ဘဲၫၥိၭကယဲၦလၧ အနဲၩထဲၩ့ဝ့ၫလဂၩလါလါနီၪ မိန့ဘၪဆၧမၧၫ့လၩ့ ဆိၩလၩ့ကၠၪလီၫ.-

ယစံၭနၥံၪယီၩ နၥံၪဘၪအီၪဖျဲၪ နးဖၧၫ့ဒီၭတၭ ထီးဆီၫ့မီၪ့လၩ့လၭ လၧနၥံၪအၥၭလ ဂ့ၩ.- ဆၧလၧလံၩယီၩ ထီးဒၪအမိအူၪဘၪအၥၭလၧ ဆၧနးစီၪ့နီၪ အူၪဝ့ၫဒၪလီၫ. နနါဂၧၫ့လါနၫ့အၥီၫတၭ မွဲအဂဲၫခီၫခီၫလဲၪလ့ၩခီၫခီၫလဲၪနီၪ နၥ့ၪယၫအ့ၬ. ကယဲၦအီၪဖျဲၪဝ့ၫလၧၥၭမုယီၩ မၩအၥၭဘဲၫနီၪ ၥိၭကိၭဂၩဒ့ၭလီၫ.- စနံၭကဒံမၧၭချဲၩ့ဆၧၫ့ဆၧတၭ စံၭ အဝ့ၫ ဆၧယီၩလဖၪ မၩအၥၭမိၥ့ၪဘဲၫၥ့ၪလဲၪ.- ယ့ၫ ၡုၬချဲၩ့ဆၧၫ့ဆၧတၭ စံၭအဝ့ၫ နဝ့ၫဒၪယီၩ နမွဲမၬ ဆရၫလၧအံၫစရ့လၭဖိၪအကျၩတၭ ဆၧယီၩလဖၪ  မွဲနၥ့ၪယၫအ့ၬဧၪ.- ယလီၩဘၪနၧၩတီၩတီၩလီၩ့လီၩ့ယီၩ ပလီၩလၩ့လၬလၩ့ဆၧ လၧပၥ့ၪယၫပဝ့ၫ ပထိးပၥၭလၧဆၧ လၧပဒၪဘၪပဝ့ၫတၭ ပဆၧထိးပၥၭနီၪ နၥံၪထိးဆၧၫ့အ့ၬ.- ဆၧလၧအဘၪဆဲၫ့လၧဂၪ့ခိၪလဖၪ နီၪ ယအ့ၪလီၩဘၪတၭ နၥံၪလနဲၩဘၪနီၪ ဆၧလၧအ ဘၪဆဲၫ့လၧမူၭခိၪလခီၫ ယအ့ၪလီၩဘၪတၭ, မွဲနၥံၪမိ နဲၩဘဲၫၥ့ၪလဲၪ. ၦၡၩလ့ၩထၪ့ လၧမူၭခိၪနးဂၩအ့ၬ. လ့ၩထၪ့န့ၫ ၦလၧအဂဲၫလၩ့လၧမူၭခိၪၦၡၩအဖိၪခွၫလၧအအီၪဝ့ၫ  လၧမူၭခိၪအဖၧၩ့လဂၩယီၩလီၫ.- ဘဲၫစမိစ့ၭဘီၩ့ထၪ့ ဂူလၧၡါမုနၧၫ့ဖၫအၥိၭနီၪ ၦၡၩအဖိၪခွၫယီၩ မိ ဘၪဘီၩ့ထၪ့အၥၭ ဘဲၫနီၪအၥိၭ ဘဲၫၥိၭကယဲၦလၧ အနဲၩထဲၩ့ဝ့ၫလဂၩလါလါနီၪ မိန့ဘၪဆၧမၧၫ့လၩ့ ဆိၩလၩ့ကၠၪလီၫ.-

 

Add new comment

9 + 4 =