ယ့ၫရှူၬယၫ့ၥၭၦခမျၧးလဖၪ.

ထီးအဝ့ၫၥံၪ စဲၪ့ထၪ့ဝ့ၫအဘိၩ့ဘၭနီၪ, ယိခွါ, ၦဂဲၫဂဲၫဆိၬၦအုၭအၭ လၧဆၧနၪအီၪလၧအလီၩ့လဂၩလၧအအီၪ,- ထီးအနၫ့ထၪ့ခွံၬဆၧနၪတၭ, ၦအုၭအၭနီၪ ချဲၩ့ထၪ့ထဲၩ့ဆၧလီၫ. ၦခမျၧးထီၫမံၫထီၫမၪတၭ, စံၭဝ့ၫဒၪ, ဆၧဒၪဘၪဆၧဘဲၫယီၩၥိၭ လၧအံၫစရ့လၭအကျၩနးဆိၭအ့ၬ.- အ့ၪမွဲၦဖၫရစံၫလဖၪစံၭဝ့ၫဒၪ, မွဲအနၫ့ထၪ့ခွံၬ ဆၧနၪလၧဆၧနၪ အခိၪလဂၩအကၠီၩ့လီၫ.
ယ့ၫရှူၬစဲၪ့ဝံၩ့ဝၩ့ကိၭဒိၩ့ကိၭတဝၫ့တၭ, ၥီၪ့ထဲၩ့ဆၧလၧအဝ့ၫၥံၪ အၥရိၬဖၧၩ့တၭ, လီၩလၩ့လၬလၩ့ ဘၩ့မုးအဆၧၥၭထိၬအပရၧၫ့တၭ, မၩဘျၪထဲၩ့ကယဲဆၧဆၫ, ဒဲဆၧဆီၫ့ကိၭဆီၫ့ကဲၩ့ထီးအလူၬလီၫ. အဝ့ၫနီၪဒၪဘၪၦခမျၧးတၭ, ယၫ့ၥၭဝ့ၫလီၫ. အဂဲးဘဲၫယီၩ ၦလဖၪနီၪ လၩ့ပွံၭလၩ့ထၩ့တၭ, လၩ့မုလၩ့ဖၭဝ့ၫ ဘဲၫၥိၪလဖၪလၧ ၦလအီၪယူၬဘၪဝ့ၫအၥိၭနီၪလီၫ.- ထီးနီၪလဖၧၫ့ အဝ့ၫဒၪစံၭအထံၩအဖျဲၥံၪ, ကူၭဆၧအလး အီၪအၪမၬတၭ, အ့ၪမွဲၦမၩဆၧလဖၪနီၪ အီၪၡၩဂၩလီၫ.- မၩအၥၭဘဲၫနီၪတၭ, ဘၩဆိၪဖၪအၪ့ကံၩ့ကူၭဆၧအလးအကဆါ, ဘဲၫၥိၭအမိအၪ့မၧၫ့လၩ့ ၦမၩဆၧလဖၪ လၧကူၭဆၧအလးအဖၧၩ့နီၪဆံၭ.