖၧၩ့ၥၭနီၪ မိၥ့ၪဘဲၫၥ့ၪလဲၪ. ယ့ၫၡုၬစံၭဆၧၫ့ဝ့ၫ, ယဝ့ၫဒၪယီၩ ယမွဲဖၧၩ့ၥၭ, ဒဲဆၧမွဲဆၧတီၩ, ဒဲဆၧမၧၫ့လီၫ. အ့ၪလမွဲဘၪလၧယၧၩယီၩ ၦထီၩ့လၧဖါအအီၪနးဂၩအ့ၬ.