ယ့ၫရှူၬဘၪဆၧကျဲၩ့ဖစီၩ့.

ထီးနီၪလဖၧၫ့ ၥၭမုနီၪလ့ၩၥိၫ့နုၬယ့ၫရှူၬ လၧမံၩ့လၬကျၩဘဲၫၥိၭအမိဘၪဆၧကျဲၩ့ဖစီၩ့ လၧမုၪခီၩလဲးလီၫ.- ဒုၪဆၧအၪ့ဆၧအီၩ အနံၩလံဆံၫအနၩလံဆံၫတၭ, လၧခဲၫ့ထဲၩ့ၥၭဝံအၥၭလီၫ.- ၦကျဲၩ့ဖစီၩ့ဆၧ လဂၩဂဲၫလၧအအီၪတၭ, စံၭဝ့ၫဒၪ, နအ့ၪမွဲယွၩအဖိၪခွၫတၭ, ဘဲၫၥိၭလိးလဖၪယီၩ မိကဲၪထၪ့ကိၪအလီၪ့ၥံၪ, ချဲၩ့ထၪ့ဘီၪ.- အဝ့ၫဒၪချဲၩ့ဆၧၫ့ဝ့ၫတၭ, စံၭဝ့ၫဒၪ, ဆၧကွ့ၭအၥၭ, ၦၡၩမိမၧၫ့ဝ့ၫန့ၫလၧကိၪလမံၩ့မွဲအ့ၬ, မွဲထီးဒၪဆၧချဲၩ့လၧအဂဲၫထၪ့ လၧယွၩအနိၭဖၧၩ့ကိၭထံၪဒ့ၭလီၫ.
ထီးနီၪလဖၧၫ့ မုၪခီၩလဲးလ့ၩၥိၫ့ဝ့ၫလၧဒိၩ့ဆံၫ့ဎံၪအဖၧၩ့တၭ, အီၪက့ၪထၪ့ဝ့ၫ လၧဆၧလုဂံၪ့အခိၪစီၪ့နီၪလီၫ.- စံၭဝ့ၫဒၪ, နအ့ၪမွဲယွၩအဖိၪခွၫတၭ, ခွံၬလၩ့နၥၭဘီၪ. အဂဲးဘဲၫယီၩ, ဆၧကွ့ၭအၥၭ, လၧဆၧမိမၪလူၬအၥီၫ့ၥံၪလၧနဂဲး, ဒဲအဝ့ၫၥံၪမိဆိၬနၧၩလၧအစူၪလီၩ့, ဘဲၫၥိၭနခၪ့ထီးဘၪထံၭလၧလိးလဂ့ၩလီၫ.
ယ့ၫရှူၬစံၭအဝ့ၫဒၪ, ဆၧကွ့ၭဒီၭအၥၭ, ယွၩနကဆါ နီၪ, ထီးကျဲၩ့ဖစီၩ့ဘၪအဝ့ၫလဂ့ၩ.
မၩဒီၭလဖၧၫ့ မုၪခီၩလဲးလ့ၩၥိၫ့ထၪ့ဝ့ၫ လၧခိၪလီၩ့ထီၫထီၫလ့ၬလဖျိၪ့အလီၩ့တၭ, ဒုၭနဲၪဘၪဝ့ၫလၧ ကယဲဘၩ့ၥံၪမုးၥံၪလၧဂၪ့ခိၪချိၫ့ယီၩ, ဒဲအလၩအဖၩ့နီၪ,- စံၭဝ့ၫဒၪ, နအ့ၪထွံၩလၩ့ဘိၪ့ထၪ့ဘၩထၪ့ယၧၩ တၭ, ယမိဖ့ၪလၫ့နၧၩ ကယဲဆၧနီၪလဖၪထီးအလူၬလီၫ.- ထီးနီၪလဖၧၫ့ ယ့ၫရှူၬစံၭဝ့ၫဒၪ, မုၪခီၩလဲးဧ့, စဲၪ့ထၪ့ခွံၬလၧယလးခဲၫ့ဆံၭ. အဂဲးဘဲၫယီၩ ဆၧ ကွ့ၭအၥၭ,ယွၩနကဆါနီၪ, နဘၪဘိၪ့ထၪ့ဘၩထၪ့ အဝ့ၫတၭ, န ဘၪ မၩ န့ၫ အ ဝ့ၫ နီၪ လ ဂၩ အ ဆၧ လီၫ.- ထီးနီၪလဖၧၫ့ မုၪခီၩလဲးစဲၪ့ဒၪခွံၬဝ့ၫတၭး ယိခွါ, အၥီၫ့ၥံၪဂဲၫမၩအခ့ၫအၡၩအဆၧမၩလၧအဂးလီၫ.