နဲၩ့ဎီၩ့ ဆၧဆီၪ့ဆၧချဲၫ့

နဲၩ့ဎီၩ့ဆၧဆီၪ့ဆၧချဲၫ့နီၪ ပအီၪၥၭမၧၫ့ဆၧဆံၫ့ဖျ့ၪအဂး ဆီၪ့ချဲၫ့ဝ့ၫဒၪ နဲၩ့ဎီၩ့ လိၫဝ့ၫဒၪတၡါလီၫႉ ပအၪ့အီၩ့ ဆၧအၪ့ဆၧအီၩ့လဖၪ ပၥွံၭလံၩလဖၪဒဲ ပအီၪမၩအၪ့ဖံၭအၪ့ဆၧလးကျဲၩ့လဖၪနီၪ လိၫဝ့ၫ ဆၧဒူၩဆၧယးအီၪ ဆၧဆီၪ့ချဲၫ့ဆံၫ့ဖျ့ၪနီၫလီၫႉ နဲၩ့ဎီၩ့လၧအဆံၫ့အဖျ့ၪအီၪဘဲၫယီၩၥိၭမၬ ၦခမျၧးလဖၪ ကဆၧဆီၪ့ဆၧချဲၫ့ကဂ့ၩနီၪလီၫႉ ၦခမျၧးလဖၪ အ့ၪအီၪဆီၪ့အီၪချဲၫ့မၬ မၩဒိၪထၪ့ထီၫ့ထၪ့ ခီၫၡၩကန့နီၪလီၫႉ ပအီၪဆီၪ့အီၪချဲၫ့မၬ ပဂံၪ့ဒီၪ့ ဆၧအၪ့ဆၧအီၩ့ႇ ဆၧအီၪအဂး မၩထၪ့ဆၧဖံၭဆၧမၩကနၧၩ့နီၪလီၫႉ ၦခမျၧးၥံၪလဖၪ အ့ၪအဆၧဆီၪ့ဆၧချဲၫ့လဂ့ၩဘၪစွါဘဲၫ ထံၫခးခီၫ့ၡၩဆၧလ့ၩထၪ့လ့ၩထီၫ့ မကအီၪန့ဧၪႉ မွဲဆၧဘဲၫနီၪ လ့ၩလၧအဆံၫ့အဖျ့ၪဒဲ ထံၫပအီၩ့လၧအဆံၫ့အဖျ့ၪအီၪနီၪ မွဲအလိၫနၭထုၬဆၧအခၪ့ထံၭခၪ့ဎၧၩ့နီၪလီၫႉ

ဆၧမၩဆံၪ့ဖျ့ၪထၪ့ထဲၩ့ နဲၩ့ဎီၩ့ကဆီၪ့ချဲၫ့ထၪ့ထဲၩ့အဂး လမွဲဘၪ နဲၩ့ဎီၩ့ဆၧၥလိၪၥလံၬ ဘၪထံၭဆၫဆၧလဖၪ ကလၩ့ၡၩအဂး ဖီၪ့ထၪ့ဖံၭထၪ့ဆၧနီၪ ဆၧလ့ၩထၪ့လ့ၩထီၫ့အဖၧၩ့ အရ့ၩဒိၪထုၬ အကဲၩ့အခီၫ့ကဒုၩ ပၫဝ့ၫဒၪလီၫႉ အ့ၪပကလီၩၡၩခိၬဖိၪနီၪ ထံၫခးကဒိၪထၪ့ထီၫ့ထၪ့အဂး ၦခမျၧးၥံၪကအီၪဆီၪ့အဂး လိၫဝ့ၫလီၫႉ ၦခမျၧးၥံၪလဖၪ အီၪဆီၪ့မၬ ခီၫၡၩဆၧလ့ၩထၪ့လ့ၩထီၫ့ မၩထၪ့ဝ့ၫန့ လကၭဘၪ ထံၫခးအဂး ဂံၪ့ဒီၪ့အဂး မၩထၪ့ဝ့ၫကန့ဂ့ၩဂ့ၩနီၪလီၫႉ လကၭဒံၭဘၪ နဲၩ့ဎီၩ့အဆံၫ့အဖျ့ၪအ့ၪလအီၪဘၪနီၪ ဘဲၫခီၫ့ၡၩဆၧလ့ၩထၪ့လ့ၩထီၫ့ဂဲၫကဲၪထၪ့လန့ဘၪအၥိၭ မွဲကဘၪထဲးဘၪဎဲး ၦခမျၧးၥံၪလဖၪအဆၧအီၪၥၭမၧၫ့ ဆၧဆီၪ့ဆၧချဲၫ့နီၪလီၫႉ