ယ့ၫၡုၬချဲၩ့ဆၧဘၪဆဲၫ့အဆၧဘၪထိးဆၧၡၪ့ ဒဲအဆၧၥံၫ.

ယ့ၫၡုၬစံၭဝ့ၫႇ ၦၡၩအဖိၪခွၫယီၩ မိဘၪဆၧအၪမံၩ့တၭႇ မိဘၪဆၧခွံၬၡိၭခွံၬဝ့ၫ လၧၦၥုၪ့က့ၭၥၭၡါၥံၪႇ ဒဲလၧၦလုဆၧအဒိၪၥံၪႇ ဒဲလၧၦကွ့ၭလံၬၥံၪအစူၪဖၧၩ့တၭႇ မိဘၪဆၧမၩၥံၫဝ့ၫတၭႇ လၧၥၧၫ့နံၩလနံၩနီၪႇ မိဂဲထုၪ့ထဲၩ့ဝ့ၫလီၫ.- အဝ့ၫဒၪစံၭၦထီးအလူၬႇ ၦအ့ၪမိဖိၬဘၪအၥၭ လၧယခဲၫ့လဂၩဂၩနီၪႇ မွဲအခွံၬၡိၭခွံၬအၥၭဒၪဝ့ၫႇ မၩန့အထုၪ့စူၪယၫ ကိၭမုနံၩမုနၩဒ့ၭတၭႇ ဖိၬယခဲၫ့ဆံၭ.
အဂဲးဘဲၫယီၩ ထီးဒၪၦလၧ အမိထိးထဲၩ့တၩ့ထဲၩ့ဘၪအၥၭ လၧအၥၭမၧၫ့လဂၩဂၩနီၪႇ အၥၭမၧၫ့မိလၩ့မါခွံၬဝ့ၫဒၪလီၫ. ထီးဒၪၦလၧအၥၭမၧၫ့ အ့ၪလၩ့မါခွံၬဝ့ၫလၧ ယကၠီၩ့လဂၩဂၩနီၪႇ အဝ့ၫဒၪမိထီၩ့လၧ ဆၧထိးထဲၩ့တၩ့ထဲၩ့ဝ့ၫလီၫ.
အဂဲးဘဲၫယီၩ ၦလဂၩအ့ၪန့ဘၪလါနၫ့ ဂၪ့ခိၪထၧၫ့ဖျိၪ့ယၫနီၪႇ အနၫ့ဆါဒၪဝ့ၫအ့ၪလၩ့မါမွဲဂ့ၩႇ ဘၪဆၧဂၭဂီၩ့ဂၭစၪမွဲဂ့ၩႇ မွဲအန့ကၩဆၧနီၪလမံၩ့လဲၪ.