ဆၧအုၩ့လၩ့ဒဲဆၧမီၪ့ဘံၭဎရံၬ.

အဖျဲအီၪလၧအဆရၫအဖၫ့ခိၪအ့ၬ. အဎီးအၡၩအီၪလၧ အကဆါအဖၫ့ခိၪဆ့အ့ၬ.- အဖျဲအ့ၪအီၪ ဘဲၫအဆရၫအၥိၭတၭ, အဎီးအၡၩအ့ၪအီၪ ဘဲၫအကဆါအၥိၭနီၪဘၪယူၭ. ၦအ့ၪကိၭဂံၪ့ကဆါ လၧဘၫအလၭဇဘၧၭတၭ, မိကိၭၦဂံၪ့ဖိၪနၭနဲၪ့အနီၪဆံၭအၪလဲၪ.
မၩအၥၭဘဲၫနီၪတၭ, ထီးၥၭမဲၪအဝ့ၫၥံၪလဂ့ၩ. အဂဲးဘဲၫယီၩ ဆၧလၧအဘၪဆၧချႃၬဘံၭထၬနီၪ ဆၧ လမၩဖျီၪထၪ့ဘၪဝ့ၫ အီၪနးမံၩ့အ့ၬ. ဆၧလၧအအီၪၥူၪနီၪ, ဆၧလဒုၭၥ့ၪယၫဘၪဝ့ၫ အီၪနးမံၩ့အ့ၬ.- ဆၧ လၧယလီၩဘၪနၥံၪလၧဆၧခံၭကျၩယီၩ, လီၩဘၪထဲၩ့ လၧဆၧဖၩ့အကျၩဆံၭ. ဆၧလၧနၥံၪဂၧၫ့ဘၪ လၧနၥံၪအနါဖၧၩ့, လီၩဘၪလၧဂံၪ့ခိၪအဖၫ့ခိၪဆံၭ.- ၦလၧအမၩၥံၫၦနးခီၫ့တၭ, မၩၥံၫၦၥၭၡီၩ့လၥ့ၪဘၪနီၪ, ထီးၥၭမဲၪလဂ့ၩ, အ့ၪမွဲၦလၧအမၩဂၭဂီၩ့ၦၥၭၡီၩ့ ဒဲၦ  နးခီၫ့လၧလရၬဖၧၩ့ၥ့ၪလဂၩနီၪ, ၥၭမဲၪအဝ့ၫဒၪအၪနဲၪ့အနီၪဆံၭ.
ၦအၪ့ဆၫခွံၬထိၪဎွံၭနံၫဘံၪ့ လၧထီးလဘံၪ့အဂး မွဲအ့ၬဧၪ. နၥံၪအဖါလအီၪဘၪတၭ, လၩ့ထ့ၬဝ့ၫလၧဂၪ့ခိၪနးဘံၪ့အ့ၬ.- နၥံၪအခိၪၥူၫလဘီၩ့နီၪဒၪလ့ၬ ဘၪဆၧဝံထၪ့နၬထၪ့ဝ့ၫထီးအလူၬလီၫ.-  မၩအၥၭဘဲၫနီၪတၭ, ထီးၥၭမဲၪဆၧလဂ့ၩ, နၥံၪဂ့ၩနဲၪ့ ထိၪဎွံၭအၪဘံၪ့ဒံၭလီၫ.
မၩအၥၭဘဲၫနီၪတၭ, ကယဲၦလၧအအုၩ့လၩ့ယၧၩ လၧၦၡၩၥံၪအမ့ၬယၫလဂၩဂၩနီၪ, ယမိအုၩ့လၩ့အ ဝ့ၫနီၪ လၧယဖါအီၪလၧမူၭခိၪအမ့ၬယၫဆ့လီၫ. အ့ၪမွဲထီးဒၪၦလၧအမီၪ့ဘံၭယၧၩ လၧၦၡၩၥံၪအမ့ၬယၫ လဂၩဂၩနီၪး ယမိမီၪ့ဘံၭအဝ့ၫနီၪ လၧယဖါအီလၧမူၭခိၪအမ့ၬယၫဆ့လီၫ.