ဆၧချဲၩ့ဒီၩ့လၩ့ဘၪဆဲၫ့ဖိၪခွၫနံၫဂၩ.  

မွဲနၥံၪဆီၫ့မီၪ့နၥံၪဝ့ၫဘဲၫၥ့ၪလဲၪ. ၦလဂၩ အဖိၪ ခွၫအီၪနံၫဂၩတၭ, ဂဲၫဝ့ၫလၧအခၪ့ထံၭလဂၩအအီၪ နီၪ,စံၭဝ့ၫဒၪ, ဖိၪခွၫဧ့, လ့ၩမၩဆၧလၧယစဘံၭအလးဖၧၩ့လနံၩယီၩဆံၭ.- အဝ့ၫဒၪချဲၩ့ဆၧၫ့ဆၧတၭ, စံၭဝ့ၫဒၪ,ယလ့ၩအ့ၬ. မွဲလါနၫ့ဘိၩ, လၧခဲၫ့ထဲၩ့နၪ့လၩ့ အၥၭတၭ, လ့ၩဝ့ၫလီၫ.- ဂဲၫလၧၦနံၫဂၩလဂၩ အအီၪတၭ,စံၭဝ့ၫဘဲၫနီၪၥိၭဆ့လီၫ. အဝ့ၫနီၪချဲၩ့ဆၧၫ့ ဆၧတၭ,စံၭဝ့ၫဒၪ,ယမိလ့ၩလီၫ, ကဆါဧ့း တၭလ့ၩ ဘၪအ့ၬ.- ၦနံၫဂၩနီၪမွဲအမၩဝ့ၫထီးဒၪအဖါအၥၭလဂၩဂၩလဲၪ. အဝ့ၫၥံၪစံၭဝ့ၫ,လၧအခၪ့ထံၭလဂၩလီၫ. ယ့ၫရှူၬစံၭဆၧၫ့ဝ့ၫ, ယလီၩဘၪနၥံၪတီၩတီၩ လၧၦအၪ့ကံၩ့အခီၫ့ဒဲၦမဲၩဎွဲၩမုၪလဖၪနီၪ လ့ၩနုၬဝ့ၫလၧမူၭခိၪ အဘၩ့အမုးအဖၧၩ့လၧနၥံၪအမ့ၬယၫလီၫ.- အဂဲးဘဲၫယီၩ, စယီဟၫ့ဂဲၫလၧဆၧတီၩဆၧလီၩ့အဖၧၩ့ၥၭ, နၥံၪနဲၩအ့ၬ. အ့ၪမွဲ ၦအၪ့ကံၩ့အခီၫ့ဒဲၦမဲၩဎွဲၩမုၪ လဖၪနီၪနဲၩဝ့ၫတၭ, နၥံၪဒၪဘၪနၥံၪဝ့ၫတၭ, ဘဲၫနၥံၪ မိနဲၩဝ့ၫအၥိၭ, နၥံၪနီၫ့ယါလၩ့ထဲၩ့နၥံၪအၥၭ လၧအလးခဲၫ့ဆ့အ့ၬ. '