ဆၧအၪ့စၪ့ဘၪဆဲၫ့ဆၧဒုၪဆၧအၪ့

ထီးနီၪလဖၧၫ့စယီဟၫ့အထံၩအဖျဲၥံၪ ဂဲၫလၧအအီၪတၭ, စံၭဝ့ၫ,မွဲဘၪနီၫလၧပဝ့ၫဒဲၦဖၫရစံၫလဖၪ ဒုၪဆၧ အၪ့ဆၧအီၩအၪဘျၩ့အၪဘျၩ့တၭ, နထံၩနဖျဲလဖၪ လဒုၪဘၪဆၧအၪ့ဆၧအီၩလဲၪ.- ယ့ၫရှူၬလီၩဘၪဝ့ၫ, ဆၧ လၧတလၭမူၭအဖျဲယီၩ, ထီးတလၭမူၭအခွၫအီၪလၧ အၥိၭအဘိၩ့ဘၭတၭ, အၥုၪ့အုၭအၥၭအုၭဘၪမိၥ့ၪဆ့ဧၪ. မွဲလါနၫ့ဘိၩအနံၩအၥၫ့မိဘၪ လၧဆၧမိထုၭလၩ့ဖၭတလၭမူၭအခွၫလၧအအီၪလီၫ. ထီးနီၪလဖၧၫ့ အဝ့ၫၥံၪမိဒုၪဆၧအၪ့ဆၧအီၩလီၫ.- ဆၧကီၩ့ဆၧၥိၭအလးလံၩနီၪ ၦလဆၭဒၭဘၪလၧအၥၫ့နးဂၩတၭ, အ့ၪမၩဝ့ၫဘဲၫနီၪ,ဆၧအၥၫ့ၡၫ့ယၬဝ့ၫ, အဖၧၩ့လးယၬလဲထၪ့ဝ့ၫလီၫ.- ဆၧလၧထိၪ့ဆၧဖံၭအလးလံၩအဖၧၩ့နီၪ ၦလူၫနုၬဝ့ၫစဘံၭထံၫအၥၫ့အ့ၬ. အ့ၪမၩဝ့ၫဘဲၫနီၪတၭ, ထိၪ့ဆၧဖံၭနီၪဖီးဖၭဝ့ၫတၭ, စဘံၭထံၫလၩ့ ယွၩခွံၬ,ဒဲထိၪ့ဆၧဖံၭဂၭဂီၩ့ဝ့ၫလီၫ. အ့ၪမွဲစဘံၭထံၫအၥၫ့နီၪ ၦလူၫနုၬဝ့ၫ လၧထိၪ့ဆၧဖံၭအၥၫ့အဖၧၩ့တၭ, အီၪဒၪအဆၧနံၫမံၩ့လူၬလီၫ.