ဆၧလ့ၩၥိၫ့ယ့ၫရှူၬလၧဆၧလုဂံၪ့ဖၧၩ့.

ထီးအဝ့ၫၥံၪၥူၫဝၭဆံၫ့ဆၧအမုနံၩလဖၪ လၧၫ့ထၪ့ဎွ့ၩထၪ့ဝ့ၫႇ ဘဲၫစမိစ့ၭအဆၧမၪလူၬအၥိၭနီၪႇ အဝ့ၫၥံၪလ့ၩဆိၬဝ့ၫ လၧယရုစလံၫ့ ဘဲၫၥိၭအမိအီၪက့ၪဝ့ၫ လၧကဆါအမ့ၬယၫႇ-

(ဘဲၫဆၧကွ့ၭအၥၭ လၧကဆါအဆၧၥီၪ့ဆၧၥၫ့အဖၧၩ့အၥိၭႇ) က ယဲ ၦ ခွၫ လၧ အ ဝဲ ထၪ့ ဆိၫ ဆၧ ဒၧၩ့ လး လ ဂၩ လါ လါ မိ ဘၪ ဆၧ ကိၭ ဝ့ၫ လၧ ဆၧ ဆံၫ့ ဎံၪ လၧ က ဆါ အ ဂးႇ- ဒဲ လု ထၪ့ ဆၧ ဘဲၫ ဆၧ စံၭ ဝ့ၫ လၧ က ဆါ အ ဆၧ ၥီၪ့ ဆၧ ၥၫ့ အ ဖၧၩ့ အ ၥိၭ နီၪႇ ထိၪ လွံ နံၫ ဘံၪ့ႇ အ့ၪ လ မွဲ ဘၪ တၭႇ ကၪ ကဲၪ ဖိၪ နံၫ ဘံၪ့ လီၫ.

ယိခွါႇ ၦကိၭဝ့ၫအမံၩ့လၧ စစံမအၧၫ့လဂၩ အီၪဝ့ၫလၧယရုစလံၫ့အဖၧၩ့လီၫ. ၦလဂၩနီၪ မွဲအတီၩအလီၩ့ႇ ဒဲအယူၭယၪ့ယွၩတၭႇ ယိလါဝ့ၫလၧအံၫစရ့လၭ အဆၧမၩမုၬဝ့ၫအဖၧၩ့ၥၭတၭႇ ၥၭမုဆံၫ့ဎံၪအီၪလၧအလီၩ့လီၫ.- ၥၭမုဆံၫ့ဎံၪဒုၭနဲၪဝ့ၫလၧ အလချႃၭဒၪဒံၭဘၪဆၧၥံၫတၭႇ မိဒၪဘၪအကဆါအဎရံၬနီၪလီၫ.-

ၥၭမုအီၪလၧအလီၩ့အဘိၩ့ဘၭနီၪ လ့ၩနုၬဝ့ၫလၧဆၧလုအဂံၪ့ဖၧၩ့တၭႇ အမိအဖါဂဲၫဆိၬဖိၪၥၪယ့ၫၡုၬနီၪႇ ဘဲၫၥိၭအမိမၩဝ့ၫလၧအဂး ဘဲၫဆၧမၪလူၬ အထူၫအရူၫအီၪဝ့ၫအၥိၭနီၪႇ လ့ၩနုၬဝ့ၫတၭႇ- အဝ့ၫဒၪ ဆိၬထၪ့ဝ့ၫလၧအစူၪလီၩ့ႇ စံၭထၪ့အၪ့အူၭယွၩႇ စံၭဝ့ၫႇ-

ကဆါဧ့ႇ ဘဲၫနလူအၥိၭနီၪႇ ဘိၩ့နဲၪ့ယီၩ ကွဲၪဖျါနဎီးနၡၩယီၩမုၬမုၬဆံၭ.- အဂဲးဘဲၫယီၩ ယမ့ၬဒၪဘၪယူၭ နဆၧထိးထဲၩ့တၩ့ထဲၩ့ႇ- လၧနတဲၩ့ဝဲၩဝ့ၫ လၧၦထီးအလူၬအမ့ၬယၫႇ- ဆၧဖၩ့လဖျိၪ့လၧ အဖၩ့ထၪ့ဝ့ၫလၧ ၦဆၨၩလဖၪအဂးႇ ဒဲနခ့ၫနၡၩၦအံၫစရ့လၭဖိၪ အလၩအဖၩ့ယူၭလီၫ.

မွဲဆၧလၧအချဲၩ့ဝ့ၫလၧအဂဲးတၭႇ အမိႇ  ဒဲစယိၥၭ ထီၫမံၫထီၫမၪလီၫ.

စစံမအၧၫ့ဆိၪဂ့ၩအဝ့ၫၥံၪတၭႇ လီၩဘၪအမိနးမၫရံၫႇ ယိခွါႇ - ဘဲၫၦၡၩအၪဂၩ အဆၧကိၪ့ထၪ့ဖၭလၩ့ မိအီၪဖျီၪတၭႇ အဝ့ၫလဂၩယီၩ ဘၪဆၧအီၪက့ၪလၩ့ဝ့ၫ လၧၦအံၫစရ့လၭဖိၪအၪဂၩ အဆၧလၩ့ထံၩဖါအလးႇ ဒဲဂဲထုၪ့ထဲၩ့အလးႇ ဒဲၦစံၭအၧၩ့အလးတၭႇ နၭလဘံၪ့မိဆ့ၭဖျီၫ့ နၥၭဒၪနဝ့ၫဆ့လီၫ.

ၦလၧစအၭၡၧၫအဒီၪ့အကျၩ စဖၪ့နုၫအ့လၭအဖိၪမုၪ မီၪနးအၫ့နၫအီၪဝ့ၫလဂၩတၭႇ လၧအမုၪနၩ့အလးခဲၫ့နီၪ အီၪဎုၬဘၪလၧအဝၩနွ့ၫနံၪ့ႇ အၥၭၡါက့ၭယူၭလီၫ.- မွဲၦမုၪမဲၫဝ့ၫနီၪႇ အနံၪ့ဎိၭဆံၫလံနံၪ့ကၪယူၭတၭႇ ဒုၪဆၧအၪ့ဆၧအီၩႇ ဒဲဘၩဆိၪဖၪဆၧတၭႇ မၩယွၩအဆၧလၧမုနၩနၩႇ မုဆၫဆၫတၭႇ စဲၪ့ဖၭလၧဆၧလုအဂံၪ့ဖၧၩ့အ့ၬ.- ထီးအဆၧၫ့အထီနီၪ ဂဲၫနုၬဝ့ၫတၭႇ စံၭထၪ့အၪ့အူၭကဆါတၭႇ လီၩဘၪအဝ့ၫဒၪ အဂဲးအကၠီၪ့ လၧၦလၧအယိလါဆၧထိးထဲၩ့တၩ့ထဲၩ့ အဖၧၩ့ၥၭ လၧယရုစလံၫ့အဖၧၩ့ထီးအလူၬလီၫ.

ဆၧဂဲၫထဲၩ့ထဲၩ့လၧဒိၩ့နၭဇရ့ၭ.

ထီးအဝ့ၫၥံၪ မၩဝ့ၫဘဲၫယွၩအဆၧၥီၪ့ဆၧၥၫ့အီၪဝ့ၫအၥိၭနီၪႇ ထဲၩ့ထဲၩ့ဝ့ၫလၧ အဒိၩ့ဒၪဝ့ၫနၭဇရ့ၭ လၧခးဂၫလလံၫအဖၧၩ့လီၫ.- ဖိၪၥၪနီၪဒိၪထၪ့ဝ့ၫ ဒဲအၥၭဆီၪ့ထၪ့တၭႇ လၧၫ့ဎွ့ၩဝ့ၫလၧဆၧကိၪ့ၥ့ၪနီၪႇ ယွၩအခိးအတၩအီၪ လၧအလီၩ့လီၫ.