ဆၧချဲၩ့ဒီၩ့လၩ့ဘၪဆဲၫ့ဘုၪထိၪၡၬ.

အဝ့ၫဒၪအီၪက့ၪလၩ့ဆၧချဲၩ့အဒီၩ့လၧအဂူၫဂၩလမံၩ့ လၧအဝ့ၫၥံၪအဂးတၭ, စံၭဝ့ၫဒၪ, မူၭခိၪအဘၩ့ အမုးယီၩ, မၩအၥၭဘဲၫၦလဂၩဎွံၪဆၧချံၫဂ့ၩ လၧအဆံၬဖၧၩ့အၥိၭနီၪလီၫ.- ထီးၦမံၫမၪဝ့ၫအဘိၩ့ဘၭတၭ, အဒုၪအဒၩလဂၩဂဲၫဎွံၪဘုၪထိၪၡၬ လၧဘုၪအကျၩတၭထဲၩ့ဝ့ၫလီၫ.- 
ထီးအမဲၪထၪ့ဝ့ၫတၭ, အၥူၪအၥၪဖျိၬထၪ့ဝ့ၫတၭ, ဘုၪထိၪၡၬ ဖျီၪထၪ့ဆ့လီၫ.- ဂံၪ့က ဆါအဎီးအၡၩလဖၪ လ့ၩလၧအအီၪတၭ, စံၭဝ့ၫဒၪ, ကဆါဧ့, နဎွံၪဆၧချံၫဂ့ၩလၧနဆံၬဖၧၩ့မွဲအ့ၬဧၪ, မၩ အၥၭဘဲၫနီၪတၭ, ဘုၪထိၪၡၬနီၪ မွဲအဂဲၫထၪ့ဝ့ၫခီၫခီၫလဲၪ.- အဝ့ၫဒၪစံၭအဝ့ၫၥံၪ, အယီၩလမံၩ့မွဲဒုၪဒၩလဂၩမၩဝ့ၫလီၫ. အဎီးအၡၩစံၭဝ့ၫ, ပမိလ့ၩထ့ၭန့ခွံၬဆၧနီၪ, မွဲအဘၪနၥၭဆ့ဧၪ.- အဝ့ၫနီၪစံၭဝ့ၫဒၪ, မွဲအ့ၬ, နၥံၪထ့ၭထၪ့ခွံၬဘုၪထိၪၡၬ အဘိၩ့ဘၭနီၪ, ဘၪလဘၪ နၥံၪမိထ့ၭန့ဎုၬဘၪဘုၪဆ့လီၫ.- မွဲအဒိၪထၪ့ဎုၬဒၪဝ့ၫနံၫမံၩ့လူၬ ထီးကူၭဘုၪအထီဆံၭ. 
ထီးအဘၪကူၭဘုၪအထီနီၪ, ယမိလီၩဘၪၦကူၭဆၧလဖၪ, အၪ့ထုၫ့ကီၪ့ဆိၫဒၪခလူၬ ဘုၪထိၪၡၬတၭ, ကၭထူလၧအဘၪဆူၭထၪ့ခွံၬလၧမ့ၪအဂးဆံၭ. အ့ၪမွဲဘုၪနီၪ လူၫကီၪ့ထဲၩ့ဝ့ၫလၧယဖၫ့ဖၧၩ့ဆံၭ.