မွဲပလၫအဒိၪထုၬလဲၪ.

အဝ့ၫၥံၪစဲၪ့ထၪ့ခွံၬထီးနီၪ, လ့ၩခၫ့ဂၬခွံၬဂၫလလံၫတၭ, မိဒုၭၥ့ၪယၫဘၪအၥၭ လၧၦနးဂၩအ့ၬ.- အဂဲး ဘဲၫယီၩၥီၪ့ထဲၩ့ၥၫ့ထဲၩ့ အထံၩအဖျဲၥံၪတၭ, လီၩဘၪဝ့ၫလၧၦၡၩအဖိၪခွၫ မိဘၪဆၧဖ့ၪလၫ့ခွံၬဝ့ၫလၧၦၡၩ အစူၪဖၧၩ့တၭ, အဝ့ၫၥံၪမိမၩၥံၫအဝ့ၫလီၫ. ဘၪဆၧမၩၥံၫဝ့ၫအလးခဲၫ့ၥၧၫ့နံၩလနံၩတၭ မိဂဲထုၪ့ထဲၩ့ဝ့ၫလီၫ. အဆၧချဲၩ့လထံၪနီၪ အဝ့ၫၥံၪနၪဝ့ၫလၥ့ၪဘၪလါနၫ့, အၪ့စၪ့ဝ့ၫဘုၪ့အ့ၬ.

အဝ့ၫၥံၪလ့ၩထီၩ့လၧကပၧနအၫ့နီၪ, အီၪလၧဂံၪ့ဖၧၩ့တၭ, အၪ့စၪ့ၦလဖၪနီၪ, နၥံၪအီၪလၧဖၧၩ့ၥၭတၭ, မွဲနၥံၪတ့ၭလိၬနၥံၪအၥၭလၧဆၧနီၪအဂဲးလမံၩ့လဲၪ. အဝ့ၫၥံၪအီၪလၩ့မါပံၭလီၫ. အဂဲးဘဲၫယီၩမွဲပလၫမိ ကဲၪအဒိၪထုၬနးဂၩအဂဲးနီၪ, တ့ၭလိၬအၥၭလၧဖၧၩ့ၥၭနီၪလီၫ.- 
အဝ့ၫဒၪဆၧၫ့နၩ့ဝ့ၫတၭ, ကိၭန့ၦလဆံၫနံၫဂၩတၭ, စံၭအဝ့ၫၥံၪ, ၦအ့ၪမိကဲၪဘၪအၥၭလၧအ ခိၪလဂၩဂၩနီၪ, မိဘၪကဲၪဝ့ၫလၧၦအဆံၭထုၬ လၧၦထီးအလူၬအကျၩ, ဒဲၦထီးအလူၬအခ့ၫအၡၩလီၫ. မၩန့ဖိၪၥၪလဂၩတၭ, အီၪက့ၪလၩ့ဝ့ၫလၧအၥၭကျၩတၭ, ဖိၭဂိၫ့ထၪ့ဝ့ၫလၧအစူၪတၭ,စံၭအဝ့ၫၥံၪ,- ထီးဒၪၦလၧအထိးဆၧၫ့ဖိၪၥၪ ဘဲၫယီၩလဂၩလၧယမံၩ့ အကၠီၩ့လဂၩဂၩနီၪ, မွဲအထိးဆၧၫ့ယၧၩလီၫ. ထီးဒၪၦလၧအထိးဆၧၫ့ယၧၩလဂၩဂၩနီၪ, မွဲလထိးဆၧၫ့ဘၪ ယၧၩ, အ့ၪမွဲထိးဆၧၫ့ၦလၧအအၪ့မၧၫ့လၩ့န့ယၧၩလဂၩနီၪလီၫ.